<p><span style="color: #000000;"><strong>ព្រះសីហនុ៖</strong> អភិបាលក្រុងព្រះសីហនុ លោក ជិន សារិន ត្រូវបានរាជរដ្ឋាភិបាលកម្ពុជា សម្រេចដកចេញពីតំណែង ហើយដាក់ជំនួសមកវិញ ដោយលោក អ៊ី សុខឡេង អភិបាលរងខណ្ឌ ៧មករា។ ការដកតំណែងរបស់លោក ជិន សារិន បានធ្វើឡើងតែប៉ុន្មានថ្ងៃប៉ុណ្ណោះ បន្ទាប់ពីលិខិតស្នើសុំឡើងកាន់តំណែងជាអភិបាលខេត្តព្រះសីហនុ របស់អភិបាលក្រុងរូបនេះ ត្រូវបានគេទម្លាយជាសាធារណៈ។</span></p>
<p><span style="color: #000000;">យោងតាមអនុក្រឹត្យរបស់រាជរដ្ឋាភិបាល ដែលចុះហត្ថលេខាដោយសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា កាលពីថ្ងៃទី២៤ ខែកក្កដា ឆ្នាំ២០១៥ ដែលមជ្ឈមណ្ឌលព័ត៌មានដើមអម្ពិលទើបទទួលបាននៅថ្ងៃទី៣១ ខែកក្កដា បានឲ្យដឹងថា លោក ជិន សារិន នឹងត្រូវផ្ទេរភារកិច្ច ឲ្យមកបម្រើការងារ នៅទីស្តីការក្រសួងមហាផ្ទៃ ហើយក៏ត្រូវបានដំឡើងឋារន្តរស័ក្តិឧត្តមមន្រ្តីថ្នាក់លេខ១ផងដែរ។</span></p>
<p><span style="color: #000000;">សូមរំឮកផងដែរថា មុនឈានដល់ការដកតំណែង កាលពីប៉ុន្មានថ្ងៃមុនលិខិតអន្តរាគមន៍ សុំឡើងកាន់តំណែងជាអភិបាលខេត្តព្រះសីហនុ របស់លោក ជិន សារិន ត្រូវបានគេទម្លាយជាសាធារណៈ នាំឲ្យមានការរិះគន់យ៉ាងខ្លាំង ពីមជ្ឈដ្ឋាននានា។</span></p>
<p><span style="color: #000000;">ក្នុងលិខិតស្នើសុំធ្វើជាអភិបាលខេត្តព្រះសីហនុ របស់លោក ជិន សារិន ត្រូវបានចារបដិសេធដោយសម្តេចក្រឡា ហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ។ សម្តេចក្រឡាហោម បានបញ្ជាក់ថា លោក ជិន សារិន ជាមន្រ្តីមួយរូប ដែលរងការតិះទៀនច្រើនថែមទៀតផង៕</span></p>
<p><span style="color: #000000;"><a class="thickbox" title="" href="/FileManager/Commons/2015/7/31/7-31-2015-2-55-20-pm-31-07-2015--15-01-08.png"><span style="color: #000000;"><img src="/FileManager/Articles/mce/2015/7/31/7-31-2015-2-55-20-pm-31-07-2015--15-01-08.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/7/31/hour-00293-31-07-2015--15-01-18.jpg"><span style="color: #000000;"><img src="/FileManager/Articles/mce/2015/7/31/hour-00293-31-07-2015--15-01-18.jpg" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span><span><br /></span></p>