<div class="article-content">
<p><span style="color: #000000;"><strong>ភ្នំពេញ៖</strong> ក្នុងនាមជាអ្នក កាន់ព្រះពុទ្ធសាសនា ប្រជាពលរដ្ឋកម្ពុជា នៅថ្ងៃអង្គារ៍ ១រោច ខែភទ្របទ ព.ស ២៥៥៨ ដែលជាថ្ងៃដំបូង នៃការកាន់បិណ្ឌ បាននាំគ្នានាំយកចង្ហាន់ ទៅប្រគេនព្រះសង្ឃ នៅវត្តអារាម ដើម្បីឧទ្ទិសជូនដល់សាច់ញាតិ ដែលបានធ្វើកាលកិរិយា(ស្លាប់) កន្លងទៅ។</span></p>
<p><span style="color: #000000;">អ៊ំស្រីម្នាក់ ដែលសុំមិនបញ្ចេញឈ្មោះ មានទីលំនៅក្នុងរាជធានីភ្នំពេញ បានមានប្រសាសន៍ ប្រាប់មជ្ឈមណ្ឌលព័ត៌មាន ដើមអម្ពិល នៅថ្ងៃទី៩ ខែកញ្ញា ឆ្នាំ២០១៤ នេះថា ការធ្វើបុណ្យដាក់បិណ្ឌ និងការនាំយកចង្ហាន់ មកប្រគេនព្រះសង្ឃរយៈពេល ១៥ថ្ងៃនេះ គឺជាទំនៀមតាំងពីយូរណាស់មកហើយ តាំងពីសម័យពុទ្ធកាលមកម្ល៉េះ ហើយនៅប្រទេសកម្ពុជា នៅស្រុកណាក៏គេធ្វើដែរ ព្រោះទង្វើបែបនេះ នឹងផ្តល់ផលបុណ្យទៅដល់ញាតិមិត្តរបស់ខ្លួន ដែលបានចែកឋានទៅកាន់លោកខាងមុខ។</span></p>
<p><span style="color: #000000;">ឧបាសិការូបនេះ បានបន្តថា “ចាប់ពីថ្ងៃ១រោច ដែលជាថ្ងៃបិណ្ឌ១ហ្នឹង រហូតថ្ងៃបិណ្ឌ១៥ ដែលជាថ្ងៃភ្ជុំ តាំងពីដូនតាមក រហូតដល់កូនចៅជំនាន់ក្រោយហ្នឹងនាំគ្នាមកធ្វើបុណ្យនេះ។ ការធ្វើនេះដែរ ញាតិមិត្តដែលស្លាប់ទៅហ្នឹងក៏ពួកគាត់មកប្រាប់យើងដែរ តែជាទម្លាប់របស់ខ្មែរយើងហើយ”។</span></p>
<p><span style="color: #000000;">អ៊ំស្រី រំលឹកថា កាលពីសម័យ ប៉ុល ពត ដែលមានរយៈពេល ៣ឆ្នាំ ៨ខែ ២០ថ្ងៃ គឺពលរដ្ឋខ្មែរមិនបានធ្វើបុណ្យទេ ដោយសារពេលនោះ មនុស្សមានចិត្តសាហាវកាប់សម្លាប់គ្នា ហើយក៏មិនឲ្យមានព្រះសង្ឃនោះដែរ។</span></p>
<p><span style="color: #000000;">ចំណែកស្រ្តីវ័យចំណាស់ម្នាក់ទៀត ដែលបានទៅវត្ត នៅថ្ងៃទីកាន់បិណ្ឌទី១ បានឲ្យដឹងទាំងទឹកមុខរីករាយថា គាត់មកថ្ងៃដំបូងនេះ ដើម្បីដាក់បាត្រឧទ្ទិកុសល ដែលបងប្អូនញាតិទាំង៧សណ្តាន ដែលបានចែកឋានឲ្យពួកគាត់ មកទទួលផលពីកូនចៅ។</span><br /><span style="color: #000000;">នៅថ្ងៃទី១ គេសង្កេតឃើញថា នៅគ្រប់វត្តអារាមមានពុទ្ធបរិស័ទចំណុះជើងវត្តជាច្រើន បាននាំគ្នាទៅធ្វើបុណ្យនៅគ្រប់វត្ត ដោយបានរាប់បាត្រ ឧទ្ទិសកុសលដល់អ្នកស្លាប់៕</span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2014/September/id-014/that-0107.jpg" alt="Photo by DAP-News" width="500" /></span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2014/September/id-014/that-0108.jpg" alt="Photo by DAP-News" width="500" /></span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2014/September/id-014/that-0106.jpg" alt="Photo by DAP-News" width="500" /></span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2014/September/id-014/that-0109.jpg" alt="Photo by DAP-News" width="500" /></span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2014/September/id-014/that-0110.jpg" alt="Photo by DAP-News" width="500" /></span></p>
</div>
<p style="text-align: right;"><a href="http://www.dap-news.com/2011-06-14-02-39-55/94755-2014-09-09-05-25-32.html" target="_blank"><span style="color: #000000;">ផ្តល់សិទ្ធដោយ ៖ ដើមអម្ពិល</span></a></p>