<p><span style="color: #000000;"><strong>(ភ្នំពេញ)៖</strong> ក្រសួងទេសចរណ៍ នឹងរៀបចំចលនាប្រឡងប្រណាំង ថតរូបស៊ែលហ្វី (Angkor Selfie Photo Contest) ក្រោមប្រធានបទ«Selfie អង្គរអច្ឆរិយៈ» នៅថ្ងៃព្រះអាទិត្យរះចំកណ្ដាល ប្រាសាទអង្គរវត្ត នាព្រឹកព្រលឹមថ្ងៃទី២៣ ខែកញ្ញា ខាងមុខនេះ ដើម្បីស្វែងរកអ្នកថតរូបថត ដែលមានអ្នកគាំទ្រច្រើនជាងគេ ពីលេខ១ ដល់លេខ៣។</span></p>
<p><span style="color: #000000;">បើតាមការជូនដំណឹង របស់ក្រសួងទេសចរណ៍ ដែលអង្គភាព Fresh News ទទួលបាននៅព្រឹកថ្ងៃទី០៩ ខែកញ្ញា ឆ្នាំ២០១៦នេះ បានបញ្ជាក់ថា ជ័យលាភី នៃចលនាប្រឡងប្រណាំងនេះ នឹងត្រូវប្រគល់ជូនក្នុងកម្មវិធី <strong>«</strong>ទិវាទេសចរណ៍ពិភពលោក» អមជាមួយរង្វាន់ផ្សេងទៀតដូចជា វិញ្ញាបនបត្រ និងរង្វាន់លើកទឹកចិត្តលេខ១ ទទួលបាន ២០០ដុល្លារ លេខ២ ទទួលបាន១៥០ដុល្លារ និងលេខ៣ ទទួលបាន ១០០ដុល្លារ ដែលគ្រោងនឹងប្រព្រឹត្ត ទៅនៅថ្ងៃទី២៩ ខែកញ្ញា ឆ្នាំ២០១៦ខាងមុននេះ នាសាលសន្និសីទចតុមុខ។</span></p>
<p><span style="color: #000000;">សូមរំលឹកថា តាមការព្យាករណ៍ទុក នៅព្រឹកព្រលឹមថ្ងៃទី២៣ ខែកញ្ញា ឆ្នាំ២០១៦ខាងមុខ ម៉ោងប្រមាណចាប់ពី៥ ទៅ៦ ទៀបភ្លឺព្រះអាទិត្យ នឹងរះឡើងតាមកំពូលប្រាង្គកណ្តាល នៃប្រាសាទអង្គរវត្ត។ ហេតុការណ៍នេះ តែងទាក់ទាញចំណាប់អារម្មណ៍ ភ្ញៀវទេសចរជាតិ និងអន្តរជាតិ ដែលចង់ឃើញព្រឹត្តការណ៍ ដ៏អស្ចារ្យនេះ ហើយចង់ផ្តិតយករូបភាពនេះ ទុកជាអនុស្សាវរីយ៍រាប់ម៉ឺននាក់៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-09-11-06-03-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-09-11-06-04-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-09-11-04-29-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-09-11-04-29-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-09-11-04-29-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-09-11-04-29-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-09-11-04-29-4.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>