<div>
<p><span style="color: #000000;"><strong>(ភ្នំពេញ)៖</strong> គិតត្រឹមម៉ោង ៧៖៣០នាទីព្រឹកថ្ងៃទី១៥ ខែកុម្ភៈនេះ មានកីឡាការិនីដ៏ស្រស់ស្អាត២រូប កំពុងប្រជែងភាពទាក់ទាញពីអ្នកគាំទ្រ នៅក្នុងការប្រកួតពានរង្វាន់អត្តពលិក មានប្រជាប្រិយភាពជាងគេ គឺកីឡាការិនីហែលទឹក ហែម ថុនវិទិនី និងកីឡាការិនីតេក្វាន់ដូ ស៊ន សៀវម៉ី ។ ប៉ុន្ដែទន្ទឹមកីឡាការិនីទាំង ២រូបទទួលបានការគាំទ្រច្រើនបែបនេះ បែរជាប្រិយភាពខ្សែប្រយុទ្ធឆ្នើម ចាន់ វឌ្ឍនាកា មានការធ្លាក់ចុះទៅវិញ ។</span></p>
<p><span style="color: #000000;">គណៈកម្មាធិការជាតិអូឡាំពិកកម្ពុជា និងសណ្ឋាគារណាហ្គាវើល ដាក់រូបកីឡាករ-កីឡាការិនី ៥រូបឲ្យទស្សនិកជន បោះឆ្នោះគាំទ្រ តាមរយៈការចុក Like លើរូបភាព ដើម្បីឈ្នះពានរង្វាន់អត្តពលិក មានប្រជាប្រិយភាពជាងគេ ក្នុងឆ្នាំ២០១៥ ។ បេក្ខភាពឈរឈ្មោះទាំង ៥នាក់ គឺមានកីឡាករ ចាន់ វឌ្ឍនាកា និង ប្រាក់ មុន្នីឧត្តម ចូលរួមប្រកួតដណ្ដើមពានរង្វាន់បុរស រីឯកីឡាការិនី ហែម ថុនវិទិនី, ស៊ន សៀម៉ី និងកីឡាការិនីល្បុក្កតោ សំ ថារ័ត្ន គឺចូលរួមដណ្ដើមពានរង្វាន់នារី ។</span></p>
<p><span style="color: #000000;">ប៉ុន្ដែអ្វីដែលគួរឲ្យភ្ញាក់ផ្អើល មកទល់ពេលនេះការគាំទ្រ គឺមានភាពខុសប្លែកកាលពី ១សប្ដាហ៍មុនដាច់ ព្រោះបើកឆាកភ្លាម អ្នកទទួលបានការចុក Like គាំទ្រច្រើនជាងគេ គឺកីឡាករ ចាន់ វឌ្ឍនាកា ។ តែឥលូវនេះ ហែម ថុនវិទិនី កំពុងនាំមុខគេវិញម្ដង ដោយទទួលបានការគាំទ្រចំនួន ២១.០០០Like ខណៈតាមពីក្រោយយ៉ាងប្រកៀកប្រកិតបំផុត ដោយអតីតម្ចាស់មេមាស កីឡាអាស៊ីកញ្ញា ស៊ន សៀវម៉ី ដែលទទួលបានការគាំទ្រចំនួន ២០.២០០Like ។</span></p>
<p><span style="color: #000000;">ជាងនេះទៅទៀតគេសង្កេតឃើញប៉ុន្មានថ្ងៃចុងក្រោយនេះ កញ្ញាដ៏ស្រស់ស្អាត ហែម ថុនវិទិនី និង ស៊ន សៀវម៉ី ព្យាយាមបង្ហោះវីដេអូ និងសរសេរបង្ហោះនៅលើ Facebook ផ្ទាល់ជាច្រើនលើ ដើម្បីសុំការគាំទ្រ ឬការចុក Like ពីសំណាក់ប្រជាពលរដ្ឋ និងមិត្តៗយុវវ័យ ដែលស្នេហាវិស័យកីឡា ដើម្បីប្រជែងពានរង្វាន់អត្តពលិក មានប្រជាប្រិយភាពជាងគេនេះ ។</span></p>
<p><span style="color: #000000;">ដូចការគ្រោងទុក អ្វីដែលពួកគេធ្វើនោះ គឺបានជាបានផល ព្រោះមួយពេលដែល ហែម ថុនវិទិនី និង ស៊ន សៀវម៉ី បង្ហោះវីដេអូលើប្រព័ន្ធ ទំនាក់ទំនងសង្គម គឺមានទស្សនិកជនជាច្រើន បានចូលទៅចុក Like គាំទ្រលើរូបភាពកីឡាការិនីទាំង ២រូប ដែលពួកគេស្រលាស់ ។ ប៉ុន្ដែទោះជាយ៉ាងណាពេលនេះ នៅមិនទាន់ច្បាស់ថា អ្នកណាមានសង្ឃឹមខ្ពស់ ដើម្បីឈ្នះពាននោះទេ ព្រោះលទ្ធផលនឹងដឹងនៅយប់ថ្ងៃទី១៧ ខែកុម្ភៈខាងមុខ ។</span></p>
<p><span style="color: #000000;">សម្រាប់ប្រជាប្រិយភាពខ្សែប្រយុទ្ធដ៏មុតស្រួច របស់ក្លឹបបឹងកេតអង្គរ ចាន់ វឌ្ឍនាកា ដែលធ្លាប់នាំមុខគេនោះ ពេលនេះទើបទទួលបាន ការគាំទ្រចំនួន ១៤.៩០០Likeប៉ុណ្ណោះ ។ ប៉ុន្ដែចំនួននេះ អាចនឹងឈ្នះពានអត្តពលិកមានប្រជាប្រិយភាពជាងគេផ្នែកបុរសហើយ ប្រសិនគូប្រជែងតែម្នាក់គត់ គឺកីឡាករ ប្រាក់ មុន្នីឧត្តម គ្មានលទ្ធភាពអាចតាមទាន់ទេនោះ ។ ពេលនេះ ប្រាក់ មុន្នីឧត្តម ទទួលបាន ការគាំទ្រចំនួន ៨.៥៥០Like ៕</span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xtl1/v/t1.0-0/s480x480/12717784_229957164003460_7778779206174376334_n.jpg?oh=dc0d862dd08de8316928b551ed0c2f1e&oe=576FB9FD" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfp1/v/t1.0-9/12742638_229957174003459_2057741323329263939_n.jpg?oh=4ffc035cea7a1b1d51b10433ae37b695&oe=57649DCF" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfl1/v/t1.0-9/12742593_229957170670126_3913093412542342308_n.jpg?oh=5720e9e03b2c09b20e5533da0bcb26e5&oe=575C6B60" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xft1/v/t1.0-9/12745795_229957197336790_4338044765644015689_n.jpg?oh=940bc16804df5c841d414d64c7e7b5f3&oe=575EA988" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>