<p><span>កន្លងមកទស្សនិកជន ធ្លាប់តែឃើញពិធីការិនី រូបស្រស់សោភាច្រមុះស្រួច កញ្ញា ឈិត សុជាតា<br /> បញ្ចេញស្នាមញញឹម ចរិតរួសរាយរាក់ទាក់ ជាមួយមហាជន គ្រប់ស្រទាប់ជាពិសេស នៅក្នុង<br />បណ្តាញទំនាក់ទំនង សង្គមដោយនាង តែងតែប្រើពាក្យ សំដីបង្ហោះ នៅលើ Facebook ផ្អែម<br />ស្រទន់និង រាប់អានមិត្ត នៅក្នុងបណ្តាញ មួយនេះយ៉ាងខ្លាំង។ តែអ្វីដែលធ្វើឲ្យទស្សនិកជន<br /> ប្លែកចិត្តនោះ បន្ទាប់ពីតារាស្រីរូបនេះបង្ហោះ ពាក្យសំដីបញ្ចេញ ប្រតិកម្មមិនពេញចិត្ត ចំពោះ<br />អ្នកលេងជាមួយ នាងនិយាយគ្មានសីលធម៌ នាងនឹង Un- Friend ចោល ។</span></p>
<p>ពិធីការិនី និងជាតារាសម្តែង រូបស្រស់សោភា កញ្ញា ឈិត សុជាតា បានបង្ហោះពាក្យសំដី មិន<br />ពេញចិត្តមួយចំនួន នៅលើAccount Facebook របស់នាងថា “ នាងខ្ញុំនិង un - friends ចំពោះ<br />អ្នកដែល និយាយមិនសមរម្យ។សូមទោសផងណា....!” ។ តាមរយៈពាក្យសំដី ទាំងអស់នេះ <br />បានធ្វើឲ្យមហាជន ជាច្រើនមានចម្ងល់ថា ហេតុអីបានជាសុខៗ តារាស្រីរូបនេះ បង្ហោះពាក្យ<br />សំដី បែបនេះ នៅលើ Facebook របស់នាងឫមួយ ក៏មាន Friend របស់នាងណាម្នាក់ និយាយ<br />ពាក្យសំដី មិនសមរម្យមាក់ងាយ កិត្តិយសនាង បានជានាងនិយាយ ដោយមិនពេញចិត្ត ថា<br />នាងនិងលុប Friend ចោលចំពោះមិត្តភក្តិ ណាដែល និយាយពាក្យសំដី គ្មានសីលធម៌លើនាង។</p>
<p>នេះមិនមែនជាលើកទី១ទេ ដែលសិល្បករ-សិល្បការិនីខ្មែរ បញ្ចេញប្រតិកម្ម មិនពេញចិត្តក្នុង<br />ឆ្លើយឆ្លង ជាមួយ Friend មួយចំនួនរបស់ពួកគេ នៅលើ Facebook ដោយពួកគេបាន លើក<br />ឡើងស្រដៀងគ្នាថា ដោយសារតែពួកគេ ប្រើពាក្យសំដី មិនផ្តល់កិត្តិយសលើកស្ទួយ តារាខ្មែរ<br />និយាយមាក់ងាយ បន្ទោសបង្អាប់ថា ពួកគេមិនល្អ ហើយមានអ្នកខ្លះទៀត ប្រើពាក្យដោយគ្មាន<br />ក្រមសីលធម៌វាយប្រហារតារាៗ ទៀតផងទើបធ្វើឲ្យ ក្រុមតារាសម្រេចចិត្តបិទ លែងធ្វើមិត្តជា<br />មួយ តែម្តងទៅ។</p>
<p>Looking TODAYបានទូរស័ព្ទទៅ កញ្ញា ឈិត សុជាតា កាលពីថ្ងៃទី១២ ខែសីហា ឆ្នាំ ២០១៣<br /> នេះដើម្បីចង់ដឹងពី រឿងទាំងអស់នោះ នាងមិនបានបរិយាយ អ្វីច្រើននោះទេ ដោយនាងគ្រាន់<br />តែ លើកទូរស័ព្ទ ហើយនិយាយយ៉ាងខ្លីថា“ពេលនេះខ្ញុំមានការរវល់តិច ចាំទូរស័ព្ទមកពេល<br /> ក្រោយទៀតចុះ រួចក៏ផ្តាច់ទូរស័ព្ទ ចោលតែម្តងទៅ”៕</p>
<p><span style="color: #000000;">ព័ត៌មានកំសាន្តដ៏សម្បូរបែប ជាច្រើនទៀត<span style="color: #0000ff;"> <strong><a href="/News/Category/5/entertainment"><span style="color: #0000ff;">សូមចុចត្រង់នេះ</span></a></strong></span> !!!</span></p>
<p style="text-align: center;"><img src="http://image.lookingtoday.com:81//lookingtoday/looking-images/news/2013/August/id-017/chetha-46.jpg" alt="Photo by LookingTODAY" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/August/id-099/v_0358.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/August/id-099/v_0359.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/August/id-099/v_0360.jpg" alt="" width="500" /></p>
<p style="text-align: right;">ដោយ៖ LookingToday<br />ផ្តល់សិទ្ធិដោយ៖ ដើមអំពិល</p>