<p><span style="color: #000000;">បន្ទាប់ពី Brexit ក្រុមហ៊ុន Samsung កំពុងគិតទៅដល់វិធានការណ៍ផ្លាស់ប្តូរការិយាល័យកណ្តាល នៅតំបន់អឺរ៉ុបរបស់ខ្លួន ចេញពីប្រទេសអង់គ្លេស។ រីឯបណ្តាគូប្រកួតប្រជែងផ្សេងទៀតដូចជា LG និង Acer ក៏កំពុងគិតគូរពីវិធានការណ៍របស់ខ្លួនទុកជាមុនផងដែរ ចំពោះផលប៉ះពាល់នៃការចាកចេញរបស់ប្រទេសអង់គ្លេស ពីសហភាពអឺរ៉ុប។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/6/26/1540509-26-06-2016--10-26-43.jpg"><img src="/FileManager/Articles/mce/2016/6/26/1540509-26-06-2016--10-26-43.jpg" alt="" /></a></span></p>
<p style="text-align: center;"><em>មានក្រុមហ៊ុនបច្ចេកវិទ្យាមិនតិចនោះទេ កំពុងគិតគូរដកការិយាល័យរបស់ខ្លួន ចេញពីអង់គ្លេស</em><span style="color: #000000;"><br /></span></p>
<p><span style="color: #000000;">សារព័ត៌មាន Herald របស់កូរ៉េខាងត្បូង បានចុះផ្សាយព័ត៌មាន ស្តីពីរឿងដែលក្រុមហ៊ុន Samsung កំពុងតែធ្វើការរំលឹកដល់វិធានការណ៍ផ្លាស់ប្តូរការិយាល័យកណ្តាលនៅទីផ្សារអឺរ៉ុបរបស់ខ្លួន ចេញពីទីក្រុងឡុងដ៍ ទៅកាន់ទីតាំងថ្មីមួយទៀត។ បច្ចុប្បន្ន Samsung កំពុងមានរោងចក្រផលិតឧបករណ៍ប្រើប្រាស់នៅប្រទេសប៉ូឡូញ និងបណ្តាផលិតផលទូរទស្សន៍ ត្រូវបានដំឡើងនៅ ស្លូវ៉ាគី និងហុងគ្រី។</span></p>
<p><span style="color: #000000;">កាលពីឆ្នាំ ២០១៥ នៅពេលដែលបរិមាណលក់ផលិតផល នៅអឺរ៉ុបរបស់ Samsung មានការធ្លាក់ចុះ ពេលនោះមានព័ត៌មានចចាមអារ៉ាមថា Samsung បានគិតធ្វើការផ្លាស់ប្តូរការិយាល័យកណ្តាលចេញ ពីទីក្រុងឡុងដ៍ ទៅកាន់ Warsaw (ទីក្រុងរបស់ប៉ូឡូញ)។ ការដែលអង់គ្លេស បានចាកចេញជាផ្លូវការពីសហភាពអឺរ៉ុប នឹងបន្ថែមហេតុផលមួយទៀត ដើម្បីឲ្យ Samsung គិតជាថ្មីម្តងទៀត ស្តីពីការសម្រេចចិត្តរបស់ខ្លួន ក្នុងការផ្លាស់ប្តូរការិយាល័យ។</span></p>
<p><span style="color: #000000;">ក្រុមហ៊ុនអេឡិចត្រូនិចមួយទៀតរបស់កូរ៉េខាងត្បូង នោះគឺ LG Electronis ក៏កំពុងមានក្តីព្រួយបារម្ភស្តីពីបណ្តាផលប៉ះពាល់របស់ Brexit ដោយសារពួកគេមិនអាចទទួលបានអត្ថប្រយោជន៍ល្អទៅលើ បញ្ហាពន្ធអាករ ពេលចូលទៅកាន់ទីផ្សារអឺរ៉ុប បើសិនខ្លួននៅប្រទេសអង់គ្លេស។</span></p>
<p><span style="color: #000000;">ក្រុមហ៊ុនកុំព្យូទ័រតៃវ៉ាន់ Acer ក៏បានទទួលស្គាល់ថា Brexit បានបង្កើតឲ្យមានផលប៉ះពាល់ភ្លាមៗ ទៅលើអត្រាប្តូរប្រាក់។ ប្រាក់ចំណូលជិត ៣០% របស់ Acer គឺទទួលបានមកពីខាងអឺរ៉ុប ដូច្នេះច្បាស់ ណាស់ ដែលពួកគេ នឹងទទួលរងនូវផលប៉ះពាល់យ៉ាងច្រើន ពីបញ្ហានេះ៕</span></p>
<p><span style="color: #000000;"><a href="http://www.camnews.com.kh/News/Detail/24767/is-this-the-camera-of-iphone-7-bigger-than-camera-of-iphone-6s"><span style="color: #0000ff;">- អានអត្ថបទ៖</span><span style="color: #0000ff;"><em><span style="color: #0000ff;"> នេះគឺជាកាមេរ៉ាក្រោយរបស់ iPhone 7, ធំជាងច្រើន បើប្រៀបនឹង iPhone 6s?</span></em></span></a><a href="http://www.camnews.com.kh/News/Detail/40462/apple-watch-2-will-launch-in-the-end-of-this-year"></a><a href="http://www.camnews.com.kh/News/Detail/39053/confirmed-that-samsung-galaxy-note7-is-official-name"><span style="color: #0000ff;"><em><br />- អានអត្ថបទ៖ ច្បាស់ណាស់ហើយ ដែលថា Samsung Galaxy Note7 ជាឈ្មោះហៅផ្លូវការបស់ ស៊េរី Note បន្ទាប់</em></span></a><br /><br /></span></p>
<p style="text-align: right;"> </p>
<p style="text-align: right;"><em>ប្រែសម្រួល៖ មង្គល</em></p>