<p><span style="color: #000000;"><strong>(ប៉េកាំង)៖</strong> កម្មករមើលការខុសត្រូវជណ្តើរយន្តក្នុងអាគារស្នាក់នៅមួយកន្លែងក្នុងខេត្ត Xi’an ប្រទេសចិន មានការភ្ញាក់ ផ្អើលជាខ្លាំង នៅពេលដែលពួកគេប្រទះឃើញសាកសពស្ត្រីម្នាក់ដេកស្លាប់ ក្នុងជណ្តើរយន្តដែលខានដំណើរការអស់រយៈពេល១ខែមកហើយ ។</span></p>
<p><span style="color: #000000;">ប៉ូលិសកំពុងស៊ើបអង្កេតករណីនេះ ព្រោះសង្ស័យថាអាចពាក់ព័ន្ធនឹងរឿងមនុស្សឃាត បន្ទាប់ពីសាកសពស្ត្រី អាយុ៤០ឆ្នាំឈ្មោះ Wu ត្រូវបានរកឃើញថា នាងជាប់ក្នុងជណ្តើរយន្តដែលលែងដំណើរការអស់រយៈពេលដ៏យូរហើយ ប្រហែលជាគ្មានអាហារបរិភោគទើបជនរងគ្រោះត្រូវស្លាប់នៅទីនោះ ។</span></p>
<p><span style="color: #000000;">ម្ចាស់អាគារ និងកម្មករជាច្រើនត្រូវបានហៅទៅសាកសួរ ហើយពួកគេសុទ្ធតែអះអាងថា ពេលដែលបិទជណ្តើរយន្ត គឺពុំឃើញមានមនុស្សនៅក្នុងនោះទេ ប៉ុន្តែប៉ូលិសបានរកឃើញភស្តុតាងដែលអាចបញ្ជាក់ថា ស្ត្រីរងគ្រោះព្យាយាមបើកទ្វារជណ្តើរយន្ត និងស្រែកហៅមនុស្សឲ្យជួយ តែគ្មាននរណាបានឮឡើយ ។</span></p>
<p><span style="color: #000000;">ករណីនេះប៉ូលិសកំពុងស៊ើបបន្ថែម ហើយកម្មករដែលមើលការខុសត្រូវជណ្តើរយន្តខ្លះ អាចនឹងចោទប្រកាន់ផងដែរ បើសិនគេរកឃើញថា ពួកគេធ្វេសប្រហែសធ្វើឲ្យស្ត្រីរងគ្រោះត្រូវបាត់បង់ជីវិត ៕</span></p>
<p><a class="thickbox" title="" href="/FileManager/Commons/2016/3/9/14-09-03-2016--15-18-16.jpg"><img src="/FileManager/Articles/mce/2016/3/9/14-09-03-2016--15-18-16.jpg" alt="" /></a></p>
<div id="aside" class="span3">
<div class="moduletable">
<div class="custom">
<p style="text-align: right;"><span style="color: #000000;"> <span class="a2a_kit a2a_kit_size_32 addtoany_list" style="line-height: 32px;" data-a2a-url="http://www.freshnewsasia.com/index.php/en/19431-2016-03-06-02-00-11.html" data-a2a-title="ឃាតកម្មសាហាវមួយទៀតហើយនៅសៀមរាប យុវជនល្មោភកាមរំលោភហើយសម្លាប់ កុមារីអាយុ១១ឆ្នាំម្នាក់">ផ្តល់សិទ្ធដោយ ៖ ហ្វ្រេសញូវអាស៊ី </span></span></p>
</div>
</div>
</div>