<p><span style="color: #000000;"><strong>ភ្នំពេញ ៖</strong> កម្លាំងសន្តិសុខ និងក្រុមអាជីវករផ្សារបឹងកេងកង នៅព្រឹកថ្ងៃទី២១ ខែមេសា ឆ្នាំ២០១៥នេះ បានឃាត់ខ្លួន ស្ត្រីម្នាក់ បន្ទាប់ពីសង្ស័យចរាចរណ៍ ក្រដាសប្រាក់១ម៉ឺនរៀល ក្លែងក្លាយ ៤៨ សន្លឹក ។</span></p>
<p><span style="color: #000000;">អាជីវករផ្សារបឹងកេងកង បានឲ្យដឹងថា ស្រ្តីសង្ស័យឈ្មោះ ប៉ុន លក្ខិណា អាយុ២២ឆ្នាំ បានស្ពាយកាបូបមួយ ដើរទិញ ទំនិញក្នុងផ្សារ ហើយបានយកលុយក្រដាស ១ម៉ឺនរៀលមួយបាច់ ដើរចាយ ប៉ុន្តែ ពេលយកលុយនោះ ទៅឲ្យក្រុម អាជីវករ ក៏មានការសង្ស័យ ដោយពិនិត្យទៅខុស ពីក្រដាសប្រាក់ធម្មតា ក៏បានប្រាប់សន្តិសុខនាំយកទៅសួរនាំ ។</span></p>
<p><span style="color: #000000;">សន្តិសុខផ្សារបឹងកេងកង បានដកហូតក្រដាសប្រាក់ ១ម៉ឺនរៀល សង្ស័យចំនួន៤៨សន្លឹក ក្រោយការសួរនាំ ហើយ ប្រគល់បន្តទៅប៉ុស្តិ៍នគរបាលបឹងកេងកងទី១ ។</span></p>
<p><span style="color: #000000;">មន្រ្តីនគរបាលបានឲ្យដឹងថា នារីសង្ស័យបានសារភាពថា ក្រដាសប្រាក់ទាំងនេះ ពិតជាក្លែងក្លាយ ហើយ លុយនេះ បានមកពីមនុស្សម្នាក់ផ្សេងទៀត ឲ្យយកមកចាយ ។</span></p>
<p><span style="color: #000000;">យ៉ាងណាក៏ដោយ ជនសង្ស័យនៅមិនទាន់បញ្ជាក់ច្បាស់លាស់ ពីប្រភពអ្នកចែកចាយក្រដាសប្រាក់នេះទេ ហើយនារី សង្ស័យកំពុងស្ថិតក្នុងការស៊ើបអង្កេត នៃមន្ត្រីជំនាញតាមនីតិវិធីច្បាប់ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/4/21/t-0169-21-04-2015--19-39-22.jpg"><span style="color: #000000;"><img src="/FileManager/Articles/mce/2015/4/21/t-0169-21-04-2015--19-39-22.jpg" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/4/21/t-0170-21-04-2015--19-39-47.jpg"><span style="color: #000000;"><img src="/FileManager/Articles/mce/2015/4/21/t-0170-21-04-2015--19-39-47.jpg" alt="" /></span></a></span></p>
<p style="text-align: right;"><br /><span style="color: #000000;"><a class="thickbox" title="" href="/FileManager/Commons/2015/4/21/t-0170-21-04-2015--19-39-47.jpg"></a>ផ្ដល់សិទ្ធដោយ៖ ដើមអម្ពិល</span></p>