<p><span style="color: #000000;"><strong>(ភ្នំពេញ)៖</strong> សហរដ្ឋអាមេរិក បានប្រកាសពង្រីកការអនុគ្រោះផ្នែកពាណិជ្ជកម្ម ដល់ប្រទេសកម្ពុជា ក្រោមកម្មវិធីអនុគ្រោះពន្ធទូទៅ (GSP) ដោយរាល់ផលិតផលវ៉ាលី កាបូបស្ពាយ កាបូបដៃ និងកាបូបលុយដាក់ក្នុងហៅប៉ៅ ដែលផលិតនៅកម្ពុជា អាចនាំចូលទៅអាមេរិកបាន ដោយមិនបង់ពន្ធឡើយ នេះបើយោងតាមសេចក្តីប្រកាសព័ត៌មានរបស់ស្ថានទូតអាមេរិកប្រចាំកម្ពុជា ទើបចេញផ្សាយនៅថ្ងៃទី០៦ ខែកក្កដានេះ។</span></p>
<p><span style="color: #000000;">ការពង្រីកប្រព័ន្ធ GSP មិនត្រឹមតែផ្តល់ឲ្យកម្ពុជានូវលទ្ធភាពចូលទៅក្នុងទីផ្សានាំចូល របស់សំរាប់ការធ្វើដំណើរដែលមានតំលៃចំនួន១០ពាន់លានដុល្លាអាមេរិក នៅក្នុងសហរដ្ឋអាមេរិក តែប៉ុណ្ណោះទេ តែវាថែមទាំងលើកទឹកចិត្តដល់ការអភិវឌ្ឍថែមទៀតនៃឧស្សាហកម្មវាយនភណ្ឌរបស់កម្ពុជា ទៅក្នុងផ្នែកថ្មីៗនៃផលិតកម្ម ដែលផ្តល់ការចំណេញ។</span></p>
<p><span style="color: #000000;">លោកឯកអគ្គរដ្ឋទូតសហរដ្ឋអាមេរិក William Heidt បានលើកឡើងថា <strong>« ការប្រកាសរបស់ការិយាល័យនៃតំណាងពាណិជ្ជកម្មសហរដ្ឋអាមេរិក អាចបើកទីផ្សាមួយថ្មី ទាំងស្រុងសំរាប់ក្រុមហ៊ុន នាំចេញកម្ពុជា ហើយអាចបង្កើតឲ្យមានការងាររាប់ពាន់សំរាប់ប្រជាជនកម្ពុជា។ យើងលើកទឹកចិត្តឲ្យផលិតករកម្ពុជា ទាញយកប្រយោជន៍ពីឱកាសថ្មីនេះ ដែលនឹងជួយបង្កើនមុខវិស័យ នៃមូលដ្ឋានសេដ្ឋកិច្ចរបស់កម្ពុជា ជួយជំរុញកំណើនលូតលាស់សេដ្ឋកិច្ច និងកាត់បន្ថយភាពក្រីក្រ»</strong>។</span></p>
<p><span style="color: #000000;">គួរបញ្ជាក់ថា GSP គឺជាកម្មវិធីអនុគ្រោះពាណិជ្ជកម្មដែលមានចំណាស់ ៤០ឆ្នាំមកហើយ ដោយនៅក្រោមកម្មវិធីនេះ គ្មានការយកពន្ធលើទំនិញនាំចូលជាច្រើន ពីប្រទេសកំពុងអភិវឌ្ឍនិងផលិតផល បន្ថែមទៀតពីប្រទេស LDBDCs ។ លោកតំណាងពាណិជ្ជកម្មសហរដ្ឋអាមេរិក Michael Froman បានបន្ថែមថា <strong>«យើងបានប្រើកម្មវិធីនេះ ដើម្បីផ្តល់ដល់ប្រទេសក្រីក្រជាងគេខ្លះក្នុងពិភពលោក នូវជំនួយយ៉ាងសំខាន់ នៅក្នុងទំនាក់ទំនងជាមួយគូប្រជែង ដែលមានកំរិតសមត្ថភាពខ្ពស់»</strong>។</span></p>
<p><span style="color: #000000;">នៅក្រោមកម្មវិធី GSP ផលិតផលចំនួនប្រហែល ៥០០០មុខមកពីប្រទេសកំពុងអភិវឌ្ឍ និងដែនដីជាអ្នកទទួលផល ដោយរួមមានប្រទេសដែល មានការអភិវឌ្ឍន៍ តិចជាងគេចំនួន ៤៣ប្រទេស អាចធ្វើការនាំចេញទៅកាន់សហរដ្ឋអាមេរិកដោយមិនបាច់បង់ពន្ធ។ មានតែប្រទេស LDBDCs ទេ ដែលមិនត្រូវបានតំរូវឲ្យបង់ពន្ធ លើផលិតផលចំនួនជិត ១៥០០ នៃផលិតផលទាំងនោះ ។ នៅក្នុងឆ្នាំ ២០១៥ ទំនិញនាំចូលទៅក្នុងសហរដ្ឋអាមេរិក ដោយគ្មានការបង់ពន្ធ នៅក្រោមកម្មវិធី GSP មានតំលៃសរុបចំនួន ១៧,៤ ពាន់លានដុល្លាអាមេរិក។</span></p>
<p><span style="color: #000000;">ច្បាប់ពន្យារការអនុគ្រោះផ្នែកពាណិជ្ជកម្ម (TPEA) នៃឆ្នាំ ២០១៥ បានផ្តល់ឲ្យ លោកប្រធានាធិបតី Obama នូវអំណាច ក្នុងការបន្ថែមទំនិញជាផលិតផលខ្លះ សំរាប់ការធ្វើដំណើរ ទៅក្នុង GSPដោយ អាស្រ័យលើដំណើរការវាយតំលៃឡើងវិញទៀងទាត់ និងទៅតាមការស្នើសុំ។ ចំណុចតូចបន្ទាប់ចំនួន ២៧ នៅក្នុងកាលកំណត់ នៃពន្ធលើទំនិញនាំចូលដែលមាន លក្ខណៈសុខដុម (Harmonized Tariff Schedule ឬ HTS) ដែលមាននិយាយនៅក្នុង TPEA រួមមានវ៉ាលី កាបូបដៃ កាបូបស្ពាយ និងរបស់ដាក់ក្នុងហោប៉ៅ (ដូចជាកាបូបលុយ)៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13612111_1230648943614648_1712048402038350107_n.jpg?oh=e7c51b9db949cbb0f70027dcdb10d3f0&oe=58319B6C" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>