<p><span style="color: #000000;"><strong>(ពោធិ៍សាត់)៖</strong> មន្ដ្រីឧទ្យានុរក្ស ក្នុងតំបន់ប្រើប្រាស់ច្រើនយ៉ាងបឹងទន្លេសាប និងក្នុងដែនជម្រកសត្វព្រៃភ្នំសំកុស បានចុះល្បាតក្នុងមូលដ្ឋាន ២ថ្ងៃ ដោយរកឃើញមានបទល្មើសជាច្រើន ក្នុងភូមិសាស្ត្រខេត្តពោធិ៍សាត់។</span></p>
<p><span style="color: #000000;">ភ្នាក់ងារ Fresh News បានរាយការណ៍ថា នៅថ្ងៃទី០៦-០៧ ខែសីហា ឆ្នាំ២០១៦ មន្ដ្រីឧទ្យានុរក្ស បានបង្ក្រាបបទល្មើសធនធានធម្មជាតិ ក្នុងតំបន់ប្រើប្រាស់ច្រើនយ៉ាងបឹងទន្លេសាប ខេត្តពោធិ៍សាត់ បានចំនួន ២ទីតាំងផ្សេងគ្នាគឺ ទី១- ចំណុចរានអំបិល ស្ថិតក្នុងភូមិព្រែកក្រ ឃុំមេទឹក ស្រុកបាកាន រួមមានបរ ៣ក្បាល របាំងអួន ៣ខ្សែ ប្រវែង ២៩៥០ម៉ែត្រ យកដុតកំទេចចោល។ ទី២- ចំណុចភូមិព្រែក ឃុំរាំងទិល ស្រុកកណ្តៀង រួមមានលូកងស្បៃមុង ៩ក្បាល របាំងស្បៃ ៣ខ្សែ ប្រវែង ១៥០០ម៉ែត្រ កាប់កំទេចចោល ១០០០ម៉ែត្រ កាប់កំទេចចោលសាច់អួន ៤៥០ម៉ែត្រ កាប់កំទេចចោលបង្គោល ៤០០០ដើម ចាប់លែងកូនត្រីចម្រុះ ១៥០គីឡូក្រាម និងសារស្បៃមុង ៥០០ម៉ែត្រ យកមករក្សាទុកនៅស្នាក់ការរងតំបន់។</span></p>
<p><span style="color: #000000;">ចំណែកនៅថ្ងៃខែឆ្នាំដដែល មន្ត្រីឧទ្យានុរក្សក្នុងដែនជម្រកសត្វព្រៃភ្នំសំកុស បានចុះល្បាតនៅចំណុចអូរដើមព្រីង ផ្លូវ៤១០ ត្រង់ UTM ០៣១០៧០៩/១៣៧៣១៨៤ ប្រទះឃើញមានការ ឈូសឆាយ ដីព្រៃ និងព្យួរ បានប្រហែល ៩ហិកតា តាមការពិនិត្យទើបតែរុករានបានប្រែហលកន្លះខែមុន ក្រោយមកមន្ត្រីឧទ្យានុរក្សបានបន្តស្រាវជ្រាវ រកអ្នកប្រពឹត្រដើម្បីចាត់ការតាមច្បាប់៕</span></p>
<p><span style="color: #000000;"><img src="http://image.freshnewsasia.com/2016/010/fn-2016-08-08-10-38-08-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/010/fn-2016-08-08-10-38-08-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/010/fn-2016-08-08-10-38-08-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/010/fn-2016-08-08-10-38-08-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/010/fn-2016-08-08-10-38-34-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/010/fn-2016-08-08-10-38-34-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/010/fn-2016-08-08-10-38-35-2.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>