<p>នៅក្នុងផ្ទះជួលមួយនៅក្រុង Anand ត្រូវបានគេស្គាល់ថា ជា “ទីប្រជុំទឹកដោះ” របស់រដ្ឋ Gujarat នៅចុងបស្ចិមរបស់ឥណ្ឌា មានស្ដ្រីចំនួន ៥០នាក់ កំពុងពពោះជំនួសអ្នកដទៃ ដោយម្នាក់ៗ ទទួលបានប្រាក់ ៨ពាន់ដុល្លារអាមេរិក សម្រាប់ការពពោះមួយលើក។<br /><br />Madhu Makwan ស្នើឱ្យអ្នកយកព័ត៌មាន បកប្រែលិខិតមួយ ទៅជាភាសាអង់គ្លេស ដែលអ្នកស្រីទទួលបានពីប្ដីប្រពន្ធជនជាតិកាណាដា មួយគូ។ អ្នកស្រីទើបតែបានឆ្លងកាត់ការពពោះជំនួស រយៈពេល ៩ខែ ដើម្បីបង្កើតកូនប្រុសម្នាក់ ដល់គ្រួសារនោះ។ លិខិតនោះ សរសេរថា ៖ “មិនមានការលះបង់ និងជំនួយពីបងស្រី យើងខ្ញុំមិនអាចក្លាយជាគ្រួសារដែលមានន័យ។ សូមបងស្រីចាំថា យើងខ្ញុំនឹងនិយាយប្រាប់កូនអំពីអ្នកបង និងភាពពិសេសរបស់បងស្រីចំពោះយើងខ្ញុំ។ យើងខ្ញុំនឹងមិនបំភ្លេចអ្នកបង ហើយអ្នកបងតែងស្ថិតនៅក្នុងបេះដូងយើងខ្ញុំជានិច្ច។</p>
<p style="text-align: center;"><a class="thickbox" title="" href="/FileManager/Commons/2013/11/7/india-surrogacy13836997225293973203ver10640480-07-11-2013--13-12-58.jpg"><img src="/FileManager/Articles/mce/2013/11/7/india-surrogacy13836997225293973203ver10640480-07-11-2013--13-12-58.jpg" alt="" /></a></p>
<p>Madhu Makwan បានបង្កើតកូនម្នាក់ កាលពីមុននេះ ប្រហែលពីរសប្ដាហ៍។ អ្នកស្រី Makwan ឱ្យដឹងថា ៖ “ខ្ញុំពិតជាមិនសប្បាយចិត្តសោះ ខ្ញុំបានពពោះវា ៩ខែ ប៉ុន្ដែ គេនោះត្រូវការកូន ចំណែកខ្ញុំត្រូវការប្រាក់។ ការស៊ីឈ្នួលពពោះឱ្យអ្នកដទៃ នៅឥណ្ឌា ដោយសារតែការសុំច្បាប់ មានលក្ខណៈងាយស្រួល ដូច្នេះតម្លៃរបស់វាក៏សមរម្យ។ ប្រទេសដែលមានប្រជាជនច្រើនបំផុតក្នុងពិភពលោក លំដាប់លេខពីរនេះ គឺជាប្រទេសមួយ ក្នុងចំណោមប្រទេសតិចបំផុតដែលបានអនុញ្ញាតឱ្យមានការប្រាក់ដោយស៊ីឈ្នួលពពោះ។<br /><br />នៅក្នុងផ្ទះជួលមួយនៅក្រុង Anand ត្រូវបានគេស្គាល់ថា ជា “ទីប្រជុំទឹកដោះ” របស់រដ្ឋ Gujarat នៅចុងបស្ចិមរបស់ឥណ្ឌា មានស្ដ្រីចំនួន ៥០នាក់ កំពុងពពោះជំនួសអ្នកដទៃ ដោយម្នាក់ៗ ទទួលបានប្រាក់ ៨ពាន់ដុល្លារអាមេរិក សម្រាប់ការពរពោះមួយលើក។ ស្ដ្រីម្នាក់ឈ្មោះ Manjula បង្ហើបឱ្យដឹងថា ៖ “សម្រាប់មនុស្សមិនធ្លាប់បានឃើញប្រាក់ច្រើនដូចខ្ញុំ វាគឺជាចំនួនទឹកប្រាក់ក្នុងសុបិន។<br /><br />នេះគឺជាលើកទីពីរហើយ ដែល Manjula អាយុ ៣០ឆ្នាំ បានបង្កើតកូនប្រុសមួយ ស្រីពីរ ជំនួសឱ្យអ្នកដទៃ ដើម្បីប្រាក់។ មុនពេលមកធ្វើជាស្ដ្រីស៊ីឈ្នួលពពោះ អ្នកស្រី និងស្វាមីធ្វើការរកប្រាក់បានត្រឹមតែ ២ដុល្លារប៉ុណ្ណោះក្នុងមួយថ្ងៃ។ អ្នកស្រីថ្លែងថា ៖ “កាលពីពេលពពោះដំបូង យើងធ្វើផ្ទះបានមួយខ្នង ចំណែកលើកនេះ ខ្ញុំនឹងយកប្រាក់នោះមកទុកឱ្យកូនបានរៀននឹងគេ និងអាចរកបានប្ដីល្អ” ។</p>
