<p><span style="color: #000000;"><strong>(ភ្នំពេញ)៖</strong> អាជ្ញាធរជាតិអប្សរា នឹងសាងសង់ស្ពានបណ្ដែតទឹកបណ្ណោះអាសន្ន ដើម្បីសម្រួលដល់ការធ្វើដំណើរ របស់ភ្ញៀវទេសចរជាតិ-អន្ដរជាតិ មុនពេលចាប់ផ្ដើមការជួសជុលស្ពានហាល ប្រាសាទអង្គរវត្តដំណាក់កាលទី២ នាពេលខាងមុខនេះ។ នេះបើយោងតាម សេចក្ដីជូនដំណឹង របស់អាជ្ញាធរជាតិអប្សរា ដែលអង្គភាព Fresh News ទទួលបាននៅរសៀលថ្ងៃទី២៣ ខែវិច្ឆិកា ឆ្នាំ២០១៦។</span></p>
<p><span style="color: #000000;">អាជ្ញាធរជាតិអប្សរា បានឲ្យដឹងថា យ៉ាងដូច្នេះថា<strong> «អាជ្ញាធរជាតិអប្សរា នឹងធ្វើការជួសជុលស្ពានហាល ប្រាសាទអង្គរវត្តដំណាក់កាលទី២ នាពេលខាងមុខនេះ។ ការជួសជុលនេះ តម្រូវឲ្យបិទទាំងស្រុងនូវចរាចរណ៍ លើស្ពានហាលនេះ ដើម្បីសម្រួលដល់ភ្ញៀវទេចរជាតិ-អន្ដរជាតិ អាចឆ្លងកាត់ទៅ ទស្សនាប្រាសាទអង្គរវត្ត ដោយសុវត្ថិភាព និងបញ្ជៀសនូវរាល់ហានិភ័យទាំងឡាយ ដោយការជួសជុល ប៉ុន្ដែអាជ្ញាធរជាតិអប្សរានឹងរៀបចំ សាងសង់ស្ពានបណ្ដែតទឹក បណ្ដោះអាសន្ន នៅខាងត្បូងស្ពានហាលនៅខាងត្បួងស្ពានហាលជំនួសវិញ»</strong>។</span></p>
<p><span style="color: #000000;">អាជ្ញាធរជាតិអប្សរា បានបញ្ជាក់ថា ការសាងសង់ស្ពានបណ្ដែតទឹកបណ្ណោះអាសន្ននេះ នឹងចាប់ពីផ្ដើមពីចុងខែវិច្ឆិកា ឆ្នាំ២០១៦ រហូតដល់ចុងខែឧសភា ឆ្នាំ២០១៧៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-23-15-43-49-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>