<div>
<p><span style="color: #000000;"><strong>(ភ្នំពេញ)៖</strong> កំពូលតារាចម្រៀងកំពុងស្ថិតក្នុង ដួងចិត្តយុវវ័យ លោក ព្រាប សុវត្ថិ បានថ្លែងនៅក្នុងកម្មវិធីទិវាបរិច្ចាគឈាម ក្រោមប្រធានបទ «អ្នកបរិច្ចាគឈាមគឺជាវីរជន» នៅថ្ងៃទី ២៨ខែធ្នូ ឆ្នាំ២០១៥ នៅសាកលវិទ្យាល័យភ្នំពេញអន្តរជាតិ -PPIU ថា ការបរិច្ចាគឈាម គឺជាផ្នែកមួយ នៃការចូលរួមជួយសង្គមជាតិ និងជួយសង្គ្រោះជីវិតមនុស្ស ហើយក៏ជាសិល្បៈមួយនៅក្នុងការជួយគ្នាទៅវិញទៅមក ប្រកបដោយសកម្មភាពមនុស្សធម៌។</span></p>
<p><span style="color: #000000;">លោកបានថ្លែងបន្តទៀតថា <strong>«ទាំងនេះគឺជាផ្នែកមួយ បង្ហាញពីកាយវិកា សីលធម៌ ជួយដល់សង្គមជាតិ ខ្ញុំសូមគាំទ្រ និងលើកទឹកចិត្តដល់សិស្ស និស្សិតទាំងអស់ ដែលបានចូលរួមបរិច្ចាគឈាម នៅថ្ងៃនេះ ព្រោះនេះជាសកម្មភាពមនុស្សធម៌មួយ ដែលមានតម្លៃមិនអាចកាត់ថ្លៃបាន ហើយការបរិច្ចាគនេះ ក៏ជាសិល្បៈមួយ ដែលប្អូនៗ បងៗ ជួយគ្នាទៅវិញទៅមក»</strong>។</span></p>
<p><span style="color: #000000;">ក្រៅពីការជួយលើកទឹកចិត្តដល់អ្នកបរិច្ចាគឈាម តារាចម្រៀង ព្រាប សុវត្ថិ ក៏បានផ្ញើសារអំពាវនាវដល់ បងប្អូនប្រជាពល់រដ្ឋទូទៅ ឲ្យគោរពច្បាប់ចរាចរ និងពាក់មួកសុវត្ថិភាពឲ្យបានគ្រប់គ្នា ពេលធ្វើដំណើរ ជៀសវាងមានគ្រោះថ្នាក់ ជាយថាហេតុផ្សេងៗ។</span></p>
<p><span style="color: #000000;">សូមបញ្ជាក់ សាកលវិទ្យាល័យភ្នំពេញអន្តរជាតិ និងមជ្ឈមណ្ឌលជាតិផ្តល់ឈាម ក្រោមកិច្ចសហការរបស់ ចលនាយុវជនកម្ពុជា (ក្រុម១៥៧) បានរៀបចំទិវាបរិច្ចាគឈាមក្រោមប្រធានបទ «អ្នកបរិច្ចាគឈាមគឺជាវីរជន» នៅថ្ងៃទី២៨-២៩ ខែធ្នូ ឆ្នាំ២០១៥ នេះ ចាប់ពីម៉ោង៧៖៣០នាទីព្រឹក រហូតដល់ម៉ោង១៩៖៣០នាទីល្ងាច។ ការប្រគំតន្ត្រីនេះ មានការចូលរួមសម្តែងដោយលោក ព្រាប សុវត្ថិ លោក អ៊ឹង ប៊ុនលាភ លោក ប៊ុន ស័ក្តិ និងសិល្បករល្បីៗជាច្រើនទៀត ក្នុងនោះក៏មានក្រុមសិល្បករ នៃសាកលវិទ្យាល័យ PPIU ហើយមានការតាំងពិព័រណ៌ ស្តង់សម្ភារៈផ្សេងៗ ពីបណ្តាក្រុមហ៊ុនជាច្រើន ដើម្បីញ៉ាំងឲ្យពិធីនេះ ឲ្យមានភាពអធិកអធមផងដែរ។</span></p>
<p><span style="color: #000000;">លើសពីនេះទៅទៀត ក៏មានការចាប់រង្វាន់ សម្រាប់អ្នកបរិច្ចាគឈាម ដោយរង្វាន់ទាំងនេះ បានមកពីការជួយឧបត្ថម្ភពីសប្បុរសជន និងក្រុមហ៊ុននានា មានដូចជាទូរស័ព្ទ iPhone, Computer Laptop, ទូរទស្សន៍ និងរង្វាន់ជាច្រើនទៀត ប្រមាណជាង៣០០រង្វាន់។ សាស្ត្រាចារ្យ យុវជន និស្សិត និងសាធារណជនទាំងអស់ អាចចូលរួមបរិច្ចាគឈាម ក្នុងសកម្មភាពមនុស្សធម៌នេះ ដើម្បីជួយសង្គ្រោះជីវិតជនរងគ្រោះ។</span></p>
