<div class="article-content">
<p><strong>ភ្នំពេញ៖</strong> អគ្គនាយករង កិច្ចការបច្ចេកទេស និង ជាប្រធាន នាយកដ្ឋាន ជលសាស្រ្ត និងការ<br />ងារ ទន្លេ នៃក្រសួង ធនធានទឹក និងឧតុនិយម បាន មានប្រសាសន៍ថា ព្យុះណារិ ទី២៥ នឹង<br />ធ្វើដំណើរ មកដល់អាង ទន្លេមេគង្គ នៅថ្ងៃទី១៥-១៦ ខែតុលា ឆ្នាំ២០១៣ខាងមុខនេះ។</p>
<p>ការថ្លែងបែបនេះ បានធ្វើឡើង នៅក្នុងសិក្ខា សាលាថ្នាក់ជាតិ មួយស្តីពី នីតិវិធីប្រតិបត្តិការ <br />ស្តង់ដា ដើម្បីធ្វើឲ្យ ប្រសើរឡើងនូវព័ត៌មាន ហានិភ័យ អាកាសធាតុ ដែលបង្កឡើង ដោយ<br />សារព្រឹត្តិការណ៍ ធាតុអាកាសធ្ងន់ធ្ងរ នៅព្រឹកថ្ងៃទី១០ ខែតុលា ឆ្នាំ២០១៣ នាសណ្ឋាគារ អ៊ីម<br />ភ័ររៀល រាជធានី ភ្នំពេញ ដោយមានសិក្ខា កាមចូល រួមមកពីក្រសួងធនធានទឹក និងឧតុនិយម<br />, នាយកដ្ឋានជលសាស្រ្ត និងការងារទន្លេ, គណៈកម្មាធិការជាតិ គ្រប់គ្រងគ្រោះមហន្តរាយ <br />និងក្រសួងស្ថាប័នពាក់ព័ន្ធប្រមាណ ២៥នាក់ ក្នុងគោលបំណង ដើម្បីផ្តល់ព័ត៌មាន ជាមុន<br /> ក្នុងការបង្ការគ្រោះមហន្តរាយ ក៏ដូចជាជូនដំណឹងអំពីផលប៉ះពាល់ នៅតំបន់មួយចំនួន។</p>
<p>លោក ម៉ៅ ហាក់ អគ្គនាយករងកិច្ចការបច្ចេកទេស និងជាប្រធាននាយកដ្ឋានជលសាស្រ្ត <br />ការងារទន្លេ នៃក្រសួង ធនធានទឹក និងឧតុនិយម បានលើកឡើងថា «ថ្ងៃនេះ យើងបាន<br />មើលឃើញ ប៉ុន្តែមិនទាន់ច្បាស់ ជាព្យុះណារិ ទី២៥ ដោយបានកើតឡើងនៅភាគខាងកើត<br />ប្រទេស ហ្វីលីពីន ហើយនៅថ្ងៃសៅរ៍ នឹងឆ្លងកាត់ហ្វីលីពីន សំដៅ មកភាគកណ្តាលប្រទេស<br />វៀតណាម ។តាមការព្យាករណ៍ថ្នាក់តំបន់ ព្យុះនេះនឹងតម្រង់មកដល់ អាងទន្លេមេគង្គ នៅថ្ងៃ<br />ទី១៥-១៦ ខែតុលា»។</p>
<p>លោកបានបន្តថា ពាក់ព័ន្ធនឹងបញ្ហាព្យុះទី២៥នេះ ក្រសួងធនធានទឹក និងឧតុនិយមកំពុង<br /> តាមដានបន្ថែមឲ្យ បានច្បាស់លាស់ ជូនដំណឹងអំពី ព្យុះនេះ ដើម្បីឲ្យប្រជាជនបង្ការទុក<br />ជាមុន ជៀសវាងការកើតឡើងគ្រោះថ្នាក់ ដោយយថាហេតុ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/October/id-011/Hong-0162.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>