<p><span style="color: #000000;"><strong>(ហាណូយ)៖</strong> ក្រសួងសុខាភិបាលវៀតណាមបាន ប្រកាសព័ត៌មាននៅព្រឹកថ្ងៃអង្គារ នេះថា ករណីឆ្លងនៃវីរុស Zika ដំបូងក្នុងប្រទេសអាស៊ានមួយនេះ បានកើតមានទៅលើស្ត្រីពីររូប គឺម្នាក់មាន វ័យ ៦៤ឆ្នាំរស់នៅទីក្រុង Nha Trang នៃខេត្ត Khanh Hoa និងម្នាក់ទៀតវ័យ ៣៣ឆ្នាំរស់នៅទីក្រុង ហូជិមិញ នៃភាគខាងត្បូងប្រទេស។ នេះបើតាមការចេញផ្សាយ មុននេះបន្តិច ដោយទីភ្នាក់ងារ ព័ត៌មានចិនស៊ិនហួរ នៅព្រឹកថ្ងៃអង្គារ ទី០៥ ខែមេសា ឆ្នាំ២០១៦។</span></p>
<p><br /><a class="thickbox" title="" href="/FileManager/Commons/2016/4/5/02-05-04-2016--16-30-26.jpg"><img src="/FileManager/Articles/mce/2016/4/5/02-05-04-2016--16-30-26.jpg" alt="" /></a></p>
<p><span style="color: #000000;">ស្ត្រីវ័យចំណាស់ទី១ បានចេញសញ្ញាមិនស្រួលខ្លួន ចាប់តាំងពីថ្ងៃទី២៦ ខែមីនាមកម្ល៉េះ ដូចជា ក្តៅខ្លួន, ឈឺក្បាល, ស្ពឹកជើងទាំងពីរ, និង ភ្នែកឡើងពណ៌ផ្កាឈូក។ ក្រោយពីទៅដល់មន្ទីរពេទ្យ កាលពីថ្ងៃទី៣១ ខែមីនា ទើបស្ត្រីម្នាក់នោះដឹងថា មានផ្ទុកវីរុស ហ្ស៊ីកា ហើយរហូតមកដល់ពេលនេះ គ្រូពេទ្យនានាកំពុងតាមដាន ជំងឺយ៉ាងដិតដល់។</span></p>
<p><br /><a class="thickbox" title="" href="/FileManager/Commons/2016/4/5/02a-05-04-2016--16-30-34.jpg"><img src="/FileManager/Articles/mce/2016/4/5/02a-05-04-2016--16-30-34.jpg" alt="" /></a></p>
<p><span style="color: #000000;">ដោយឡែកស្ត្រីវ័យ ៣៣ឆ្នាំវិញ បានកើតមានអការៈដូចស្ត្រីខាងលើនេះដែរ កាលពីថ្ងៃទី២៩ ខែមីនា។ យ៉ាងណាក៏ដោយ ខាងមន្ទីរពេទ្យវៀតណាម មិនទាន់អាចបញ្ជាក់ថា ស្ត្រីទាំងពីររូបនេះឆ្លងវីរុស Zika តាមរបៀបណា ឬធ្លាប់មានប្រវត្តិធ្វើដំណើរទៅកាន់តំបន់ ដែលកើតមានវីរុសនេះដែរ ឬក៏យ៉ាងណានោះទេ។</span></p>
<p><span style="color: #000000;">គួរបញ្ជាក់ថា វៀតណាមជាប្រទេសដំបូងហើយ នៅអាស៊ីអាគ្នេយ៍ដែលបាន កើតមានករណីឆ្លង នៃវីរុស Zika នេះ៕</span></p>
<p><br /><br /></p>
<p style="text-align: right;"><span style="color: #000000;">ប្រភព ៖ ស៊ិនហួរ</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>