<p><span style="color: #000000;">កន្លងមកសាកលវិទ្យាល័យ ភ្នំពេញអន្តរជាតិ បានធ្វើយុទ្ធនាការផ្តល់ឈាម ចំនួន០៤លើកមកហើយ លើកទី១ ថ្ងៃទី២២ ខែវិច្ឆិកា ឆ្នាំ២០១១ មានអ្នកបរិច្ចាគឈាម ចំនួន២០០នាក់ លើកទី២ ថ្ងៃទី ២១ ខែ កញ្ញា ឆ្នាំ ២០១២ ចំនួន២១៦នាក់ លើកទី៣ នៅថ្ងៃទី០៣ ខែធ្នូ ឆ្នាំ២០១៣ ចំនួន៣៤៥នាក់ និងលើកទី៤ នៅថ្ងៃទី២៤ ខែធ្នូ ឆ្នាំ២០១៤ មានអ្នកបរិច្ចាគឈាម ដោយស្ម័គ្រចិត្តចំនួន៣៥០នាក់ ក្នុងរយៈពេលមួយថ្ងៃ។</span></p>
<p><span style="color: #000000;">ឈាមដែលសប្បុរសជន បានផ្តល់ត្រូវយកទៅទុកនៅមជ្ឈមណ្ឌល ជាតិផ្តល់ឈាម ហើយមជ្ឈមណ្ឌលជាតិផ្តល់ឈាមធានាថា នឹងប្រើប្រាស់ឈាមនេះ ឲ្យមានតម្លាភាព សម្រាប់ជួយសង្គ្រោះ អ្នកជំងឺដែលត្រូវការឈាម ជាចំបាច់៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xat1/t31.0-8/12339242_1538611836453182_3856606441186271127_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xap1/t31.0-8/1614255_1538611889786510_2522892188824685773_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-xft1/v/t1.0-9/12400939_1538611829786516_2198818280300424633_n.jpg?oh=a60e39ab1b1c7890b160fcfe16200aec&oe=57224096&__gda__=1461281015_3b878bee65038be1312c73bb2d4f18b6" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpt1/v/t1.0-9/535193_1538611826453183_610698712682752001_n.jpg?oh=a9a751198ec4cbb7210950af3d43590b&oe=571BB72E" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-f-a.akamaihd.net/hphotos-ak-xpf1/v/t1.0-9/535193_1538611879786511_169875427419680001_n.jpg?oh=c087b5d885fef40133303af4f75e1be0&oe=57040389&__gda__=1460402789_ba79af7294ada240dc9d7a5407ccaf5b" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xlp1/t31.0-8/10553790_1538611876453178_2764771157260154170_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-f-a.akamaihd.net/hphotos-ak-xft1/v/t1.0-9/10406961_1538618236452542_7020483312392256198_n.jpg?oh=19060b1cdec79c7dabe995ea113061c0&oe=5712BD1E&__gda__=1461627775_55e30f06838328351ba397d3ebf1c0c7" alt="" width="730" /></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វ្រេសញ៉ូវអាស៊ី</span></p>
</div>