<p><span style="color: #000000;">ព័ត៌មានអន្តរជាតិ ៖ សេតវិមាន សហរដ្ឋអាមេរិក សម្រេចបិទទ្វារភ្លាមៗ អំឡុងថ្ងៃព្រហស្បត្តិ៍ម្សិល មិញនេះ បន្ទាប់ពីបុរសម្នាក់ ផ្លោះរបង ចូល សេតវិមាន នារដ្ឋធានី វ៉ាស៊ិនតោន នេះបើយោងតាម សេចក្តីរាយការណ៍ ពីសារព័ត៌មានក្នុងស្រុក អាមេរិក ស៊ីអិនអិន។</span></p>
<p><span style="color: #000000;"><a class="thickbox" title="" href="/FileManager/Commons/2015/11/27/12a-27-11-2015--11-15-28.jpg"><img src="/FileManager/Articles/mce/2015/11/27/12a-27-11-2015--11-15-28.jpg" alt="" /></a><br /></span></p>
<p><span style="color: #000000;">ប្រភពសារព័ត៌មានដដែល ចុះផ្សាយអោយដឹងថា ភ្លាមៗ បុរសដែលជាបេក្ខភាពតែម្នាក់គត់គគ្លើន ហ៊ានផ្លោះរបងសេតវិមាននោះ ត្រូវបានចាប់ឃាត់ខ្លួន ។ របាយការណ៍ បញ្ជាក់បន្ថែមអោយដឹងថា ក្រោយពីមានការចាប់ឃាត់ខ្លួន បុរស គគ្លើនហ៊ានផ្លោះរបង សេតវិមាន នៅ បន្តបិទទ្វារនៅឡើយ ខណៈក្រុមការងារ ទទួលបន្ទុករក្សាសុវត្ថិភាព កំពុងតែត្រួតពិនិត្យ ជុំវិញបរិវេណ សេតវិមាន ។ </span></p>
<p><span style="color: #000000;"><a class="thickbox" title="" href="/FileManager/Commons/2015/11/27/12b-27-11-2015--11-15-40.jpg"><img src="/FileManager/Articles/mce/2015/11/27/12b-27-11-2015--11-15-40.jpg" alt="" /></a><br /></span></p>
<p><span style="color: #000000;">យោងតាមកាលវិភាគផ្លូវការ ពីសេតវិមាន អំឡុងថ្ងៃព្រហស្បត្តិ៍ម្សិលមិញនេះ គ្រួសារលោក បារ៉ាក់ អូបាម៉ា កំពុងតែប្រារព្ធកម្មវិធីបុណ្យ Thanksgiving Day នៅក្នុងសេតវិមាន ចំពេលដែល បុរស ព្រ ហើនខ្លាំងហ៊ានផ្លោះរបង។ របាយការណ៍ បញ្ជាក់អោយដឹងថា នេះពុំមែនជាលើកទី ១នោះទេ ក្នុង រយៈពេល ១ សប្តាហ៍ចុងក្រោយនេះ ដែលសេតវិមាន ត្រូវបិទទ្វារ ពោល អំឡុង ចុងសប្តាហ៍ ថ្ងៃ សៅរ៍សប្តាហ៍កន្លងទៅនេះ សេតវិមានធ្លាប់បិទទ្វារ រួចម្តងមកហើយ នៅពេលដែល ស្រ្តីម្នាក់ បាន គប់ ក៏ដូចជា ចោល ស្នូរផ្លែប៉ោម ជាច្រើន ទៅលើរបងសេតវិមាន ផ្នែកខាងត្បូង ៕</span></p>
<p> </p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ស៊ីអិនអិន និង ស៊ិនហួរ </span></p>