<p>រូបថតមួយនៃក្រុងបាងកក ប្រទេសថៃ ដែលថតបានពីអវកាស ប៉ុន្មានថ្ងៃកន្លងមក បាន និង<br />កំពុងធ្វើឱ្យមានការភ្ញាក់ផ្អើល នៅលើបណ្ដាញសង្គម Twitter ។ ក្នុងរូបថតនេះ បង្ហាញថា នៅ<br />ឈូងសមុទ្រថៃ មានរស្មីពណ៌បៃតង ពេញផ្ទៃសមុទ្រ ប្រការនេះ នាំឱ្យមានសំនួរជាច្រើន ត្រូវ<br />បានលើកឡើង។</p>
<p style="text-align: center;"><a class="thickbox" title="" href="/FileManager/Commons/2014/8/27/thailan1-27-08-2014--15-43-38.PNG"><img src="/FileManager/Articles/mce/2014/8/27/thailan1-27-08-2014--15-43-38.PNG" alt="" /></a></p>
<p>រូបថតដែលត្រូវបាន Reid Wiseman បង្ហោះនៅលើ Twitter កាលពីថ្ងៃទី ១៨ សីហា បាននាំឱ្យ<br />អ្នកលេងបណ្ដាញសង្គមមួយនេះ ជាច្រើន សង្ស័យថា ពន្លឺពណ៌បៃតង នៅលើផ្ទៃសមុទ្រ នៃ<br />ឈូងសមុទ្រថៃ ប្រហែលជាពន្លឺនៃមន្ទីរពិសោធសម្ងាត់ ទាក់ទិននឹង កាំរស្មី gamma ណាមួយ។ <br />អ្នកខ្លះយល់ថា វាអាចជាមូលដ្ឋាននៃមនុស្សភពក្រៅ ឬថា វាជាពន្លឺដែលចេញពីសារាយសមុទ្រ!</p>
<p>នៅពេលគេពិនិត្យឱ្យបានគ្រប់ជ្រុងជ្រោយ នៅលើរូបថតនេះ គេមិនត្រឹមតែឃើញ ពន្លឺអំពូល<br />ភ្លើងក្នុងក្រុងបាងកក ប្រទេសថៃ និងរស្មីពណ៌បៃតង ពេញផ្ទៃសមុទ្រនៃឈូងសមុទ្រថៃប៉ុណ្ណោះ<br />ទេ ប៉ុន្ដែ គេក៏នឹងឃើញខ្សែកាំរស្មីស្ដើង កោង និងមានពណ៌បៃតង នៅឯនាយជើងមេឃផង<br />ដែរ។ នេះ គឺជារស្មីដែលកើតចេញពីពន្លឺរបស់ផ្កាយនានា និងពន្លឺព្រះចន្ទ ដែលចាំងផ្លាតលើ<br />ផ្ទៃផែនដី។</p>
<p style="text-align: center;"><a class="thickbox" title="" href="/FileManager/Commons/2014/8/27/thai1-27-08-2014--15-44-34.jpg"><img src="/FileManager/Articles/mce/2014/8/27/thai1-27-08-2014--15-44-34.jpg" alt="" /></a></p>
<p>ក៏ប៉ុន្ដែ ពន្លឺពណ៌បៃតង ដែលស្ថិតក្នុងលើផ្ទៃសមុទ្រនៃឈូងសមុទ្រថៃ គឺមិនដូចរស្មីពណ៌បៃតង<br /> នៅឯនាយជើងមេឃនោះឡើយ។ តើវាជាពន្លឺនៃមន្ទីរពិសោធសម្ងាត់ ទាក់ទិននឹងរស្មី gamma <br />ឬជាមូលដ្ឋាននៃមនុស្សភពក្រៅ ឬមួយក៏ ជាពន្លឺដែលចេញពីសារាយសមុទ្រ? ចម្លើយ គឺមាន<br />ភាពសាមញ្ញខ្លាំងណាស់! ពន្លឺនេះ កើតចេញពីអំពូលភ្លើង LED កម្លាំងខ្លាំង របស់បណ្ដាកប៉ាល់<br />នេសាទ។ កប៉ាល់ឡាយនៅឈូងសមុទ្រនេះ ប្រើអំពូលភ្លើងខាងលើ ដើម្បីទាក់ទាញម៉ឹក និង<br />សត្វសមុទ្រ ឱ្យងើបអណ្ដែតមកលើផ្ទៃទឹក។</p>
<p>យោងតាមរបាយការណ៍មួយ នៅលើទំព័រ Earth Observatory របស់ Nasa “អ្នកនេសាទនៅ<br />តំបន់អាមេរិកខាងត្បូង និងអាស៊ីអាគ្នេយ៍ ប្រើប្រាស់អំពូលភ្លើងដែលមានថាមពលខ្លាំង នៅលើ<br />សមុទ្រ គឺដើម្បីទាក់ទាញសត្វសមុទ្រទាំងឡាយ និងបណ្ដាត្រីតូចៗ ដែលជាចំណីរបស់ម៉ឺក។<br /> ហ្វូងម៉ឹកនឹងហែលទៅតាមចំណីរបស់ខ្លួន មកលើផ្ទៃទឹក ជាកន្លែងដែលពួកវានឹងត្រូវអ្នកនាសាទ<br />ប្រមាញ់។ កប៉ាល់នេសាទនិមួយៗ តែងប្រើប្រាស់អំពូលភ្លើងដូចខាងលើ ចំនួនដល់ទៅរាប់រយ <br />ហើយពន្លឺដែលកប៉ាល់និមួយៗបញ្ចេញ ក៏អាចឡើងដល់ 300kW” ។</p>
<p style="text-align: center;"><a class="thickbox" title="" href="/FileManager/Commons/2014/8/27/thailand1-27-08-2014--16-00-23.jpg"><img src="/FileManager/Articles/mce/2014/8/27/thailand1-27-08-2014--16-00-23.jpg" alt="" /></a></p>
<p style="text-align: center;"><em>ទាក់ទិននឹងពន្លែនៅលើផែនដី ដែលថតបានពីអវកាស កាលពីពេលកន្លង គេក៏បានដឹងថា ពន្លឺអំពូល</em><br /><em>ភ្លើងនៃបណ្ដាប្រទេស មានសភាពខុសៗគ្នានៅពេលរាត្រី ក្នុងនោះ កូរ៉េខាងជើង ប្រៀបបានទៅនឹង</em><br /><em>មហាសមុទ្រ មានតែ "កោះ" តូចៗ</em><br /><br /></p>
<p>មើលពីអវកាស ពន្លឺដែលចេញពីក្រុមកប៉ាល់នេសាទលើសមុទ្រ អាចស្មើនឹងពន្លឺក្នុងទីក្រុងធំ<br />មួយ ប៉ុន្ដែ ប្រសិនគេមើលផ្ទាល់នឹងភ្នែក នៅលើផ្ទៃសមុទ្រនឹងមានសភាពបែបណា? ចម្លើយ<br />អាចរកឃើញនៅក្នុងរូបថតទីពីរ ដែលជារូបថតរបស់អ្នកជំនាញខាងសរសេរអត្ថបទ ផ្នែកទេស<br />ចរណ៍ម្នាក់៕</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ huffingtonpost<br /><br /></p>