<p class="font-null"><strong>ភ្នំពេញ៖</strong> គ្រោះថ្នាក់ចរាចរ មួយបង្កឡើង ដោយរថយន្តជនជាតិចិន បើកបុក និស្សិតផ្នែកគ្រប់ គ្រងឆ្នាំទី២ម្នាក់ ចំពីមុខ ពេញទំហឹងបោកនឹងកញ្ចក់ រថយន្តខ្ទាត ទៅបោកនឹងខឿនសួនច្បារ ស្លាប់នៅនឹងកន្លែងកើតហេតុ កាលពីវេលាម៉ោង២ និង៥០នាទីថ្ងៃទី០៣ មករា ២០១៤ ស្ថិតនៅ តាមបណ្តោយ ផ្លូវព្រះស៊ីសុវត្ថិ ក្នុងសង្កាត់ស្រះចក ខណ្ឌដូនពេញ ។</p>
<p class="font-null">នគរបាលប៉ុស្តិ៍ស្រះចក បានឱ្យដឹងថា ជនរងគ្រោះមាន ឈ្មោះ សួន សុវណ្ណារ៉ា ភេទប្រុស អាយុ ២២ឆ្នាំ ជានិស្សិតផ្នែកគ្រប់គ្រង ស្នាក់នៅផ្ទះជួល ក្នុងសង្កាត់ទួលសង្កែ ខណ្ឌប្ញស្សីកែវ មានស្រុក កំណើតនៅភូមិដីឥដ្ឋ ឃុំដីឥដ្ឋ ស្រុកកៀនស្វាយ ខេត្តកណ្តាល ។</p>
<p class="font-null">នគរបាលប៉ុស្តិ៍ស្រះចក បានបន្តទៀតថា ក្រោយពេលកើតហេតុ អ្នកបើកបរ រថយន្តបង្កបាន ព្យាយាមបើករត់គេច ទៅដល់មុខសេរ៉ាតោន តាមផ្លូវលេខ៤៧ សង្កាត់ស្រះចក ខណ្ឌដូនពេញ ទើបសមត្ថកិច្ចធ្វើការឃាត់ខ្លួនបានទាំងអ្នកបើកបរ និងរថយន្តតែម្តង ។</p>
<p class="font-null">សមត្ថកិច្ចបានឲ្យដឹងថា រថយន្តបង្ករបស់ ជនជាតិចិនខាងលើ ម៉ាកស៊ីលីកា ពណ៌ក្រហម ពាក់ ស្លាកលេខ ភ្នំពេញ 2Q-8228 បើកបរដោយបុរសជនជាតិចិន មានសភាពស្រវឹងជោក ដោយធ្វើ ដំណើរពីជើងទៅត្បូង ។ ចំណែកម៉ូតូរបស់ជនរងគ្រោះម៉ាកឃ្លីក ពណ៌ខ្មៅ ពាក់ស្លាកលេខ ភ្នំពេញ ១AJ-2824 ជិះម្នាក់ឯង។</p>
<p class="font-null">បច្ចុប្បន្នទាំងរថយន្ត និងម៉ូតូជនរងគ្រោះ ត្រួវសមត្ថកិច្ច យកទៅរក្សាទុក នៅនគរបាលចរាចរណ៍ ជើងគោក ដើម្បី រង់ចាំធ្វើការដោះស្រាយគ្នា ពេលក្រោយ ៕</p>
<p style="text-align: center;"><img src="http://image.dap-news.com:81/dap-news/dap-images/2014/january/id-011/Hong-0075.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/january/id-011/Hong-0076.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/january/id-011/Hong-0077.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/78625-2014-01-03-05-39-58.html"><span style="color: #0000ff;">ដើមអំពិល</span></a></p>