<p><span style="color: #000000; font-size: 12px;">(តូក្យូ)៖ ព្រះបរមរាជវាំងជប៉ុន បានប្រកាសនៅមុននេះបន្តិចថា ព្រះចៅអធិរាជ Akihito មិនមានរាជបំណងណាមួយ ក្នុងការដាក់រាជ្យនោះទេ ហើយខ្លួនសូមច្រានព័ត៌មាននេះ ចោលទាំងស្រុងតែម្តង។ នេះបើតាមការចេញផ្សាយ នៅមុននេះបន្តិចដោយសារព័ត៌មាន Channel News Asia នាព្រឹកថ្ងៃទី១៤ ខែកក្កដា ឆ្នាំ២០១៦។</span></p>
<p><span style="color: #000000;">គួរបញ្ជាក់ថា កាលពីល្ងាចថ្ងៃម្សិលមិញនេះ ទូរទស្សន៍ NHK របស់ជប៉ុន ដែលអះអាងថាខ្លួនទទួលបានព័ត៌មានពី ប្រភពដ៏គួរឲ្យទុកចិត្តក្នុងរាជវាំងបានចេញផ្សាយថា ព្រះចៅអធិរាជដែលមានព្រះជន្ម៨២ព្រះវស្សាទៅហើយ នឹងធ្វើការដាក់រាជ្យ ក្នុងពេលឆាប់ៗខាងមុខនេះ ថ្វាយទៅព្រះរាជបុត្រារបស់ ព្រះអង្គជាអ្នកស្នងរាជ្យបន្ត។</span></p>
<p><span style="color: #000000;">ចំពោះសែរាជវង្សរបស់ព្រះចៅអធិរាជ Akihito នេះ បានបន្តមករយៈពេលជាង ២,៦០០ឆ្នាំមកហើយ ដោយឡែក សម្រាប់ការប្រកាសដាក់រាជក៏ មិនធ្លាប់កើតមាននោះដែរក្នុងរយៈពេល ២០០ឆ្នាំមកនេះ។ ប្រសិនបើជាការពិត មែននោះ វាប្រាកដជាកើតមាននូវក្តីតក់ស្លុតខ្លាំងសម្រាប់ប្រទេសជាតិជប៉ុនទាំងមូល ខណៈគ្រួសាររាជវង្ស ត្រូវបានចាត់ទុកជានិមិត្តរូបនៃស្ថិរភាព និង ភាពអមតៈនៃប្រជាជាតិជប៉ុនទាំងមូល៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/7/14/15c-14-07-2016--14-23-40.jpg"><img src="/FileManager/Articles/mce/2016/7/14/15c-14-07-2016--14-23-40.jpg" alt="" /></a><br /></span></p>
<p style="text-align: right;"><span style="color: #000000;">ប្រភព ៖ CNA</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>