<p><span style="color: #000000;"><strong>ភ្នំពេញ ៖</strong> ជនល្មោភកាមម្នាក់ ត្រូវបាន សន្ដិសុខនៅផ្សារស៊ីធីម៉ល បានរាយការណ៍ ជូនសមត្ថកិច្ចមូលដ្ឋានសង្កាត់វាលវង់ ខណ្ឌ ៧មករា ចុះមកចាប់ខ្លួន ដើម្បីមានវិធានការ តាមផ្លូវច្បាប់ ក្រោយពីជននេះ បានធ្វើសកម្ម ភាពប៉ុនប៉ងចាប់រំលោភនារីវ័យម្នាក់ ជាបុគ្គ លិកនៅរោងកុនអេវ៉ែន ក្នុងផ្សារស៊ីធីម៉ល ខណៈដែលនាងកំពុងចូលបន្ទប់ទឹក។</span></p>
<p><span style="color: #000000;">យោងតាមរបាយការណ៍របស់សមត្ថកិច្ច មូលដ្ឋានបានឱ្យដឹងថា ហេតុការណ៍នេះបាន កើតឡើងកាលពីម៉ោង១០និង០៥នាទីយប់ ថ្ងៃទី២ ខែវិច្ឆិកា ឆ្នាំ២០១៤ ស្ថិតនៅក្នុង បន្ទប់ទឹកជាន់ទី៣ ក្នុងផ្សារស៊ីធីម៉ល ផ្លូវលេខ ២១៧ ភូមិ៧ សង្កាត់វាលវង់ខណ្ឌ ៧មករា។</span></p>
<p><span style="color: #000000;">បើតាមសមត្ថកិច្ចបានឱ្យដឹងថា ជនល្មោភ កាម ដែលត្រូវចាប់ខ្លួនខាងលើនេះឈ្មោះ មាន សុលន់ អាយុ២៨ឆ្នាំ រស់នៅផ្ទះលេខ ១៦៥E3z ផ្លូវលេខ១៦៩ ភូមិ៤ សង្កាត់វាល វង់ ខណ្ឌ៧មករា មុខរបរនៅផ្ទះ ដោយឡែក នារីរងគ្រោះ ឈ្មោះល វ ស អាយុ២៣ឆ្នាំ រស់នៅសង្កាត់មនោរម្យ ខណ្ឌ៧មករា គឺជា បុគ្គលិករោងភាពយន្ដនៅក្នុងផ្សារនេះតែ ម្ដង។</span></p>
<p><span style="color: #000000;">តាមរបាយការណ៍របស់សមត្ថកិច្ចដដែល នៅវេលាម៉ោងកើតហេតុនោះ នារីរងគ្រោះ បានចេញពីកន្លែងធ្វើការ ហើយដើរចូលទៅ ក្នុងបន្ទប់ទឹក លុះពេលចូលទៅដល់បន្ទប់ទឹក ជនរងគ្រោះឱនលាងដៃនិងលុបមុខ ស្រាប់ តែជនសង្ស័យរូបនេះ មកឈរនៅខាងស្ដាំ។ ពេលនោះនារីរងគ្រោះ បានប្រាប់ថា នេះគឺ ជាបន្ទប់ទឹកស្រី ហើយបន្ទប់ទឹកប្រុសនៅខាង ណោះ ប៉ុន្ដែជនសង្ស័យ បានឆ្លើយប្រាប់ទៅ វិញថា ដឹងហើយថានេះជាបន្ទប់ទឹកស្រី ប៉ុន្ដែ ចង់និយាយលេងជា មួយ ព្រមទាំងនាំនារីរង គ្រោះចូលទៅក្នុងបន្ទប់ទឹក ហើយបម្រុង ចាប់រំលោភ ។ ភ្លាមៗនោះនារីរងគ្រោះបាន រត់ចេញមកក្រៅ ជួបអ្នកបោសសំអាតនៅ ក្នុងផ្សារ ហើយអ្នកបោស សំអាតយករឿង នេះទៅប្រាប់ សន្ដិសុខ ផ្សារ ក៏ទាក់ទងទៅ សមត្ថកិច្ចចុះមកឃាត់ខ្លួនតែម្ដង ។</span></p>
<p><span style="color: #000000;">បច្ចុប្បន្នជនល្មោភកាមរូបនេះ ត្រូវបាន ឃុំខ្លួនជាបណ្ដោះអាសន្ន នៅអធិការដ្ឋាននគរ បាលខណ្ឌ៧មករា ដើម្បីកសាងសំណុំរឿង បញ្ជូនទៅកាន់តុលាការ ចាត់ការតាមផ្លូវ ច្បាប់ ៕</span></p>
<p><span style="color: #000000;"><a class="thickbox" title="" href="/FileManager/Commons/2014/11/3/ho-1559-03-11-2014--16-18-43.jpg"><img src="/FileManager/Articles/mce/2014/11/3/ho-1559-03-11-2014--16-18-43.jpg" alt="" /></a></span></p>
<p style="text-align: right;"><br /><span style="color: #000000;"><a class="thickbox" title="" href="/FileManager/Commons/2014/11/3/ho-1559-03-11-2014--16-18-43.jpg"></a>ផ្ដល់សិទ្ធិដោយ៖ ដើមអម្ពិល</span></p>