<p><span style="color: #000000;"><span style="font-size: 12px;">ក្រុងឡុងដ៍ ៖ យុវជនជនជាតិអង់គ្លេសវ័យ ២២ ឆ្នាំម្នាក់ ដែលបានបញ្ឈប់ការវាយប្រហារអ៊ីនធឺណិតជាសកលយ៉ាងហិនហោច កាលពីថ្ងៃសុក្រ បាននិយាយថា រូបគេគ្រោងនឹងបរិច្ចាគប្រាក់ រង្វាន់ ១០,០០០ ដុល្លាររបស់ខ្លួន (£ 7.700) ជូនដល់អង្គការសប្បុរសធម៌ វាអាចជារឿងហួសចិត្តមួយ ដែលមហាជននឹកស្មានមិនដល់ ប៉ុន្តែទោះបីជាយ៉ាងណាក៏ដោយចុះ យុវជនបញ្ឈប់វីរុស WannaCry ក៏ទទួលការកោតសរសើរមិនដាច់ពីមាត់ពីមនុស្សទូទាំងពិភពលោក ដោយសារតែសន្តានចិត្តដ៏ល្អប្រពៃរបស់ខ្លួន </span><span style="font-size: 12px;">។</span></span></p>
<p><span style="color: #000000;"> យុវជនរូបនេះ បានប្រាប់ Business Insider ថា៖ «ខ្ញុំពុំបានធ្វើរឿង ដែលខ្ញុំបានធ្វើ ដើម្បីប្រាក់ឬកិត្តិយសកេរ្ដិ៍ឈ្មោះឡើយ "។ «ខ្ញុំចង់ បរិច្ចាគលុយនេះទៅឱ្យមនុស្ស ដែលត្រូវការវា”។</span></p>
<p><span style="color: #000000;">កាលពីចុងសប្តាហ៍មុន ការវាយប្រហារ ransomware មួយ ដែលបានប្រើកម្មវិធី Software "EternalBlue" ដែលលេចធ្លាយពីទីភ្នាក់ងារសន្តិសុខជាតិអាមេរិក និងបានរីករាលដាលយ៉ាងឆាប់រហ័ស នៅជុំវិញពិភពលោក បានបង្កការប៉ះពាល់ស្ថាប័នជាច្រើន នៅក្នុងប្រទេសជាង ១៥០ រួមទាំងសេវាសុខាភិបាលជាតិរបស់អង់គ្លេស ក្រុមហ៊ុនទូរគមនាគមន៍យក្សរបស់អេស្ប៉ាញ Telefonica ក្រុមហ៊ុន Nissan និងក្រុមហ៊ុន FedEx ។</span></p>
<p><a class="thickbox" title="" href="/FileManager/Commons/2017/5/18/1-18-05-2017--14-40-12.png"><img src="/FileManager/Articles/mce/2017/5/18/1-18-05-2017--14-40-12.png" alt="" /></a></p>
<p><br /><span style="color: #000000;"> ប៉ុន្តែការរីករាលដាលរបស់វីរុស "WannaCry" នេះ ត្រូវបានបញ្ឈប់ នៅពេលដែលអ្នកស្រាវជ្រាវផ្នែកសន្តិសុខរបស់ចក្រភពអង់គ្លេសម្នាក់ ដែលប្រើកម្មវិធីកម្ចាត់វីរុស MalwareTech បានចុះឈ្មោះគេហទំព័រ ដែលខ្លូនបានរកឃើញ នៅពេលធ្វើការអង្កេតរកកូដមេរោគនេះ។ ពេលចុះឈ្មោះ Website នោះរួចហើយ គាត់ក៏បានបិទម៉ាស៊ីនកុំព្យូទ័រ ក្រោយមកទៀត គាត់ក៏បាន Host វេបសាយជាធម្មតា នៅពេលគាត់ដឹងប្រាកដថា គាត់បានបញ្ឈប់វីរុសនោះរួចហើយ។</span></p>
