<p>បើទោះជារូបភាពអំពី iPhone 6 បានបង្ហាញខ្លួនជាយូរមកហើយ ប៉ុន្ដែ មកដល់បច្ចុប្បន្ន ការទាក់<br />ទាញរបស់ស្មាតហ្វូនល្បីឈ្មោះនេះ នៅតែមិនមានការអន់ថយ។</p>
<p style="text-align: center;"><a class="thickbox" title="" href="/FileManager/Commons/2014/9/8/waiting-in-line-for-an-iphone-6-never-too-early1-08-09-2014--12-30-56.jpg"><img src="/FileManager/Articles/mce/2014/9/8/waiting-in-line-for-an-iphone-6-never-too-early1-08-09-2014--12-30-56.jpg" alt="" /></a></p>
<p style="text-align: center;">មានអ្នកខ្លះ បានមករង់ចាំ តាំងតែពីថ្ងៃទី ៣១ សីហាមកម៉្លេះ</p>
<p style="text-align: center;"> </p>
<p>គេត្រូវរង់ចាំដល់ថ្ងៃទី ៩កញ្ញា ទើបកំណែថ្មីរបស់ iPhone នឹងត្រូវបាន Apple ឧទ្ទេសនាមជាផ្លូវ<br />ការ ហើយបើតាមទម្លាប់ វាអាចនឹងមានវត្តមានក្នុងទីផ្សារ ចាប់ពីថ្ងៃទី ២០ ឬយូរជាងនេះ។ ប៉ុន្ដែ <br />នៅឯខាងមុខ Apple Store ក្នុងក្រុង New York វិញ គេឃើញមានមនុស្សមកបោះតង់ស្នាក់នៅ <br />ដោយតម្រៀបជួរគ្នា ដើម្បីរង់ចាំទិញ iPhone 6 តាំងពីថ្ងៃទី ៣១ ខែសីហាមកម៉្លេះ។</p>
<p style="text-align: center;"><a class="thickbox" title="" href="/FileManager/Commons/2014/9/8/apple1-08-09-2014--12-32-40.jpg"><img src="/FileManager/Articles/mce/2014/9/8/apple1-08-09-2014--12-32-40.jpg" alt="" /></a></p>
<p style="text-align: center;">អ្នកដែលមករង់ចាំ មានយកជាមួយនូវ កៅអីសម្រាប់អង្គុយ និងដេក រួមទាំងម្ហូបអាហារ <br />និងរបស់របរប្រើប្រាស់ផ្ទាល់ខ្លួន</p>
<p style="text-align: center;"> </p>
<p>មកដល់ថ្ងៃនេះ មនុស្សកាន់តែច្រើនឡើងៗ បាននាំគ្នាមកស្នាក់នៅខាងមុខ Apple Store ជាបន្ត<br />បន្ទាប់ នៅពេលដែលថ្ងៃបង្ហាញខ្លួនជាផ្លូវការរបស់ iPhone 6 ជិតនឹងមកដល់។ ក៏ប៉ុន្ដែ មនុស្ស<br />ដែលស៊ូមកបោះតង់ រង់ចាំនៅខាងមុខ Apple Store គឺមិនមែនមានបំណងទិញយក iPhone 6<br />ទៅប្រើផ្ទាល់ខ្លួន តែម្យ៉ាងនោះទេ ក្នុងចំណោមនោះ ភាគច្រើន ពួកគេគឺជាតំណាងរបស់ក្រុមហ៊ុន<br />លក់រាយមួយចំនួន។</p>
<p style="text-align: center;"><a class="thickbox" title="" href="/FileManager/Commons/2014/9/8/apple2-08-09-2014--12-34-49.jpg"><img src="/FileManager/Articles/mce/2014/9/8/apple2-08-09-2014--12-34-49.jpg" alt="" /></a></p>
<p style="text-align: center;">កន្លែងខ្លះ គេឃើញកៅអីតែមួយ ប៉ុន្ដែ មានមនុស្សប្លែកមុខពីរ ឬច្រើននាក់ មកអង្គុយ ក្នុងពេលខុសៗ<br />គ្នា នេះបញ្ជាក់ថា ពួកគេមិនមែនមកតែឯង ពោលគឺពួកគេមកជំនួសគ្នា ទៅវិញទៅមក ដើម្បីអាចរក្សា<br />កន្លែងរបស់ខ្លួន</p>
<p style="text-align: center;"> </p>
<p>គួររំលឹកថា នៅរាល់លើក ឱ្យតែមានផលិតផលថ្មីរបស់ Apple រៀបនឹងបង្ហាញខ្លួន គេក៏តែងតែ<br />ឃើញ មានមនុស្សយ៉ាងច្រើន មកបោះតង់ ស្នាក់នៅខាងមុខ Apple Store ហើយវាបានក្លាយជា<br />ទម្លាប់ប្រចាំឆ្នាំ ក្នុងក្រសែភ្នែករបស់សាធារណជន នៅក្រុង New York។</p>
<p style="text-align: center;"><a class="thickbox" title="" href="/FileManager/Commons/2014/9/8/apple6-08-09-2014--12-38-51.jpg"><img src="/FileManager/Articles/mce/2014/9/8/apple6-08-09-2014--12-38-51.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2014/9/8/apple8-08-09-2014--12-52-46.jpg"><img src="/FileManager/Articles/mce/2014/9/8/apple8-08-09-2014--12-52-46.jpg" alt="" /></a></p>
<p style="text-align: center;">អ្នកដែលមកតម្រៀបជួរ រង់ចាំថ្ងៃ iPhone 6 បង្ហាញខ្លួន មិនមែនសុទ្ធតែមានបំណងដូចៗគ្នា នោះ<br />ឡើយ ក្នុងនោះ អ្នកខ្លះចង់បាន iPhone មកប្រើមុនគេ អ្នកខ្លះទិញយកទៅលក់បន្ត ហើយក៏មានអ្នក<br />ខ្លះ សម្រាប់ញាតិរបស់ខ្លួន និងអ្នកខ្លះ មកយកព័ត៌មាន។ល។</p>
<p style="text-align: center;"> </p>
<p>ចំណែកឆ្នាំនេះ បើទោះរូបថត និងព័ត៌មានជាច្រើនស្ដីអំពី iPhone 6 ត្រូវបានបែកធ្លាយចេញ<br />មកក្រៅក៏ដោយ ក៏ប៉ុន្ដែ ប្រការនេះ មិនអាចទប់ស្កាត់បាននូវភាពទាក់ទាញរបស់ស្មាតហ្វូន មក<br />ពីក្រុមហ៊ុន Apple នោះដែរ៕</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ gottabemobile/tech<br /><br /></p>