<p><span style="color: #000000;"><strong>(ភ្នំពេញ)៖ ទេសរដ្ឋមន្រ្តី ឱម យ៉ិនទៀង បានថ្លែងប្រាប់អង្គភាពព័ត៌មាន Fresh News នៅមុននេះបន្តិចថា អង្គភាពប្រឆាំងអំពើពុករលួយ(ACU) បានឃាត់ខ្លួន លោក ស៊ុត ឌីណា ឯកអគ្គរាជទូតកម្ពុជា ប្រចាំកូរ៉េខាងត្បូង មកសាកសួរជាលើកទី២។</strong></span></p>
<p><span style="color: #000000;">លោក ឱម យ៉ិនទៀង បានបញ្ជាក់ថា ការឃាត់ខ្លួនលោក ស៊ុត ឌីណា មកសួរនាំអំពីអំពើពុករលួយ និងបានឃាត់ខ្លួននៅព្រឹកថ្ងៃទី០៤ ខែមេសា ឆ្នាំ២០១៦។ លោក ឱម យ៉ិនទៀង បានបន្ថែមទៀតថា លោក ស៊ុត ឌីណា ជៀសមិនផុតពីឃាត់ខ្លួននោះទេ ដោយសារតែមានពាក្យបណ្តឹងជាច្រើន បានប្តឹងលោកជុំវិញភាពមិនប្រក្រតីក្នុងការបំពេញការងារ។ </span></p>
<p><span style="color: #000000;">ប្រធាន ACU បានបន្ថែមថា <strong>មុននឹងឃាត់ខ្លួននោះ ACU បានរកឃើញតម្រុយជាច្រើន ក្នុងនោះមានព័ត៌មានដែលផ្សាយទៅលើ Facebook អំពីភាពមិនប្រក្រតី របស់លោក ឌីណា ពាក្យប្តឹងពីក្រសួងការបរទេសទាំងនៅភ្នំពេញ និងកូរ៉េខាងត្បូង ហើយ ACU ក៏ធ្លាប់បានបញ្ជូនមនុស្ស៦នាក់ ទៅប្រមូលព័ត៌មាននៅកូរ៉េផងដែរ។</strong></span></p>
<p><span style="color: #000000;">សូមជំរាបថា លោក ស៊ុត ឌីណា បានចាកចេញពីកូរ៉េ មកដល់ប្រទេសកម្ពុជា នៅថ្ងៃម្សិលមិញ និងបានឃាត់ខ្លួននៅព្រឹកមិញនេះ៕ </span></p>
<p><span style="color: #000000;"><img src="http://image.freshnewsasia.com/2016/020/fn-2016-04-04-12-35-15-1.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xaf1/t31.0-8/10344257_505743152887220_5261405165858164930_o.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xpf1/v/t1.0-9/11217583_117629418575150_6671592244423151044_n.jpg?oh=a117e410ec7915017a639b902808764c&oe=5775D7CB" alt="" width="730" /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>