<p><span style="color: #000000;">ចាប់តាំងពីពេលនោះមក យុវជនរូបនោះ ត្រូវបានចោមរោមដោយអ្នកសារព័ត៌មាន និងសាធារណៈជន ដោយអ្នកកាសែតជាច្រើន បានសួររកឈ្មោះពិតរបស់គាត់ ចុះផ្សាយរូបថតរបស់គាត់ និងលេចមុខ នៅខាងក្រៅផ្ទះរបស់ ជាកន្លែងដែលគាត់រស់នៅ ជាមួយឪពុកម្តាយរបស់គាត់។</span></p>
<p><span style="color: #000000;">បុរសរូបនេះ ត្រូវបានគេផ្ដល់ប្រាក់រង្វាន់ ១០,០០០ ដុល្លារ ប៉ុន្ដែរូបគេនិយាយថា ខ្លួនមិនចង់បានប្រាក់រង្វាន់នេះ នោះទេ។ </span></p>
<p><br /><a class="thickbox" title="" href="/FileManager/Commons/2017/5/18/2-18-05-2017--14-40-26.png"><img src="/FileManager/Articles/mce/2017/5/18/2-18-05-2017--14-40-26.png" alt="" /></a><br /> <br /><span style="color: #000000;"> HackerOne គឺជា Platform ដែលអនុញ្ញាតឱ្យអ្នកជំនាញផ្នែកសន្តិសុខទទួលខុសត្រូវ រាយការណ៍ពីបញ្ហាសុវត្ថិភាពដ៏មានសក្តានុពល នៅក្នុងកម្មវិធី Software ដែលជាញឹកញាប់ អ្នកជំនាញផ្នែកសន្ដិសុខនោះ ទទួលបានមកវិញនូវប្រាក់រង្វាន់ ដែលគេហៅថាប្រាក់រង្វាន់សម្រាប់ការចាប់បានកំហុស ។ ក្នុងការទទួលស្គាល់នៃកិច្ចខិតខំប្រឹងប្រែងរបស់ MalwareTech ក្រុមហ៊ុននេះ បានផ្តល់ជូនប្រាក់រង្វាន់ដល់គាត់ចំនួន ១០,០០០ ដុល្លារ ដោយភ្ជាប់ជាមួយលិខិតជាលាយលក្ខណ៍អក្សរថា៖ “សូមអរគុណសម្រាប់ការស្រាវជ្រាវយ៉ាងសកម្មរបស់អ្នក ចូលទៅក្នុង Malware នេះ និងសម្រាប់ការព្យាយាមធ្វើឱ្យអ៊ិនធឺណិត មានសុវត្ថិភាពជាងមុន!"។</span></p>
<p><span style="color: #000000;">គាត់បានឆ្លើយតបទៅវិញថា គាត់នឹងបរិច្ចាគថវិកាទាំងនេះជូនដល់អង្គការសប្បុរសធម៌។</span></p>
<p><span style="color: #000000;">គាត់បានសរសេរថា៖ "ខ្ញុំមានគម្រោងបង្កើតការបោះឆ្នោតមួយ ដើម្បីសម្រេចថា អង្គការសប្បុរសធម៌មួយណា នឹងទទួលបានសម្លេងភាគច្រើនសម្រាប់ប្រាក់នេះ» ។ «ប្រាក់ ដែលនៅសល់ នឹងយកទៅទិញសៀវភៅ ឬធនធានសម្រាប់ក្រុមមនុស្ស ដែលចង់ទទួលបានព័ត៌មានសន្តិសុខ ដែលពួកគេពុំអាចមានលទ្ធភាព ចំណាយលើសៀវភៅ ឬប្រភពទាំងនោះបាន»៕</span></p>
<p><span style="color: #000000;"><br /><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2017/5/18/mkn-18-05-2017--14-40-38.png" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព ៖ businessinsider</span></p>