<p><span style="color: #000000;"><strong>(អាមេរិក)៖</strong> បេក្ខជនប្រធានាធិបតអាមេរិក ដែលកំពុងនាំមុខគេ ក្នុងគណបក្សសាធារណរដ្ឋ លោក ដូណាល់ ត្រាំភ៍ (Donald Trump) បានហៅប្រទេសចិនថា ជាចោរកំពុងប្លន់សហរដ្ឋអាមេរិក ដោយក្នុងនោះលោក ក៏បានរិះគន់ចំៗ មកលើនយោបាយពាណិជ្ជកម្ម របស់ចិនផងដែរ។ នេះបើតាមការចេញផ្សាយ ដោយសារព័ត៌មាន BBC នៅព្រលប់ថ្ងៃទី០២ ខែឧសភា ឆ្នាំ២០១៦។</span></p>
<p><span style="color: #000000;">នៅក្នុងការថ្លែងទាក់ទាញ អ្នកគាំទ្រក្នុងរដ្ឋ Indiana លោក ត្រាំភ៍ បានវាយប្រហារ ទៅលើប្រទេសចិនទៀតថា មហាយក្សអាស៊ីមួយនេះ ត្រូវតែទទួលខុសត្រូវ ព្រោះខ្លួនបានក្លាយជា «មហាចោរ ដ៏ធំបំផុតក្នុងប្រវត្តិសាស្ត្រ របស់សកលលោក» ទៅហើយ។ «យើងមិនអនុញ្ញាតឲ្យចិន ឆក់ប្លន់ប្រទេសយើងទៀតទេ ហើយនេះគឺជាអ្វីដែលយើង កំពុងតែធ្វើ»។</span></p>
<p><span style="color: #000000;">គួរបញ្ជាក់ថាលោក ត្រាំភ៍ ដែលជាមហាសេដ្ឋី និងពាណិជ្ជករដ៏ធំមួយ នៃទីក្រុងញូវយ៉ក សហរដ្ឋអាមេរិក កន្លងមកតែងតែធ្វើការរិះគន់ ចំពោះនយោបាយក្រឡុករូបិយប័ណ្ណ របស់ចិន ដើម្បីធ្វើឲ្យការនាំចេញរបស់ប្រទេសនេះ កាន់តែមានប្រៀបជាងគេ នៅលើសកលលោក។ ហេតុដូច្នេះបេក្ខជនប្រធានាធិបតីខាងលើ បានសន្មត់ថា វាជាការបំផ្លាញយ៉ាងធ្ងន់ធ្ងរដល់ ពាណិជ្ជកម្ម និង អ្នកបម្រើការងារនានា នៅសហរដ្ឋអាមេរិក៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/3/fdg-03-05-2016--14-22-22.png"><img src="/FileManager/Articles/mce/2016/5/3/fdg-03-05-2016--14-22-22.png" alt="" /></a><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>