<p><span style="color: #000000;">ព័ត៌មានកីឡា៖ រហូតមកទល់នឹងពេលនេះ នៅមិនទាន់ដឹងច្បាស់នៅឡើយទេថា ដៃគូរបន្ទាប់ដែលនឹង ឡើងលើសង្វៀនប្រយុទ្ធប្រឈមមុខជាមួយ Floyd ជានរណាឲ្យប្រាកដ ។ ទន្ទឹមគ្នានោះផងដែរ ក៏មានការបែកធ្លាយរឿងមួយថា Floyd នឹងជ្រើសរើសដៃគូរប្រកួតរបស់គាត់ក្រោយ គឺ កីឡាករ Amir Khan នៅថ្ងៃទី ១២ ខែកញ្ញា ខាងមុខនេះ ប៉ុន្ដែកីឡាករបានទទួច បដិសេធច្រានចោលទាំងស្រុងថា វាមិនមែនជាការពិតនោះទេ ដែលគាត់ ត្រូវទៅប្រកួតជាមួយ កីឡាករម្នាក់នោះ។ </span></p>
<p><span style="color: #000000;">Floyd Mayweather Jr. បានស្រែកក្ដែង ប្រាប់អ្នកសារព័ត៌មានថា កីឡាករមិនយល់ព្រមប្រកួតជាមួយ Amir Khan នោះទេ។ ហើយម្យ៉ាងវិញទៀត គាត់ក៏គ្មានគម្រោងនឹងប្រកួតជាកីឡាករម្នាក់ហ្នឹងផងដែរ ពីព្រោះគាត់យល់ថា ព្រឹត្ដិការណ៍រវាងគាត់នឹង Amir Khan មិនមែនជា ក្ដីបំណងប្រាថ្នារបស់ប្រិយមិត្ដ ដែលចង់ទស្សនាការប្រកួតរបស់គាត់នោះទេ។ </span></p>
<p><span style="color: #000000;">រហូតមកទល់ពេលនេះ Floyd នៅមិនទាន់កំណត់ការប្រកួតមួយណាឲ្យប្រាកដនៅឡើយនោះទេ ខណៈដែលមានកីឡាករជាច្រើន កំពុងតែសង្គ្រៀតជើងធ្មេញ ត្រៀមកណ្ដាប់ដៃបំបាក់អំនួតដ៏ក្អេងក្អេងកីឡាករម្នាក់នេះ។ ប៉ុន្ដែស្របនឹងដំណឹងថ្មីៗនេះ Floyd បានទៅស្នើឲ្យកីឡាករ De La Hoya ប្រកួតជាមួយខ្លួន ប៉ុន្តែត្រូវកីឡាករ រូបនោះបដិសេធ ដោយសារកីឡាករ បានចូលនិវត្ដន៏ទៅហើយ។ ក្រៅពី De La Hoya ទៅ នៅមានកីឡាករម្នាក់ទៀតដែល ត្រូវបានសង្ស័យថា Floyd នឹងជ្រើសរើស ជាគូរប្រកួតរបស់គេ គឺកីឡាករ Marcos Maidana ដែលធ្លាប់ប្រកួត Floyd ពីរដងរួចទៅហើយ កាលពីឆ្នាំ ២០១៤ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/6/20/6-20-2015-12-11-59-pm-20-06-2015--12-17-06.png"><span style="color: #000000;"><img src="/FileManager/Articles/mce/2015/6/20/6-20-2015-12-11-59-pm-20-06-2015--12-17-06.png" alt="" /></span></a></span></p>
<p><span style="color: #000000;"><span style="color: #000000;"><a class="thickbox" title="" href="/FileManager/Commons/2015/6/20/6-20-2015-12-11-36-pm-20-06-2015--12-18-13.png"><img src="/FileManager/Articles/mce/2015/6/20/6-20-2015-12-11-36-pm-20-06-2015--12-18-13.png" alt="" /></a></span></span></p>
<p><a class="thickbox" title="" href="/FileManager/Commons/2015/6/20/6-20-2015-12-15-49-pm-20-06-2015--12-21-00.png"><img src="/FileManager/Articles/mce/2015/6/20/6-20-2015-12-15-49-pm-20-06-2015--12-21-00.png" alt="" /></a><span style="color: #000000;"><a class="thickbox" title="" href="/FileManager/Commons/2015/6/20/6-20-2015-12-11-36-pm-20-06-2015--12-18-13.png"></a></span></p>
<p style="text-align: right;">ដោយ៖ អឿ អ៊ុយ</p>
<p style="text-align: right;">ប្រភព៖ boxingnews24</p>