<p><span style="color: #000000;"><strong>(ភ្នំពេញ)៖</strong> នៅរសៀលថ្ងៃអាទិត្យ ទី០៦ ខែវិច្ឆិកា ឆ្នាំ២០១៦នេះ មានហេតុការណ៍ភ្ញាក់ផ្អើលមួយបានកើតឡើងនៅក្នុងបុរីមួយកន្លែងស្ថិតនៅក្នុងដីឡូតិ៍ ភូមិជីសាក់ សង្កាត់ចោមចៅ ខណ្ឌពោធិ៍សែនជ័យ ម្តុំរង្វង់មូលចោមចៅ ដោយមានក្រុមមនុស្សពីរនាក់បាននាំគ្នាបាញ់ សម្លាប់សន្តិសុខជាមន្រ្តីយោធាម្នាក់ឲ្យស្លាប់បាត់បង់ជីវិត។</span></p>
<p><span style="color: #000000;">ក្រោយកើតហេតុភ្លាមៗ ក៏មានបណ្តាញផ្សព្វផ្សាយខ្លះបានផ្សព្វផ្សាយថា ហេតុការណ៍នោះគឺជាការដេញបាញ់គ្នារវាងជនជាតិចិន និងជនជាតិចិន ហើយពេលឃើញខ្មែរ ក៏បាញ់សម្លាប់ប្រជាពលរដ្ឋខ្មែរ។ ក្រោយឃើញការចេញផ្សាយបែបនេះក្រុមសមត្ថកិច្ចក៏បានធ្វើការច្រានចោល ហើយបានអះអាងថា ករណីនេះ គឺជាករណីប្លន់ប្រដាប់អាវុធ។</span></p>
<p><span style="color: #000000;">នាយការិយាល័យព្រហ្មទណ្ឌកម្រិតធ្ងន់ រាជធានីភ្នំពេញ លោកអេង សោភា បានប្រាប់ Fresh News ពេលកំពុងដឹកនាំកម្លាំងចុះឡោម ព័ទ្ធកន្លែងក្រុមចោរចូលលាក់ខ្លួនថា នៅវេលាម៉ោងជិតមួយរសៀលថ្ងៃអាទិត្យនេះ ក្រុមចោរក្រុមចោរពីរនាក់ស្លៀកពាក់ស៊ីវិល និងពាក់ម៉ាស់មុខ បានដើរចូលទៅក្នុងផ្ទះបើកលក់សៀវភៅ ប៊ិច និងសម្ភារៈសិក្សារបស់ជនជាតិចិនឈ្មោះ លូ បាយហេង អាយុ ៥៤ឆ្នាំ។ ពេលចូលទៅក្នុងផ្ទះក្រុមចោរបានទាញទ្វារបិទ ព្រមទាំងបានដកកាំភ្លើងភ្ជង់ម្ចាស់ផ្ទះ និង និយាយភាសាចិនទារលុយ ព្រមទាំងទាញយកខ្សែករមួយខ្សែផងដែរ។</span></p>
<p><span style="color: #000000;">លោក អេង សោភា បន្តថា ក្រោយពេលក្រុមចោរកំពុងធ្វើសកម្មភាពនោះ ភរិយារបស់ជនរងគ្រោះ ដែលនៅជាន់លើ ក៏ស្រែកជាភាសាចិនថា ចោរចូលប្លន់ ធ្វើឲ្យក្រុមចោរភ័យ ក៏បើកទ្វារផ្ទះរត់គេចខ្លួន ដោយរត់សំដៅទៅខាងរង្វង់មូលចោមចៅ។ ពេលទៅដល់រោងចក្រ PPM ក្រុមចោរបានរត់ចូលទៅក្នុងបុរី ដែលគេសាងសង់ឡើងក្នុងដីឡូតិ៍។</span></p>
<p><span style="color: #000000;">ភ្លាមៗនោះសន្តិសុខយាមនៅទីនោះ ដេញតាមសួរនាំក្នុងបំណងហាមឃាត់ក្រុមចោរមិនចូលទៅក្នុងបុរីនោះ ស្រាប់តែជនល្មើសបានបាញ់មួយគ្រាប់បណ្តាលឲ្យត្រូវជនរងគ្រោះឈ្មោះ យ៉េន រីណុង អាយុ ២៣ឆ្នាំ បណ្តាលឲ្យស្លាប់ ឯកម្នាក់ទៀតជាសន្តិសុខយាមនៅភូមិគ្រឹះវូហោ ដែលដេញតាមដែរនោះ ត្រូវអំបែងកញ្ចក់ចំខ្លួនបណ្តាលឲ្យរងរបួសស្រាល។</span></p>
<p><span style="color: #000000;">បន្ទាប់ពីបាញ់បណ្តាលឲ្យសន្តិសុខស្លាប់ និងរបួសហើយ ក្រុមចោរ ក៏បានរត់គេចខ្លួនបាត់ទៅ។ តាមការសន្និដ្ឋានក្រុមចោរប្លន់ជាអ្នកបាញ់មានអាយុប្រហែល ៣៥ឆ្នាំ កម្ពស់ប្រហែល ១.៧២ម៉ែត្រ មានមាឌស្តើង។ ជនសង្ស័យម្នាក់ទៀត អាយុប្រហែល ៣៤ឆ្នាំ មានរាងស្តើងកម្ពស់ប្រហែល ១.៦៨ម៉ែត្រ។</span></p>
<p><span style="color: #000000;">សមត្ថកិច្ច បានឲ្យដឹងថា ក្រុមចោរបានប្លន់យកលុយពីក្នុងបណ្ណាគាររបស់ជនជាតិចិនយកលុយ ៥០០ដុល្លារ និងខ្សែករមួយខ្សែទម្ងន់ប្រ មាណ ១តម្លឹង។</span></p>
<p><span style="color: #000000;">រហូតមកដល់ល្ងាចថ្ងៃទី០៦ ខែវិច្ឆិកា កងកម្លាំងសមត្ថកិច្ចចម្រុះទាំងនគរបាល និងកងរាជអាវុធហត្ថ បាននិងកំពុងឡោមព័ទ្ធនៅនៅទីតាំងដីឡូតិ៍ ដើម្បីតាមចាប់ក្រុមចោរ៕</span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F633872986784496%2F&show_text=0&width=730" frameborder="0" width="480" height="380"></iframe></span></p>
<p><span style="color: #000000;"><img src="http://image.freshnewsasia.com/2016/005/fn-2016-11-06-18-10-13-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/005/fn-2016-11-06-18-10-13-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/005/fn-2016-11-06-15-35-34-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/005/fn-2016-11-06-15-35-34-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/005/fn-2016-11-06-15-35-34-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/005/fn-2016-11-06-15-35-34-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/005/fn-2016-11-06-15-35-34-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/005/fn-2016-11-06-15-35-34-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/005/fn-2016-11-06-15-35-34-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/005/fn-2016-11-06-15-35-34-7.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/005/fn-2016-11-06-15-35-35-8.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/005/fn-2016-11-06-15-35-35-9.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/005/fn-2016-11-06-15-35-35-10.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/005/fn-2016-11-06-15-35-35-11.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/005/fn-2016-11-06-15-35-35-12.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/005/fn-2016-11-06-15-35-35-13.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/005/fn-2016-11-06-15-35-35-14.jpg" alt="" width="730" /></span></p>
<p><br /><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span><br /><br /></p>