<p><span style="color: #000000;"><strong>(ភ្នំពេញ)៖</strong> តារាសម្តែងប្រុសមានឈ្មោះល្បី និងមានចិត្តមនុស្សធម៌ លោក អ៉ឹម ជីវ៉ា ក្រោយពីរងនូវអំពើអយុត្តិធម៌ ត្រូវប្អូនប្រុសលោកឧកញ៉ាល្បីឈ្មោះម្នាក់ និងត្រូវជាសង្សារ តារាសម្តែង នាង ពេជ្រ អាវីហ្សា ប្រមាថគំរាមបាញ់សម្លាប់ នៅមុខក្លឹប៥៥ កាលពីយប់ថ្ងៃទី០៤ ខែកញ្ញា ឆ្នាំ២០១៦នោះ ឥឡូវត្រូវបានបញ្ចប់គ្នាហើយ ដោយលោកព្រមទទួលយក ត្រឹមពាក្យសុំទោស ពីសំណាក់បុរសចិត្តកំណាចម្នាក់នោះ ហើយក៏មិនមានការប្ដឹងប្ដល់ ទារសំណងជំងឺចិត្ត អ្វីឡើយ។</span></p>
<p><span style="color: #000000;">លោក អ៉ឹម ជីវ៉ា បានសរសេរបង្ហោះ នៅលើបណ្តាញសង្គមហ្វេសប៊ុក កាលពីប៉ុន្មានម៉ោង មុននេះថា «រឿងរ៉ាវទាំងអស់ ត្រូវបានបញ្ចប់ត្រឹមល្ងាចនេះ ហើយដោយមានការសុំទោស និងយោគយល់គ្នារវាងខ្ញុំបាទ និងក្រុមគ្រួសារប្អូនរបស់ឧកញ៉ា ដែលល្បីឈ្មោះមួយរូប អ្នកដែលគំរាមសម្លាប់ខ្ញុំបាទ ដោយខ្ញុំបាទព្រមដកពាក្យបណ្តឹង ហើយក៏មិនត្រូវការសំណង សូម្បីតែមួយរយលុយខ្មែរ ដោយទទួលយកការសុំទោស ពីអ្នកដែលគំរាមបង្ករហេតុ!»។</span></p>
<p><span style="color: #000000;">តារាប្រុសលោក អ៉ឹម ជីវ៉ា បានបន្តថា «ខ្ញុំបាទក៏សូមថ្លែងអំណរគុណ ដល់លោកមេធាវី ស្ថាប័ននានា និងក្រសួងពាក់ព័ន្ធ ក៏ដូចជាអង្គការក្នុង និងក្រៅរដ្ឋាភិបាល សារពត៌មានទាំងអស់ ដែលបានសរសេរជួយចេញមុខការពារ និងបារម្ភអំពីសុវត្ថិភាពរបស់ខ្ញុំបាទ ជាពិសេសបងប្អូនទស្សនិកជន»។</span></p>
<p><span style="color: #000000;">«ខ្ញុំបាទក៏សូមសំណូមពរ ដល់លោកឧកញ៉ាមួយចំនួន ដែលមានកូន ប្អូន ឬក្មួយ ដែលមានចរឹតកោងកាច ប្រើអំណាច លុយកាក់ធ្វើបាបមើលងាយអ្នកក្រ សូមអប់រំ ប្អូន កូនឬក្មួយឲ្យល្អផង កុំចេះអាងតែមានលុយ ធ្វើបាបអ្នក្រខ្សត់។ ជាពិសេសឲ្យសមនឹងពាក្យ មានលុយ មានកិត្តិយស ឲ្យស័ក្តិសមតាមគោរមងារ ដែលព្រះមហាក្សត្រ ព្រះអង្គប្រទានជូន !»។ នេះជាការថ្លែងបញ្ជាក់ បន្ថែមពីលោក អ៉ឹម ជីវ៉ា។</span></p>
<p><span style="color: #000000;">សូមបញ្ជាក់ថា តារាសម្ដែង និងជាពិធីករ លោក អ៉ឹម ជីវ៉ា បានជួបនូវរឿងរ៉ាវមិននឹកស្មានដល់មួយ នាយប់ថ្ងៃទី០៤ ខែកញ្ញា បន្ទាប់ពីបានប៉ះពាក្យសម្ដីគ្នាខ្លាំងៗ ជាមួយបុរសម្នាក់ដែលគេស្គាល់ថា ជាគូស្នេហ៍របស់តារាសម្ដែង សាច់សខ្ចីសិចស៊ី នាង ពេជ្រ អាវីហ្សា និងត្រូវជាប្អូនប្រុស របស់លោកឧកញ៉ាសម្បូរទ្រព្យ មានឈ្មោះល្បីខាងជំនួញម្នាក់ផងដែរ រហូតដល់បុរសជាប្អូនប្រុសលោកឧកញ៉ា បានប្រើពាក្យប្រមាថកាតទានធ្ងន់ធ្ងរ និងគំរាមសម្លាប់ លោក អ៉ឹម ជីវ៉ា ទៀតផង។</span></p>
<p><span style="color: #000000;">ទង្វើមិនសមរម្យ អាងទ្រព្យសម្បត្តិ អាចអំណាចបងប្រុសជាឧកញ៉ាបែបនេះ បានធ្វើឲ្យមហាជនធ្វើការរិះគន់ធ្ងន់ៗ ចំពោះកាយវិការមិនអាចទទួលយកបាន ពីសំណាក់ប្អូនប្រុស លោកឧកញ៉ារូបនោះ ប៉ុន្តែដោយសារតែខ្លាចសំណាញ់ច្បាប់ និងមានការយោគយល់ ពីលោក អ៉ឹម ជីវ៉ា ផងនោះ ទើបលោកព្រមទទួលយក ការសុំទោសពីជនបង្កហេតុ ហើយស្នើកុំមានទង្វើបែបនេះ ជាមួយរូបលោក និងអ្នកដទៃបន្តទៀត៕</span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xtp1/v/t1.0-9/14192046_1124988820903384_1152099585995319915_n.jpg?oh=f210320a667cc4191ab9b770b9124000&oe=5881A6AC&__gda__=1480366730_7dc644ad4aa4677a0fee47611a82e6aa" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14202734_1552558498103788_2179291050744146562_n.jpg?oh=fd858110a816b7d6f82d594129dbb711&oe=5881E25C" alt="" width="730" /></span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xpf1/v/t1.0-9/14184415_1124903647578568_8976883792960758542_n.jpg?oh=d3c8d3a10a2aeb26b75bd6f76c7b6508&oe=5839D9A9&__gda__=1481514134_802124b9e732ed3f1a782dd8e847943d" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14199367_1123874461014820_46147293312671748_n.jpg?oh=9d8a2889c3b8cb8afcb29250bdca6d2b&oe=58503F29" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xpa1/v/t1.0-9/14183697_1123874451014821_5354910226019343912_n.jpg?oh=20f48f622eeffb470927208d93fbcbf0&oe=5843C1E2&__gda__=1481375368_065d8514ea376a9ed3f905ac56ada788" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14184373_1122844737784459_8534770467035707809_n.jpg?oh=01670628680c40a38160b9d84b08ebd8&oe=583E200B" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>