<p><span style="color: #000000;"><strong>(ភ្នំពេញ)៖</strong> តារាសម្ដែងស្រីដ៏ស្រស់សោភា កញ្ញា សុខ មុន្នីរក្សា បានឆេះដុំមិនតិចទេ នៅពេលបណ្ដាញសារព័ត៌មាន ក្នុងស្រុកនាំគ្នាចុះផ្សាយ ព្រោងព្រាតពីរឿង ប្អូនស្រីរបស់នាង គឺកញ្ញា សុខ មុន្នីពិសី ដែលបានបង្ហោះរូបភាពយ៉ាងសិចស៊ី លើឆ្នេរខ្សាច់ដ៏សក្បុសជាមួយឈុតប៊ីគីនី បញ្ចេញរន្ធផ្ទិត និងគល់ភ្លៅយ៉ាងព្រហើន។ ដោយអត់ទ្រាំពុំបាន តារាសម្ដែងរូបនវ បានបញ្ចេញប្រតិកម្មតបខ្លាំងៗ ក្នុងន័យការងារពាប្អូនស្រីពីការរិះគន់របស់មហាជន។</span></p>
<p><span style="color: #000000;">តារាសម្ដែង មុន្នី រក្សា បាននិយាយក្នុងបណ្ដាញសង្គមរបស់ខ្លួនថា «ពីដំបូងគិតថា មិនអីទេឃើញគេចុះព័ត៌មាន និយាយពីប្អូនស្រីរបស់់ខ្ញុំ តែចុះយូរៗទៅ ដូចជាពិបាកអានពិបាកស្ដាប់ណាស់ ព្រោះសរសេរលើសពីការពិត សូមកុំយកមនុស្សពីរនាក់ យកមកប្រៀបធៀប ព្រោះជាអ្នកសិល្បៈដូចគ្នាទេ សូមកុំវាយតម្លៃមនុស្សត្រឹមតែសំបកក្រៅ ជាពិសេសលើសម្លៀកបំពាក់ ព្រោះមនុស្សម្នាក់ៗ មានតម្លៃមានចំណុចល្អរៀងៗខ្លួន ហើយមិនមែនចង់ល្បី រហូតដល់ថ្នាក់ស្លៀកពាក់ មិនចេះមើលទីកន្លែងនោះទេ»។</span></p>
<p><span style="color: #000000;">ស្រីស្រស់ មុន្នីរក្សា បានប្ដទៀតថា «ពួកខ្ញុំទៅលេងសមុទ្រ ទៅលេងទឹកមិនមែនទៅលេងក្នុងវត្តនោះទេ ហើយរាល់ការ comment សូមកុំជ្រុលពេក រិះគន់បែបស្ថាបនា ពួកខ្ញុំអានទទួលយកបាន តែនេះរិះគន់បែបជាន់បន្លិចតែម្ដង សូមបើកចិត្ត បើកបេះដូងឲ្យតម្លៃនាក់សិល្បៈផង មិនមែនស្លៀកសិចស៊ី សុទ្ធតែគេអាក្រក់ទាំងអស់នោះទេ ហើយមុននឹងយករូបគេ ចុះព័ត៌មានសុំមេត្តា សុំការអនុញ្ញាត ពីសាមីខ្លួនគេផង !»។</span></p>
<p><span style="color: #000000;">កញ្ញា សុខ មុន្នីរក្សា បានតបតដូចនេះ ខណៈដែលប្អូនស្រីនាង មិនទាន់ឃើញមានប្រតិកកម្មណាមួយឡើយ តែគេសង្កេតឃើញថា តារាស្រីសម័យថ្មី ចង់ល្បីលឿន តែងតែលេងឈុតនេះ មួយឈុតគឺល្បីលឿនណាស់ សូម្បីតែនាង មាន សូនីតា ក៏ព្រលែងឈុតមួយហ្នឹងគេដែរ ខណៈដែលនាងគេស្គាល់ថាជា «រាជនីក្រមា» តែក្លាយជារាជនីប៊ីគីនីទៅវិញ តែនាងមិនបានបកស្រាយអ្វីឡើយ។</span></p>
<p><span style="color: #000000;">ថ្វីត្បិតតែ មុន្នី រក្សា ចេញមុខការពារប្អូនស្រី តែមើលទៅហាក់មិនសូវសម ព្រោះនាងហាក់ដូចជា កាន់ជើងសាច់ញាតិខ្លួនឯង ច្រើនជាងភាពពិតជាក់ស្ដែង ។ កញ្ញា មុន្នី រក្សា បច្ចុប្បន្ននាង ជាពិធីការីនីប្រចាំ ផលិតកម្ម «ថោន» និងជាតារាសម្ដែងល្បីល្បាញខ្លាំងគួរសម ក្នុងមជ្ឈដ្ឋានអ្នកសិល្បៈ៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-03-18-35-15-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-03-18-35-15-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-03-18-35-15-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-03-18-35-15-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-03-18-35-15-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-03-18-35-15-5.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>