<p>ក្រុមគ្រូពេទ្យឯកទេស បានប្រែក្លាយឥណ្ឌា ទៅជាឋានសួគ៌សម្រាប់ប្ដីប្រពន្ធដែលចង់រកស្ដ្រីណាម្នាក់ ឱ្យជួយពពោះជំនួស។ នៅក្នុងផ្ទះជួលខាងលើ ក្រុមស្ដ្រីរបរស៊ីឈ្នួលពពោះ ត្រូវបានថែទាំដោយគ្រូពេទ្យ Nayana Patel ដោយអ្នកស្រីបានចាប់ផ្ដើមបង្កើតសេវាកម្មនេះ តាំងពីឆ្នាំ ២០០៣ បន្ទាប់ពីអ្នកស្រីបានជួយឱ្យអ្នកម្ដាយម្នាក់ពពោះជំនួសកូនស្រី ដែលក្រោយមកបានចៅភ្លោះ។<br /><br />អ្នកស្រីវេជ្ជបណ្ឌិត Nayana Patel ថ្លែងថា ៖ “ខ្ញុំបើកសេវាកម្មនេះ ព្រោះថា មិនមែនអ្នកណាក៏មានសំណាងនឹងមានអ្នកម្ដាយ បងស្រី ឬមិត្តល្អ ដែលត្រៀមខ្លួនជួយពពោះឱ្យពួកគេ។ តាំងពីឆ្នាំ ២០០៤ មកនេះ មជ្ឈមណ្ឌលរបស់ Nayana Patel បានបង្កើតកូនចំនួន ៧០០នាក់ ឱ្យប្ដីប្រពន្ធ ចំនួន ៥៨០គូ ។</p>
<p style="text-align: center;"><a class="thickbox" title="" href="/FileManager/Commons/2013/11/7/india1-07-11-2013--13-13-24.jpg"><img src="/FileManager/Articles/mce/2013/11/7/india1-07-11-2013--13-13-24.jpg" alt="" /></a></p>
<p>បច្ចុប្បន្ន ឥណ្ឌា បានកំណាត់ថា គូស្វាមី ភរិយា ដែលមានភេទដូចគ្នា និងអ្នកនៅលីវ មិនមានសិទ្ធិនឹងជួលឱ្យគេពពោះជំនួសនោះទេ។ សកម្មជនសិទ្ធិមនុស្សជាច្រើន ដូចជាអ្នកស្រី Ranjana Kumari នៃមណ្ឌលស្រាវជ្រាវសង្គមនៅក្រុង New Delhi បានចាត់ទុកថា បណ្ដាមជ្ឈមណ្ឌលផ្ដល់សេវាកម្មពពោះជំនួស គឺជាកន្លែងរំលោភសិទ្ធិស្ដ្រី។<br /><br />បើទោះជា នៅក្នុងបទសម្ភាសនៅលើទំព័រ CNN អ្នកស៊ីឈ្នួលពពោះនិយាយថា ពួកគេទទួលបាន ៨.០០០ ដុល្លារសម្រាប់ការបង្កើតកូនម្នាក់ ប៉ុន្ដែ អ្នកស្រី Kumari ថ្លែងថា តាមការស្រាវជ្រាវរបស់ក្រុមអ្នកស្រី បង្ហាញថា ស្ដ្រីទាំងនោះ ទទួលបានត្រឹមតែ ៨០០ដុល្លារប៉ុណ្ណោះ ទឹកប្រាក់ក្រៅពីនេះ គឺបានទៅលើ “ឈ្មួញកណ្ដាល។<br /><br />ការពិតយ៉ាងណានោះ គេនៅមិនទាន់បានដឹងច្បាស់ គេគ្រាន់តែបានដឹងថា ស្ដ្រីមួយចំនួន ដូចជាអ្នកស្រី Manjula និង Makwan បានសម្ដែងការអរគុណ ចំពោះម្ចាស់មជ្ឈមណ្ឌលដែលបានជួយឱ្យពួកគេរកប្រាក់ ដើម្បីផ្លាស់ប្ដូរជីវិត។</p>
<p> </p>
<p style="text-align: right;"> </p>
<p style="text-align: right;">ប្រែសម្រួលដោយ ៖ តារា<br />ប្រភព ៖ CNN/CF<br /><br /></p>