<div>
<p><span style="color: #000000;"><strong>(មេនឆេស្ទើ)៖</strong> ក្រុមបិសាចក្រហម Manchester United ត្រូវធ្វើការវាយបកយកឈ្នះក្រុមភ្ញៀវហង្សក្រហម Liverpool ក្នុងជើងទី២យប់នេះ នៃពានរង្វាន់លំដាប់ទី២ ប្រចាំទ្វីបអឺរ៉ុប UEFA Europa League ក្រោយរបូត ២-០ នៅកីឡដ្ឋាន Anfield កាលពីជើងទី១ វគ្គ១៦ក្រុម ។</span></p>
<p><span style="color: #000000;">សារព័ត៌មាន BBC បានផ្សាយថា កីឡដ្ឋាន Old Trafford ជាឱកាសចុងក្រោយសម្រាប់ Man Utd ដើម្បីធ្វើការវាយបកយកកៅអីវគ្គ៨ក្រុមចុងក្រោយ បើទោះបីជាក្លឹបមួយនេះបានកំពុងតែរងវិបត្តិជួបបញ្ហាកីឡាកររបួសច្រើនក៏ដោយ តែ នៅមានសង្ឃឹមខ្លះៗដែរក្នុងការស្រោចស្រង់ស្ថានការណ៍ឡើងវិញ ដោយកាលពីសប្តាហ៍មុនទឹកដី Old Trafford មួយ នេះលេងបានត្រឹមស្មើ ១-១ ទល់នឹងក្រុមភ្ញៀវញញួរធំ West Ham United ក្នុងវគ្គ៨ក្រុមនៃពាន FA Cup ។</span></p>
<p><span style="color: #000000;">តែយ៉ាងណាក៏ដោយ គ្រូបង្វឹកជនជាតិហូឡង់ នឹងពង្រឹងក្រុមបានល្អឡើងវិញ ដែលនៅសល់តែពាន Europa League និង FA Cup រំពឹងឈ្នះក្នុងរដូវកាលឆ្នាំ២០១៥-២០១៦នេះ ខណៈដែលពានលីកកំពូលអង់គ្លេស Premier League ស្ថិតនៅឆ្ងាយហើយនោះ ។</span></p>
<p><span style="color: #000000;">ថ្លែងក្នុងសន្និសីទសារព័ត៌មានល្ងាចមិញនេះ គ្រូបង្វឹក Liverpool លោក Jurgen Klopp បានប្រាប់ថា “Man Utd ស្អប់ យើងណាស់ តែយើងមិនដែលខ្លាចពួកគេឡើយ ហើយអ្វីៗគ្រប់យ៉ាងនឹងដឹងច្បាស់ ក្រោយបញ្ចប់៩០នាទីនៅលើ ទីលាន នោះទើបមានអ្នកខ្លាំង និងអ្នកខ្សោយពិតប្រាកដ” ។</span></p>
<p><span style="color: #000000;">ទន្ទឹមគ្នានោះដែរ ២គ្រាប់វាយបកសម្រាប់ក្រុម Man Utd ពីមុនមិនលំបាកនោះទេ តែឥឡូវខុសគ្នាដាច់ស្រឡះ ហើយ កីឡាកររត់ជួរមុខ Benteke, Coutinho, Daniel Sturridge និង Firmino សុទ្ធជើងខ្លាំង បើប្រហែសច្បាស់ជាប្រហោង ហើយ David De Gea ក៏មិនអាចជួយបានដែរ ហើយ Liverpool កំពុងលេងប្រកបដោយកម្លាំងចិត្តទៀតផង ព្រោះ មាន២គ្រាប់បាល់មាសក្នុងដៃហើយនោះនាម៉ោង ៣៖០៥នាទីទៀបភ្លឺយប់នេះ ។</span></p>
<p><span style="color: #000000;"><strong>សម្រាប់៧ប្រកួតផ្សេងទៀត នារាត្រីនេះដែរមាន៖</strong></span><br /><span style="color: #000000;">Bayer Leverkusen Vs Villarreal</span><br /><span style="color: #000000;">Lazio Vs Sparta Prague</span><br /><span style="color: #000000;">Valencia Vs Athletico Bilbao</span><br /><span style="color: #000000;">Anderlecht Vs Shakhtar Donetsk</span><br /><span style="color: #000000;">Braga Vs Fenerbahce</span><br /><span style="color: #000000;">Sevilla Vs Basel</span><br /><span style="color: #000000;">Tottenham Hotspur Vs Borussia Dortmund ៕</span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/03/16/16/32422D0100000578-3495353-image-a-70_1458144777704.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/03/16/22/3242BC8800000578-3495944-Klopp_left_and_Reds_captain_Henderson_right_face_the_media_ahead-a-1_1458165690877.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/03/16/18/3242EBE200000578-3495605-image-a-10_1458151728413.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/03/16/22/3242E41100000578-3495944-Englishmen_James_Milner_left_Jordan_Henderson_centre_and_Adam_La-a-2_1458165729054.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/03/16/18/3242FD7000000578-3495605-image-a-9_1458154223323.jpg" alt="" width="730" /></span></p>
<p style="padding: 0px 0px 12px; margin: 0px; border: 0px; outline: 0px; font-size: 12px; text-align: right; background: transparent;"><span style="padding: 0px; margin: 0px; border: 0px; outline: 0px; font-size: 12px; color: #000000; background: transparent;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>