<p><span style="color: #000000;">កីឡាករប្រដាល់ កើតនៅសហរដ្ឋអាមេរិក ដើមកំណើតខ្មែរ បានក្លាយជាម្ចាស់ជើងឯក ខ្សែក្រវាត់ទំងន់ធ្ងន់អាស៊ី WBA បន្ទាប់ពីបានផ្តួលគូប្រកួតឥណ្ឌូណេស៊ី នៅត្រឹមទឹកទី ១។</span></p>
<p><span style="color: #000000;">អេរិក ប៉ែន បានឈ្នះខ្សែក្រវាត់ទំងន់ធ្ងន់អាស៊ី WBA ក្រោយពីបានផ្តួល Satria Antasena ក្នុងទឹកទី ១ ក្នុងការប្រកួតមួយនៅទីក្រុងហូជីមិញ។កីឡាករ ប៉ែន អាយុ ២៧ ឆ្នាំ បានចំណាយពេលត្រឹមតែ ២ នាទីនិង ៥០ វិនាទីដើម្បីផ្ដួល Antasena ក្នុងជំនួបប្រដាល់កាលពីចុងសប្តាហ៍មុន។</span></p>
<p><span style="color: #000000;">“ខ្ញុំតែងតែជឿថា ខ្ញុំអាចផ្ដួលគូប្រកួតនៅទឹកទី១។ ខ្ញុំចង់បន្តការប្រគួតដល់ទឹកទី៤ ប៉ុន្តែខ្ញុំមិនចង់បាត់បង់ឱកាសដើម្បីឈ្នះការប្រគួតនៅទឹកទីមួយទេ»។</span></p>
<p><span style="color: #000000;">ឪពុកម្តាយរបស់ ប៉ែន បានចាកចេញពីប្រទេសកម្ពុជា ទៅរស់នៅសហរដ្ឋអាមេរិចក្នុងឆ្នាំ ១៩៨៤។ កើតនៅសហរដ្ឋអាមេរិក ប៉ែន ត្រូវបានជ្រើសរើសធ្វើជាតំណាងឲ្យកម្ពុជាក្នុងការប្រកួតប្រដាល់។ បច្ចុប្បន្ន ប៉ែន ហ្វឹកហាត់នៅប្រទេសវៀតណាម ហើយចាត់ទុកទីនោះជាផ្ទះរបស់គាត់។</span></p>
<p><span style="color: #000000;">សំលៀកបំពាក់ប្រដាល់របស់គាត់ មានដាក់ទង់ជាតិកម្ពុជា និងវៀតណាម ជាតំណាងឲ្យប្រទេសដែលជាតិសាសន៍របស់គាត់ និងផ្ទះថ្មីរបស់គាត់។ ប៉ែន ហ្វឹកហាត់នៅក្លឹប កីឡាសៃហ្គនក្នុងប្រទេសវៀតណាម។</span></p>
<p><span style="color: #000000;"><a class="thickbox" title="" href="/FileManager/Commons/2019/5/22/6-22-05-2019--09-49-25.PNG"><span style="color: #000000;"><img src="/FileManager/Articles/mce/2019/5/22/6-22-05-2019--09-49-25.PNG" alt="" /></span></a></span></p>
<p><span style="color: #000000;">ញុំមិនទាន់មានផែនការច្បាស់លាស់នៅឆ្នាំនេះនៅឡើយទេ តែខ្ញុំប្រាកដក្នុងចិត្តថាខ្ញុំនឹងខិតខំតស៊ូប្រគួតបន្ថែមទៀត។ ខ្ញុំបន្តហ្វឹកហាត់នៅប្រទេសវៀតណាម ហើយខ្ញុំសង្ឃឹមថា នឹងទៅលេងប្រទេសកម្ពុជានៅថ្ងៃណាមួយ។ ខ្ញុំសូមអរគុណដល់អ្នកគាំទ្រវៀតណាម។ តាមពិតវៀតណាមជាផ្ទះដំបូងរបស់ខ្ញុំ។</span></p>
<p><span style="color: #000000;">ខ្សែក្រវាត់ WBA Asia គឺជាខ្សែក្រវ៉ាត់ដ៏ល្បីល្បាញ ដែលគ្រប់គ្រងដោយសមាគមកីឡាប្រដាល់ពិភពលោក។ WBA Asia (ពីមុនត្រូវបានគេស្គាល់ថាជាក្រុមប្រឹក្សាប្រដាល់ Eurasian ហៅកាត់ថា EPBC) គឺជាអង្គការមួយ ដែលរៀបចំការប្រកួតប្រដាល់ ប្រកបដោយជំនាញវិជ្ជាជីវៈនៅអាស៊ីកណ្តាល អូសេអានី អាស៊ីប៉ាស៊ីហ្វិក អាស៊ីអឺរ៉ុប និងនៅបណ្តាប្រទេសអាស៊ីអាគ្នេយ៍ដ៏ទៃទៀត៕</span></p>
<p style="text-align: right;"><span style="color: #000000;">ប្រភព ៖ ខ្មែរថាម</span></p>