<p><span style="color: #000000;"><strong>ភ្នំពេញ៖</strong> នៅពេលដែលប្រិយមិត្តអ្នកអាន បានឃើញចំណងជើងថា «កែវ ស្រីនាង ក្លាយជាតារានាំស៊យប្រចាំភូមិ» លោកអ្នកពិតជា មានចម្ងល់ក្នុងចិត្ត និងគិតថា ហេតុអ្វីបានជា កែវ ស្រីនាង ដែលជាតារាសម្ដែងដ៏ល្បីម្នាក់ នាំស៊យដល់អ្នកដទៃក្នុងភូមិ? តើរឿងនេះជាការពិតដែរឬទេ? អ្វីដែលជាការពិត នឹងត្រូវបានលាតត្រដាងក្នុងពេលឆាប់ៗ ខាងមុខនេះ នៅពេលដែលរឿង «ក្រមុំសៅកែ» នឹងត្រូវបានចាក់បញ្ចាំងតាមបណ្ដា រោងភាពយន្តទំនើបនានា ក្នុងរាជធានីភ្នំពេញ ដើម្បីស្រាយចម្ងល់ថា ហេតុអ្វីបានជា កែវ ស្រីនាង ជាមនុស្សកំពូលស៊យ?</span></p>
<p><span style="color: #000000;">ក្នុងរឿង «ក្រមុំសៅកែ» អ្នកនាង កែវ ស្រីនាង បានទទួលតំណែងជាតួឯកស្រី និងជានារីស្រស់ស្អាតម្នាក់ ប្រចាំក្នុងភូមិ ដែលមានបុរសៗ តាមសុំស្នេហ៍ច្រើន ប៉ុន្តែខុសតែម្យ៉ាង សម្រាប់អ្នកនាង កែវ ស្រីនាង គឺឲ្យតែមានបុរសណាម្នាក់ មកតាមស្រទ្បាញ់ បុរសនោះនឹងត្រូវជួបគ្រោះថា្នក់គ្រប់ៗគ្នា បើមិនគ្រោះថ្នាក់ចរាចរណ៍ ក៏ត្រូវជួបគ្រោះថ្នាក់អ្វីផ្សេងដែរ ។</span></p>
<p><span style="color: #000000;">នេះជាលើកទី១ហើយ ដែលអ្នកនាង កែវ ស្រីនាង តារាល្បីប្រចាំព្រះរាជាណាចក្រកម្ពុជា ក្លាយខ្លួនជានារីកំពូលនាំស៊យ ដោយគ្មាននរណាហ៊ានចូលស្ដីដណ្ដឹង ធ្វើជាប្រពន្ធ រហូតមានអ្នកស្រុកអ្នកភូមិ ដាក់រហស្សនាមជា «ក្រមុំសៅកែប្រចាំភូមិ» ។</span></p>
<p><span style="color: #000000;">សូមបញ្ជាក់ថា រឿង «ក្រមុំសៅកែ» ដែលជាខ្សែភាពយន្តថ្មីមួយទៀត របស់ផលិតកម្មមហាហង្ស គ្រោងនឹងចាក់បញ្ចាំងជាផ្លូវការ ក្នុងពេលឆាប់ៗខាងមុខនេះ បន្ទាប់ពីទទួលបានជោគជ័យ ក្នុងការចាក់បញ្ចាំងរឿងជាច្រើននាពេលកន្លងមក ។ រឿង «ក្រមុំសៅកែ» ជាប្រភេទរឿង កាច់កុងឌឺដង ស្នេហាគ្រោតគ្រាត ផ្អែមត្រជាក់ ឈ្នានីស ភ័យរន្ធត់ កំប្លែង អស់សំណើច តាំងពីដើមរហូតដល់ចប់ ដែលនឹងធ្វើឲ្យអ្នកទស្សនា ប្លែកចម្លែកអារម្មណ៍ និងតាមដានយ៉ាងជក់ចិត្ត ។</span></p>
<p><span style="color: #000000;">ភាពយន្តរឿង «ក្រមុំសៅកែ» មានការចូលរួមសម្ដែងជាតួឯក ដោយអ្នកនាង កែវ ស្រីនាង និងលោក អូន ឧស្សាហ៍ ជាតួឯកប្រុស ។ ក្នុងនោះមានតួអង្គសំខាន់ៗច្រើនទៀតរួមមាន លោក អ៊ុន សុធា លោក សុវណ្ណ គិរី កញ្ញា អាង សុនីតា កញ្ញា ដួង ស្រីពេជ្រ លោក ប្រាក់ សារួន និងអ្នកស្រី ពៅ ថាវី ជាដើម ៕</span></p>
<p><span style="color: #000000;"><a class="thickbox" title="" href="/FileManager/Commons/2015/5/17/32-17-05-2015--15-26-30.jpg"><img src="/FileManager/Articles/mce/2015/5/17/32-17-05-2015--15-26-30.jpg" alt="" /></a></span></p>
<p><a class="thickbox" title="" href="/FileManager/Commons/2015/5/17/30-17-05-2015--15-26-37.jpg"><img src="/FileManager/Articles/mce/2015/5/17/30-17-05-2015--15-26-37.jpg" alt="" /></a></p>
<p><a class="thickbox" title="" href="/FileManager/Commons/2015/5/17/31-17-05-2015--15-26-43.jpg"><img src="/FileManager/Articles/mce/2015/5/17/31-17-05-2015--15-26-43.jpg" alt="" /></a></p>
<p><object width="502" height="430" data="http://www.youtube.com/v/ly9-mG_Ug04&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/ly9-mG_Ug04&rel=1" /></object><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>