<p>រដ្ឋាភិបាលអ៊ីរ៉ង់ អាចនឹងពិចារណាក្នុងការហាមមិនឱ្យលក់ iPhone នៅក្នុងប្រទេសនេះ បើសិន <br />Apple មិនសហការណ៍ជាមួយពួកគេ ក្នុងយុទ្ធនាការប្រឆាំងនឹងការរត់ពន្ធទូរស័ព្ទ។</p>
<p style="text-align: center;"><a class="thickbox" title="" href="/FileManager/Commons/2016/7/20/iran-iphone-ban-20-07-2016--09-55-08.jpg"><img src="/FileManager/Articles/mce/2016/7/20/iran-iphone-ban-20-07-2016--09-55-08.jpg" alt="" width="422" height="221" /></a></p>
<p>សេចក្ដីរាយការណ៍មួយថ្មីៗនេះ បានឱ្យដឹងថា រដ្ឋាភិបាលអ៊ីរ៉ង់ កំពុងតែពិនិត្យ និងពិចារណាក្នុង<br />ការហាមដាក់លក់ iPhone នៅក្នុងប្រទេសនេះ លើកលែងតែ Apple ចុះឈ្មោះចូលរួមក្នុងយុទ្ធនា<br />ការ ប្រឆាំងនឹងការរត់ពន្ធស្មាតហ្វូនរបស់រដ្ឋាភិបាល។ ដើម្បីបន្តលក់ iPhone នៅក្នុងទីផ្សារអ៊ីរ៉ង់<br /> ក្រុមហ៊ុន Apple ត្រូវតែចុះឈ្មោះការិយាល័យតំណាងរបស់ខ្លួនជាផ្លូវការនៅក្នុងប្រទេសនេះ។</p>
<p>អាជ្ញាធរបានឱ្យដឹងថា ការរត់ពន្ធទូរស័ព្ទឆ្លាតវៃ គឺជាបញ្ហាធំមួយនៅអ៊ីរ៉ង់។ សេចក្ដីរាយការណ៍<br />របស់ទីភ្នាក់សារព័ត៌មាន Tasnim ចុះផ្សាយថា អ៊ីរ៉ង់ មានអ្នកប្រើប្រាស់ស្មាតហ្វូនចំនួន ៤០លាន<br />នាក់ ហើយទូរស័ព្ទភាគច្រើន ត្រូវបានគេនាំចូលដោយខុសច្បាប់។</p>
<p>នៅក្នុងកិច្ចប្រឹងប្រែងមួយដើម្បីទប់ស្កាត់ការប្រើប្រាស់ស្មាតហ្វូនដែលនាំចូលដោយខុសច្បាប់<br /> អ៊ីរ៉ង់ នឹងចេញច្បាប់មួយ ទាមទារឱ្យអ្នកផ្គត់ផ្គង់ស្មាតហ្វូនទាំងអស់ ត្រូវតែចុះឈ្មោះនៅឯអង្គភាព<br />ទិន្នន័យទំនាក់ទំនងរបស់រដ្ឋាភិបាល។</p>
<p style="text-align: center;"><a class="thickbox" title="" href="/FileManager/Commons/2016/7/20/iran-20-07-2016--09-55-54.jpg"><img src="/FileManager/Articles/mce/2016/7/20/iran-20-07-2016--09-55-54.jpg" alt="" /></a></p>
<p>ប្រការខាងលើគឺមានន័យថា បើសិនអ្នកមានទូរស័ព្ទមួយគ្រឿងដែលមិនទាន់បានចុះឈ្មោះនោះ<br />ទេ អ្នកនឹងមិនអាចប្រើវាបាននៅក្នុងប្រទេសអ៊ីរ៉ង់។ ប៉ុន្តែ សូមបញ្ជាក់ថា ច្បាប់នេះ នឹងមិនប៉ះពាល់<br />ដល់ អ្នកដែលកំពុងប្រើប្រាស់ស្មាតហ្វូន មុននឹងច្បាប់នេះ ចូលជាធរមាន។</p>
<p>ប្រធានគម្រោងទប់ទល់នឹងការរត់ពន្ធទូរស័ព្ទនៅអ៊ីរ៉ង់ ថ្លែងថា “បើសិន Apple មិនចុះឈ្មោះជាផ្លូវ<br />ការនៅប៉ុន្មានថ្ងៃខាងមុខនោះទេ នោះ iPhone ទាំងអស់នឹងត្រូវរដ្ឋាភិបាលរឹបអូស”។</p>
<p style="text-align: right;">ប្រែសម្រួល ៖ បុត្រា<br /><br /></p>