<p><span style="color: #000000;">ព័ត៌មានកីឡា៖ ភ្នាក់ងារទីផ្សារកីឡាករ Gareth Bale ម្នាក់ឈ្មោះ Jonathan Barnett បានព៌ណនា បញ្ហាបែកធ្លាយរឿងរ៉ាវផ្ទៃក្នុងទាក់ទងនឹងដំណឹងទីផ្សារកីឡាករ Gareth Bale ដែលក្លឹប Real Madrid បានទិញមកពីក្លឹប Tottenham កាលពីឆ្នាំ ២០១៣ ខណៈសុំឲ្យមានការស៊ើបអង្កេត ។ </span></p>
<p><span style="color: #000000;">គេហទំព័រកីឡាបាល់ទាត់មួយ បានចុះផ្សាយបំបែកសំណុំឯកសារផ្ទៃក្នុងនៃទីផ្សារកីឡាករ Gareth Bale រវាងក្លឹប Real Madrid នឹងក្លឹប Tottenham ជាសាធារណៈ ដោយអះអាងថា ក្លឹប Real Madrid ហ៊ានចំណាយលុយជាច្រើន ដល់ទៅ ១០០៧៥៩៤១៨ យូរ៉ូ ដើម្បីសម្រេចចទីផ្សារមួយនេះ កាលពីឆ្នាំ ២០១៣ ។ តម្លៃខ្លួនដែលក្លឹប បានចំណាយគឺមានចំនួនច្រើនជាង ទឹកប្រាក់ដែលក្លឹបទិញកីឡាករ Cristiano Ronaldo ក្នុងឆ្នាំ ២០០៩ទៅទៀតដែលមានតម្លៃត្រឹមតែ ៩១.៥៩ លានយូរ៉ូ។ </span></p>
<p><span style="color: #000000;">របាយការណ៍ចេញពីប្រទេសអេស្ប៉ាញ ក៏បានអះអាងដែរថា ក្លឹប Real Madrid បានហាមប្រាមមិនឲ្យដៃគូរបស់ខ្លួន គឺក្លឹប Tottenham បញ្ចេញព័ត៌មានទាំងនោះទេ ។ </span></p>
<p><span style="color: #000000;">លោក Jonathan Barnett ដែលកំពុងតែមានការក្ដៅក្រហាយនឹងដំណឹងត្រូវបានលេចធ្លាយ ជាសាធារណៈ ក៏បានសុំការអភ័យទោសពីសំណាក់សហព័ន្ធកីឡាបាល់ទាត់ ចំពោះរឿងនេះ ហើយស្នើរឲ្យមានការស៊ើបអង្កេតជាលក្ខណៈឯករាជ្យ ដើម្បីបញ្ជៀសការប៉ះពាល់ដល់ មិត្ដភាពរវាក្លឹបទាំងពីរ កីឡាករ និងខ្លួនផងដែរ។</span></p>
<p><span style="color: #000000;">អ្នកការសែតជនជាតិអង់គ្លេសម្នាក់ឈ្មោះ Jonathan Norcroft បានថ្លែងផងដែរថា ក្លឹប Real Madrid មានការព្រួយបារម្មណ៍នឹងរឿងនេះណាស់ ដោយហាមប្រាមមិនឲ្យគាត់ ចុះផ្សាយពីតម្លៃខ្លួនពិតរបស់ Gareth bale នោះទេ ជាពិសេសកាន់តែមិនឲ្យគាត់បន្ដបទសម្ភាសន៍សួរនាំច្រើនទាក់ទងនឹងតម្លៃខ្លួន ដោយបានបញ្ជាក់ហេតុផលថា មិនចង់ឲ្យកីឡាករ Cristiano Ronaldo ដឹងពីរឿងនេះ ថា ក្លឹបហ៊ានទិញ Gareth Bale ក្នុងតម្លៃទីផ្សារថ្លៃជាងខ្លួន ព្រោះខ្លាចកីឡាករអន់ចិត្ដ។</span></p>
<p><span style="color: #000000;"><a class="thickbox" title="" href="/FileManager/Commons/2016/1/22/1-22-2016-11-01-39-am-22-01-2016--11-10-05.png"><span style="color: #000000;"><img src="/FileManager/Articles/mce/2016/1/22/1-22-2016-11-01-39-am-22-01-2016--11-10-05.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2016/1/22/1-22-2016-11-02-35-am-22-01-2016--11-10-14.png"><span style="color: #000000;"><img src="/FileManager/Articles/mce/2016/1/22/1-22-2016-11-02-35-am-22-01-2016--11-10-14.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2016/1/22/1-22-2016-11-03-55-am-22-01-2016--11-11-09.png"><span style="color: #000000;"><img src="/FileManager/Articles/mce/2016/1/22/1-22-2016-11-03-55-am-22-01-2016--11-11-09.png" alt="" /></span></a></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ Onefootball</span></p>