<p>ក្រុមអ្នកអង្កេតការណ៍នៃអង្គការសហប្រជាជាតិប្រចាំប្រទេសស៊ីរី ដឹកនាំដោយឧត្តមសេនីត្រី<br />Robert Mood ប្រកាសថា បានរកឃើញសាកសពជាង ៩២នាក់ ក្នុងនោះមានកុមារ ៣២នាក់ នៅក្នុងស្រុក Houla នៃខេត្តភាគខាងជើងក្រុង Homs កាលពីថ្ងៃទី ២៥ឧសភា។</p>
<p style="text-align: center;"><a class="thickbox" title="" href="/FileManager/Commons/2012/5/30/syria-30-05-2012--14-44-52.jpg"><img src="/FileManager/Articles/mce/2012/5/30/syria-30-05-2012--14-44-52.jpg" alt="" width="467" height="350" /></a></p>
<p style="text-align: center;"><em>សាកសពកុមារ ៣២នាក់ស្លាប់ដោយសារការបាញ់ប្រហារដ៏ឃោឃៅនៅស៊ីរី</em></p>
<p class="pBody">នេះគឺជាការវាយប្រហារដ៏បង្ហូរឈាមបំផុតក្នុងតំបន់ ចាប់តាំងពីស៊ីរីបានធ្លាក់ចូលក្នុងភាពវឹកវរ<br />តាំងពីខែមិនា ឆ្នាំ ២០១១។</p>
<p class="pBody">ក្រុមអ្នកអង្កេតករណ៍បានអោយដឹងថា ចំនួនអ្នកសា្លប់បានកើនដល់ ១១០នាក់ បន្ទាប់ពីមាន<br />ការបាញ់ប្រហារមួយរបស់ទាហានរដ្ឋាភិបាលស៊ីរី សំដៅទៅលើក្រុមបាតុករនៅ Houla កាល<br />ពីល្ងាចថ្ងៃទី ២៥ឧសភាកន្លងទៅ ក្នុងនោះជនរងគ្រោះមួយចំនួនស្លាប់ដោយសារគ្រាប់កាំភ្លើង<br />ធំ និងមួយចំនួនទៀតស្លាប់ដោយសារការវាយធ្វើបាប និងបាញ់ប្រហារ។ ជាក់ស្ដែង មានខ្សែ<br />វីដេអូខ្លីមួយបានបង្ហាញពីទិដ្ឋភាពនៃសាកសពរបស់កុមាររាប់សិបនាក់បានស្លាប់នៅក្នុងថ្លុក<br />ឈាម។</p>
<p><img class="oImage" style="display: block; margin-left: auto; margin-right: auto;" src="http://img2.news.zing.vn/2012/05/27/syria25c1a5.jpg" border="0" alt="" width="466" height="349" align="Middle" /></p>
<p class="pCaption" style="text-align: center;"><em>កុមារម្នាក់ត្រូវរងរបួសក្នុងការបាញ់ប្រហារ។ រូប ៖ AP</em></p>
<p class="pBody">លោក Mood បានអះអាងថា អំពើហឹង្សានឹងនាំអោយមានអស្ថេរភាពក្នុងសង្គម ហើយវាក៏<br />អាចនឹងបណ្ដាលអោយកើតសង្គ្រាមស៊ីវិលផងដែរ។ បើទោះជាលោក Mood មិនបានបញ្ជាក់<br />ថា អ្នកណាជាអ្នកនៅពីក្រោយខ្នងការបាញ់ប្រហារនេះ ប៉ុន្ដែវាគឺជាអំពើព្រៃផ្សៃដែលមិនគួរ<br />អោយកើតមានឡើង ជាពិសេសគឺការសម្លាប់កុមារ។</p>
<p class="pBody">អគ្គលេខាធិការនៃអង្គការសហប្រជាជាតិ លោក Ban Ki-moon និងលោក Kofi Annan បាន<br />ថ្កោលទោសចំពោះអំពើសាហាវនេះ ហើយថា នេះគឺជាការរំលោភច្បាប់អន្ដរជាតិ ក៏ដូចជាការ<br />សន្យាមិនប្រើប្រាស់អាវុធធុនធ្ងន់ ឬអំពើហឹង្សារបស់រដ្ឋាភិបាលស៊ីរី។</p>
<p class="pBody" style="text-align: center;"><a class="thickbox" title="" href="/FileManager/Commons/2012/5/30/syria%E1%9F%A1-30-05-2012--14-45-38.jpg"><img style="display: block; margin-left: auto; margin-right: auto;" src="/FileManager/Articles/mce/2012/5/30/syria%E1%9F%A1-30-05-2012--14-45-38.jpg" alt="" width="469" height="263" /></a><em>សាកសពត្រូវបានគេបញ្ចុះរួមគ្នា</em></p>
<p class="pBody">លោកស្រី រដ្ឋមន្ដ្រីការបរទេសអាមេរិក Hillary Clinton ក៏បានថ្កោលទោសចំពោះអំពើហឹង្សា<br />នេះ និងបានអោយដឹងថា អាមេរិកនឹងធ្វើការជាមួយសម្ព័ន្ធមិត្តអន្ដរជាតិដើម្បីបង្កើនសម្ពាធ<br />ទៅលើប្រធានាធិបតីស៊ីរី លោក Syria Bashar al-Assad។ ដូចគ្នានេះដែរ ប្រទេសអង់គ្លេស<br />បារាំង ក៏បានរិះគន់យ៉ាងខ្លាំងក្លាចំពោះភាពឃោឃៅដែលបានសម្លាប់កុមារជាង ៣២នាក់។</p>
<p class="pBody">គួរំឭកថា រហូតមកទល់នឹងពេលនេះ អំពើហឹង្សានៅស៊ីរី បានសម្លាប់មនុស្សយ៉ាងហោច ១០.០០០នាក់ នេះបើតាមរបាយការណ៍របស់អង្គការសហប្រជាជាតិ៕</p>
<p class="pBody" style="text-align: right;">ដោយ ៖ សូរីយ៉ា<br />ប្រភព ៖ Zing</p>