<p><span style="color: #000000;">ព័ត៌មានអន្តរជាតិ ៖ មន្រ្តីជាន់ខ្ពស់ នៃសមាជិកសភាជាតិ ប្រទេស កេនយ៉ា អោយដឹងថា ក្រសួង ផែនការប្រទេសកេនយ៉ា បានចំណាយប្រាក់យ៉ាងច្រើន សន្ធឹកសន្ធាប់បញ្ជាទិញ តុក្កតាសិច (Sex Toys) ។ </span></p>
<p><span style="color: #000000;">សេចក្តីរាយការណ៍ បញ្ជាក់អោយដឹងថា មុខទំនិញ តុក្កតាសិច ត្រូវ បាន គេមើលឃើញ មាននៅ ក្នុងបញ្ជីចំណាយ ដែលត្រូវបានឃ្លាំមើល ក៏ដូចជា ត្រួតពិនិត្យមើល ដោយ គណៈកម្មការ កញ្ជប់ គណនីសាធារណៈ ដែលមាន លោក Gumbo ជាប្រធាន ។ ប្រភព បញ្ជាក់ អោយដឹងថា ក្រសួង ផែនការប្រទេសកេនយ៉ា រងនូវការចោទប្រកាន់ ថាបានបញ្ជាទិញ ទំនិញ ជា ច្រើនដែលមានតម្លៃ ថ្លៃកប់ពពក ប៉ុន្តែ រដ្ឋមន្រ្តីទទួលបន្ទុកលោកស្រី Anne Waiguru បានច្រានចោល នឹងការចោទប្រ កាន់មួយនេះ ថាជារឿងមិនពិតនោះទេ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/11/5/21-05-11-2015--15-02-21.jpg"><img src="/FileManager/Articles/mce/2015/11/5/21-05-11-2015--15-02-21.jpg" alt="" /></a><br /></span></p>
<p><span style="color: #000000;">គួររំឮកថា ការស៊ើបអង្កេតរឿងលុយពុករលួយត្រូវបានរដ្ឋាភិបាលធ្វើឡើងខណៈមានការចំណាយ ច្រើនហួសហេតុ ។ លោក Gumbo ប្រធានគណៈ កម្មការកញ្ជប់ថវិការ សាធារណៈ គូសបញ្ជាក់ ដល់សារព័ត៌មាន BBC អោយដឹងថា លោកពិតជាមានភាព ភ្ញាក់ផ្អើលជាខ្លាំង នៅពេលដែលបាន ឃើញមុខទំនិញ តុក្កតាសិច មាននៅក្នុងបញ្ជី ។ </span></p>
<p><span style="color: #000000;"><a class="thickbox" title="" href="/FileManager/Commons/2015/11/5/21a-05-11-2015--15-02-50.jpg"><img src="/FileManager/Articles/mce/2015/11/5/21a-05-11-2015--15-02-50.jpg" alt="" /></a><br /></span></p>
<p><span style="color: #000000;">ច្រើនជាងការចោទប្រកាន់ ថាក្រសួងបានចំនាយលុយយ៉ាងច្រើនបញ្ជាទិញ តុក្កតាសិច ក្នុងនោះ ក្រសួងក៏រងនូវការចោទប្រកាន់ថាបានបញ្ជាទិញសម្ភារៈថ្លៃៗ ដូចគ្នា ដែរ រួមមានដូចជា ស្រោម អនាម័យ សម្ភារៈការិយាល័យ ព្យាណូ ទូរទស្សន៍ សម្រាប់ការិយាល័យ រដ្ឋមន្រ្តីក្រសួងផែនការ ។ ថ្ងៃព្រហស្បត្តិ៍នេះ លោកស្រី Waiguru ត្រូវនាំខ្លួនយកទៅសាកសួរសំនួរ រយៈពេលជាង ៤ ម៉ោង ដោយគណៈកម្មការកញ្ជប់គណនីសាធារណៈ នៅក្នុងទីក្រុង Nairobi ។ ជាលទ្ធផល លោកស្រី នៅតែបដិសេធ ទៅនឹងការចោទប្រកាន់ ថាក្រសួងបានបញ្ជាទិញ ទូរទស្សន៍តម្លៃ១៩,០០០ដុល្លារ និងស្រោមអនាម័យតម្លៃថ្លៃ ២៥០ ដុល្លារ ។ លោកស្រី បន្តអោយដឹងថា គ្មានទូរទស្សន៍តម្លៃ ថ្លៃឬក៏ ព្យាណូនៅក្នុងការិយាល័យ លោកស្រី នៃក្រសួងផែនការនោះទេ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/11/5/21b-05-11-2015--15-02-59.jpg"><img src="/FileManager/Articles/mce/2015/11/5/21b-05-11-2015--15-02-59.jpg" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី </span></p>