<p><span style="color: #000000;"><strong>(បរទេស)៖</strong> តារាចម្រៀងនិងជាតារាសម្តែងកូរ៉េប្រចាំផលិតកម្ម JYP Entertainment ដែលទទួលការគាំទ្រខ្លាំងពីមហាជនគឺ Suzy បាននាំទឹកភ្នែកចេញពីដួងចិត្តពិតតាមរយៈសារវីដេអូមួយផ្ញើទៅកាន់ឪពុករបស់នាង ក្រោយពីមានអារម្មណ៍ថា នាងមិនមានពេលវេលាគ្រប់គ្រាន់សម្រាប់គ្រួសារ និងមិត្តភក្តិ។</span></p>
<p><span style="color: #000000;">ជាមួយនឹងអត្ថន័យនៃសារចេញពីអារម្មណ៍ពិតនិងទឹកភ្នែកដែលស្រក់ចុះ មកធ្វើឲ្យ Suzy ទទួលបានការលើកទឹកចិត្តពីអ្នកគាំទ្រដែលពួកគេមិនប្រកាន់នាងឡើយ ព្រោះតែនាងរវល់នឹងការថតខ្សែភាពយន្តថ្មីហើយក៏គ្មានពេលទំនេរឲ្យគ្រួសារដោយសារតែកាលវិភាគថតពេញថ្ងៃតែម្តង។ តារាស្រី Suzy ផ្ញើសារដល់ឪពុកជាទីស្រឡាញ់ និងមិត្តអ្នកគាំទ្រទាំងទឹកភ្នែកថា <strong>«ខ្ញុំមិនអាចជជែកលេងជាមួយអ្នកទាំង អស់បានហើយមានរឿងជាច្រើនដែលខ្ញុំចង់សុំអភ័យទោស។ ដឹងថាអ្នកទាំងអស់បារម្ភពីខ្ញុំ តែខ្ញុំសុខសប្បាយទេ កុំបារម្ភ ហើយបន្តគាំទ្រខ្ញុំដូចដែលធ្លាប់។ ខ្ញុំមិនអាចនិយាយអ្វីច្រើនទេ ប៉ុន្តែអ្នកដឹងទេថា ខ្ញុំស្រឡាញ់អ្នកទាំងអស់គ្នាណាស់»</strong>។</span></p>
<p><span style="color: #000000;">នាង Suzy ជាតារាស្រីដ៏ស្រស់ស្អាតម្នាក់ដែលអ្នកគាំទ្រនាងជាច្រើននៅតែសរសើរថា ទោះបីនាងបង្ហូរទឹកភ្នែកយ៉ាងណាក៏សម្រស់នាងនៅតែស្រស់ស្អាតដដែល៕</span></p>
<p><span style="color: #000000;"><img src="http://cdn.koreaboo.com/wp-content/uploads/2015/04/suzy-e1424028626232.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>