<p><span style="color: #000000;"><strong>(ភ្នំពេញ)៖</strong> រថយន្ដកូរ៉េដឹកឥដ្ឋ១គ្រឿង បើកបរមិនប្រុងប្រយ័ត្ន បុកនារីម្នាក់ដែលកំពុងតែជិះម៉ូតូតាមដងផ្លូវ បណ្ដាលឲ្យបែកក្បាលធ្លាយខួរចេញមកក្រៅ ស្លាប់យ៉ាងអណោចអធម៌។ ហេតុការណ៍គ្រោះថ្នាក់ចរាចរណ៍នេះ កើតឡើងនាម៉ោង១រសៀល ថ្ងៃទី២ ខែវិច្ឆិកា ឆ្នាំ២០១៦ នៅចំណុចទល់មុខរោងចក្រ៣ជាន់ លើកំណាត់ផ្លូវជាតិលេខ៥ ស្ថិតក្នុងភូមិស្ពានខ្ពស់ សង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ។</span></p>
<p><span style="color: #000000;">មន្ត្រីនគរបាលមូលដ្ឋាន បានបញ្ជាក់ថា មុនពេលកើតហេតុ គេបានឃើញរថយន្ដកូរ៉េដឹកឥដ្ឋ១គ្រឿង បើកបរដោយបុរសម្នាក់ ក្នុងទិសដៅពីជើងទៅត្បូង ក្នុងល្បឿនលឿនល្មមស្របទិសគ្នា ជាមួយម៉ូតូមួយគ្រឿង បើកបរដោយស្ត្រីម្នាក់ លុះជិះបើកមកដល់ទល់មុខរោងចក្រ៣ជាន់ ស្រាប់តែម៉ូតូទាក់ដៃចង្កូតជាមួយរថយន្ដ បណ្ដាលឲ្យដួលអូសប្រហែលជាង១០ម៉ែត្រ ខ្ទាតចូលក្រោមរថយន្ដ កិនក្បាលបែកធ្លាយខួរចេញមកក្រៅ ស្លាប់យ៉ាងអាណោចអាធម៌ភ្លាមៗ។</span></p>
<p><span style="color: #000000;">មន្ត្រីនគរបាលដដែល បន្ថែមថា ស្ត្រីរងគ្រោះឈ្មោះ ឡៃ ស្រីនាង អាយុ២០ឆ្នាំ មុខរបរជាអ្នករត់តុក្នុងហាង ស្នាក់នៅម្ដុំភូមិសែនសុខទី៥ សង្កាត់ឃ្មួញ ខណ្ឌសែនសុខ បើកបរម៉ូតូម៉ាកClick ពណ៌ខ្មៅ ពាក់ស្លាកលេខភ្នំពេញ1BH-8720 រីឯរថយន្ដបង្ក ម៉ាកហ៊ីយ៉ាន់ដាយ ពណ៌ស ពាក់ស្លាកលេខ3A-0292 ចំណែក អ្នកបើកបររថយន្ដមិនត្រូវបានស្គាល់ពីអត្តសញ្ញាណនោះទេ ដោយរត់គេចខ្លួនបាត់ ។</span></p>
<p><span style="color: #000000;">ក្រោយពេលកើតហេតុ រថយន្ដបង្កត្រូវបានសមត្ថកិច្ចយកទៅរក្សាទុក ដើម្បីដោះស្រាយតាមនីតិវិធី រីឯសពត្រូវបានក្រុមគ្រួសារយកទៅធ្វើបុណ្យតាមប្រពៃណី៕</span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F631704580334670%2F&show_text=0&width=560" frameborder="0" width="480" height="380"></iframe></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-11-02-14-51-41-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-11-02-14-51-41-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-11-02-14-51-41-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-11-02-14-51-41-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-11-02-14-51-41-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-11-02-14-51-41-5.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>