<p><span style="color: #000000;"><strong>(ភ្នំពេញ)៖</strong> ក្រោយពីភ្ជាប់ទំនាក់ទំនងស្នេហា រហូតសម្រេចឈានដល់ការរៀប អាពាហ៍ពិពាហ៍ជាផ្លូវការ និងបានចេញទៅរស់នៅជាមួយស្វាមី នៅលើទឹកដីប្រទេសអាមេរិក អស់រយៈពេលជាង២ឆ្នាំមកនេះ តារាសម្តែងអ្នកនាង លី ម៉ារីណា ពេលនេះទទួលការចំណងដៃកូនប្រុសម្នាក់ ដែលមានមុខមាត់ស្រស់ស្អាត ស្រដៀងនាងគួរឲ្យស្រឡាញ់ ព្រោះជាតំណក់ឈាមរួមគ្នា រវាងនាង និងស្វាមីអាណិកជន។ ការបង្ហាញមុខកូនប្រុសជាលើកដំបូងនេះ ក៏ក្នុងន័យប្រឆាំងនឹងព័ត៌មានថា នាងមានភាពរកាំរកូសជាមួយស្វាមី ដែលដំណឹងនេះ តែងតែបោកបក់មកលើរួមនាង ប្រៀបបីដូចជាស្រមោលអន្ទោលតាមប្រាណ។</span></p>
<p><span style="color: #000000;">ជាការកត់សម្គាល់ ចាប់តាំងពីរៀបការចេញទៅរស់នៅ ជាមួយស្វាមីឯក្រៅប្រទេស រហូតមានផ្ទៃពោះ និង សម្រាលបានកូនប្រុស ទើបមានអាយុ១ឆ្នាំម្នាក់នោះមក អតីតតារាសម្តែងធ្លាប់ មានប្រជាប្រិយភាព លេចធ្លោនៅក្នុងវិស័យសិល្បៈ អ្នកនាង លី ម៉ារីណា កន្លងមកពុំធ្លាប់ត្រូវបានបង្ហាញ ឲ្យមហាជនបានដឹង ឬឃើញមុខកូនប្រុសរបស់ខ្លួន ជាសាធារណៈឡើយ ទើបតែពេលថ្មីៗនេះ នាងស្រាប់តែបង្ហោះរូបថតកូនប្រុស នៅលើបណ្តាញសង្គមហ្វេសប៊ុក បង្អួតអ្នកគាំទ្រ និងអ្នកលេងបណ្តាញទំនាក់ទំនង សង្គមមួយនេះ បង្កការចាប់អារម្មណ៍ខ្លាំង។</span></p>
<p><span style="color: #000000;">តាមរយៈរូបថត ដែលត្រូវបានបង្ហោះ នៅលើទំព័រហ្វេសប៊ុកគេសង្កេត ឃើញអតីតតារាសម្តែង នាង លី ម៉ារីណា គឺទទួលបានសេចក្តីសុខ និងមានសុភមង្គលខ្លាំង ជាមួយកូនប្រុស និងស្វាមីរបស់នាង។ មិនតែប៉ុណ្ណោះនៅក្នុងនោះ តារាស្រីអ្នកនាង លី ម៉ារីណា ក៏បានបង្ហាញពីទំហំទឹកចិត្ត ស្រឡាញ់កូនប្រុសរបស់ខ្លួនខ្លាំងទៀតផង ដោយកាលពីអំឡុងចុង ឆ្នាំ២០១៥ លី ម៉ារីណា និងស្វាមី ក៏បានរៀបចំពិធីខួបកំណើតគំរប់អាយុមួយឆ្នាំ ឲ្យកូនប្រុសជាទីស្រឡាញ់ផងដែរ។ ក្រោយបានឃើញរូបភាពជាច្រើនសន្លីក បង្ហាញពីសុភមង្គល នៅក្នុងរង្វង់ក្រុមគ្រួសារដូច្នេះ សង្កេតឃើញមានទស្សនិជនមិនតិចនាក់ឡើយ បានលើកសរសើរពីនាង។</span></p>
<p><span style="color: #000000;">គួររំឭកថា អតីតារាសម្ដែងស្រីអ្នកនាង លី ម៉ារីណា និងស្វាមីអានិជន ខ្មែរអាមេរិកវ័យ៤០ឆ្នាំលោក សាត ចាន់ថន បានដឹកដៃគ្នាចូលរោងការជាផ្លូវការ កាលពីថ្ងៃទី២៧ ខែឧសភា ឆ្នាំ២០១៣។ បន្ទាប់ពីរៀបចំអាពាហ៍ពិពាហ៍រួច នាងក៏បានសម្រេចចិត្តបោះបង់ អាជីពសិល្បៈហើយបានចាកចេញទៅ រស់នៅសហរដ្ឋអាមេរិក សាងសុភមង្គមស្នេហា ជាមួយស្វាមីនៅទីនោះ ទាំងជាប់មន្ទិលថា ជាអាពាហ៍ពិពាហ៍នេះ គ្រាន់តែក្លែងក្លាយក្រោមការរៀបចំរបស់ប្រុសស្នេហ៍ ជាមន្ត្រីមានឋានៈពាក់ផ្កាយលើស្មាប៉ុណ្ណោះ ប៉ុន្តែយ៉ាងមិញរឿងរ៉ានេះ ក៏ត្រូវបានរលាយសាបសូន្យ ដូចជាអំបិលត្រូវទឹក ខណៈដំណឹងមួយនេះ ពុំមែនជាការពិតនោះឡើយ៕</span></p>
<p style="text-align: center;"><span style="color: #000000;"><img src="https://fbcdn-sphotos-f-a.akamaihd.net/hphotos-ak-xpf1/v/t1.0-9/1929826_1326636500695990_345090876958731474_n.jpg?oh=1ded3924423abfaf10e5529d98b8ecfb&oe=56FEF59B&__gda__=1459776346_765035868cfc8b8a421fd62e2899dd2b" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-xft1/v/t1.0-9/12507467_1326636444029329_2243848625114325344_n.jpg?oh=b80301aee6120abf31d78373d1935d09&oe=57051237&__gda__=1463211094_72458e8c6bef55d9ba84f817a70fdc8c" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-h-a.akamaihd.net/hphotos-ak-xap1/v/t1.0-9/12540906_1326636447362662_3317047886833580970_n.jpg?oh=b989e8195822620a69d1b78211c75cce&oe=56FD62EE&__gda__=1464416471_2663857a77dfb163cb35cc76b0e0b5ff" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-b-a.akamaihd.net/hphotos-ak-xpl1/v/t1.0-9/12631488_1326636440695996_3335673138490325327_n.jpg?oh=4b511d99ca645cc89c0135a426085c58&oe=5701F4D4&__gda__=1464003440_77e8a69f0773a60a658af4f811b3f9c7" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-xlt1/v/t1.0-9/12509908_1326636497362657_7823848074003186767_n.jpg?oh=a9d49a86e440f7f85a8e9b1b551df0e6&oe=573DF8C4&__gda__=1463615456_b36020db2657659134211744aaf9d7de" alt="" width="730" /></span></p>
<div id="aside" class="span3">
<div class="well ">
<div class="custom">
<div style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></div>
<div style="margin-top: 3px;"></div>
</div>
</div>
</div>