<p><span style="color: #000000;"><strong>(ប៉ារីស)៖</strong> កីឡាករជើងខ្លាំង Cristiano Ronaldo និងមិត្តរួមក្រុម Gareth Bale ដែលស្ថិតក្លឹបអាជីព Real Madrid តែមួយ នឹងត្រូវប្រឈមមុខដាក់គ្នាម៉ោង ២យប់រំលងអាធ្រាត្រស្អែកនេះក្នុងព្រឹត្តិការណ៍បាល់ទាត់ Euro 2016 នៅបារាំង ក្នុងការជួយក្រុមជម្រើសជាតិរបស់គេរៀងៗខ្លួននៃវគ្គពាក់កណ្តាលផ្តាច់ព្រ័ត្រនៅពហុកីឡដ្ឋាន Parc Olympique Lyonnais ស្ថិតក្នុងទីក្រុង Lyon។។</span></p>
<p><span style="color: #000000;">តាមរយៈសារព័ត៌មាន BBC បានផ្សាយឲ្យដឹងថា តារាងឆ្នើម Cristiano Ronaldo បានជួយឲ្យក្រុមជ្រើសជាតិ ព័រទុយហ្គាល់ ឡើងមកដល់វគ្គពាក់កណ្តាលផ្តាច់ព្រ័ត្រនៃព្រឹត្តិការណ៍ពានរង្វាន់ប្រចាំទ្វីបអឺរ៉ុប UEFA Euro 2016 លើកទី១៥ នេះទាំងត្រដាបត្រដួសបំផុត និងពុំទាន់ឈ្នះគូប្រកួតក្នុងម៉ោង ៩០នាទីពេញម៉ោងនៅឡើយទេ ក្រៅពីបានទម្លាក់ក្រូអាត ក្នុងនាទីបន្ថែមនៅនាទីទី ១១៧ ក្នុងវគ្គ១៦ក្រុម មុនមកទម្លាក់ប៉ូឡូញដោយបាល់ប៉េណាល់ទី ៥-៣ ក្នុងវគ្គ៨ក្រុមចុងក្រោយជាបន្តទៀត ដើម្បីឡើងមកជួប វ៉េល របស់ Gareth Bale ក្នុងវគ្គ៤ក្រុមចុងក្រោយ។</span></p>
<p><span style="color: #000000;">ពួកគេទាំងពីរជាកីឡាករស្ថិតក្នុងជម្រើសជាតិ ១១នាក់ដំបូងជានិច្ចរបស់ក្លឹបអ្នកមាន Real Madrid របស់អេស្ប៉ាញ នាពេលបច្ចុប្បន្ន តែរាត្រីស្អែកនេះ ត្រូវស៊ីសាច់ហុតឈាមគ្នា ដើម្បីជួយជាតិរៀងៗខ្លួនឆ្ពោះទៅកាន់តំណែងជើងឯក Euro 2016 ដែលមានម្ចាស់ផ្ទះបារាំង ត្រូវប៉ះជើងខ្លាំងអាល្លឺម៉ង់ដែរនោះ។</span></p>
<p><span style="color: #000000;">Ronaldo មានវ័យកាន់តែជ្រេបន្តិចហើយ ក្នុងអាយុ ៣១ឆ្នាំដែលទើបតែរកគ្រាប់ស៊ុតបញ្ចូលទីបាន ២គ្រាប់នៅឡើយ ក្នុង Euro 2016 នេះ គ្រាដែល Gareth Bale រកបាន ៣គ្រាប់ហើយ ដែលមានវ័យទើបតែ ២៥ឆ្នាំប៉ុណ្ណោះ៕</span></p>
<p><span style="color: #000000;"><img src="http://img.uefa.com/MultimediaFiles/Photo/competitions/General/02/38/81/91/2388191_w1.jpg" alt="" width="730" /></span></p>
<p style="text-align: center;"><span style="color: #000000;">Cristiano Ronaldo (ឆ្វេង) និង Gareth Bale</span></p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
</div>
<div class="detail_bottom_function">
<div class="facebook_like"></div>
</div>