<p><span style="color: #000000;"><strong>(ពោធិ៍សាត់)៖</strong> ដោយសារទឹកចិត្ត ស្រឡាញ់វិស័យកសិកម្ម និងមិនចង់ឃើញផលិតផលកសិកម្ម ក៏ត្រូវពឹងផ្អែកតែលើការនាំចូលពីបរទេស បានជំរុញឲ្យយុវជនម្នាក់ សម្រេចចិត្តបោះទុន នូវទឹកប្រាក់ប្រមាណ១០ម៉ឺនដុល្លារ ដាំដំណាំ Strawberry នៅស្រុកវាលវែង ខេត្តពោធិ៍សាត់។</span></p>
<p><span style="color: #000000;">បច្ចុប្បន្នដំណាំ Strawberry របស់យុវជន អ៊ូច សំបូរ ដែលជាកសិករវ័យក្មេង បានចាប់ផ្តើមប្រមូលផលបណ្តើរៗហើយ។</span></p>
<p><span style="color: #000000;">លោក អ៊ូច សំបូរ ដែលជាម្ចាស់ចំការ Strawberry បានប្រាប់ Fresh News ថា «ចំការ Strawberry របស់ខ្ញុំនេះ ក៏មានការសហការជាមួយ អ្នកជំនាញផ្នែកកសិកម្មម្នាក់ មកពីប្រទេសអេស្ប៉ាញផងដែរ ដោយចំណាយទុនប្រមាណ១០ម៉ឺនដុល្លារ។ ការដែលខ្ញុំជ្រើសរើសដំណាំ Strawberry នេះព្រោះថា Strawberry ជាដំណាំកម្រនៅក្នុងប្រទេសកម្ពុជា និងជាដំណាំមួយដែលប្រជាជនក្នុងស្រុក និងក្រៅស្រុកនិយមចូលចិត្ត»។</span></p>
<p><span style="color: #000000;">លោក អ៊ូច សំបូរ បានឲ្យដឹងថា លោកបាននាំចូលកូន Strawberry ពីប្រទេសអេស្ប៉ាញ មកដាំលើផ្ទៃដីចំនួនជិត២ហិកតា ដែលស្ថិតនៅភូមិអូសោម ឃុំអូសោម ស្រុកវាលវែង ខេត្តពោធិ៍សាត់ ដោយមានការចូលរួម ផ្ដល់យោបល់ពីសំណាក់ អ្នកជំនាញផ្នែកកសិកម្មជាច្រើនរូបផងដែរ។ មូលហេតុដែលលោកជ្រើសរើស យកខេត្តពោធិ៍សាត់ ដាំដំណាំ Strawberry ដោយសារពោធិ៍សាត់ជាខេត្តមួយ ដែលមានសីតុណ្ហភាពត្រជាក់ អំណោយផលចំពោះដំណាំ Strawberry ។</span></p>
<p><span style="color: #000000;">លោកបន្ដថា ក្រៅពីខេត្តពោធិ៍សាត់ នៅមានខេត្តជាច្រើនទៀត ដែលអាចដាំដំណាំ Strawberry បានរួមមាន ខេត្តមណ្ឌលគីរី ជាដើម។</span></p>
<p><span style="color: #000000;">លោកបន្ថែមថា «ពិតជាមានបញ្ហាប្រឈម ក្នុងការដាំដុះ Strawberry ដោយសារនៅកម្ពុជាជាប្រទេសដែលមាន អាកាសធាតុក្ដៅ ចំណែកដំណាំ Strawberry ត្រូវការអាកាសធាតុត្រជាក់ខ្លាំង។ មួយវិញទៀតប្រសិនបើមាន ភ្លៀងធ្លាក់ច្រើនពេក អាចបណ្ដាលឲ្យ ផ្លែ Strawberry មានសភាពជាំខ្មៅ ខូច។ ម្យ៉ាងទៀតបញ្ហាដែលប្រឈមខ្លាំង គឺបញ្ហាបច្ចេកទេសក្នុងការដាំដុះ និងការថែទាំ ព្រោះយើងមិនមានប្រើជាតិគីមី និងទាមទារឲ្យមានការថែទាំ យ៉ាងដិតដល់បំផុត»។</span></p>
<p><span style="color: #000000;">លោកបន្ដទៀតថា សម្រាប់តម្លៃ Strawberry គឺលក់ចេញពី១១-១៣ដុល្លារក្នុងមួយគីឡូ។</span></p>
<p><span style="color: #000000;">យ៉ាងណាក៏ដោយនេះ មិនមែនជាលើកទី១ទេ ដែលយុវជន អ៊ូច សំបូរ ដាំដំណាំ Strawberry។ កាលពីឆ្នាំទៅ លោក អ៊ូច សំបូរ ធ្លាប់បានដាំដំណាំ Strawberry ម្ដងរួចទៅហើយ តែដោយសារតែខ្វះបទពិសោធន៍ បញ្ហាអាកាសធាតុមិនល្អ ទើបទទួលបរាជ័យ។ ប៉ុន្តែការបរាជ័យនេះ មិនបានបំបាក់ទឹកចិត្តលោកឡើយ លោកនៅតែមានសង្ឃឹមយ៉ាងមុតមាំថា ដំណាំ Strawberry របស់លោកនឹងមានការទទួលគាំទ្រច្រើន ពីសំណាក់អតិថិជន។</span></p>
<p><span style="color: #000000;">លោក អ៊ូច សំបូរ បន្ដថា ចំការរបស់លោក មិនមែនមានតែដំាដំណាំ Strawberry មួយមុខនោះទេ គឺមានការដាំដំណាំផ្សេងទៀតរួមមាន ម្នាស់ ក្រូច ប៊ឺរផងដែរ។</span></p>
<p><span style="color: #000000;">លោកបានបន្ដទៀតថា ដំណាំ Strawberry ជាដំណាំដ៏កម្រមួយ ដូច្នេះនៅពេលដែលបង្កបង្កើនផល គឺមិនខ្វះទីផ្សារនោះឡើយ ព្រោះមានការនិយមចូលចិត្តច្រើន ពិសេសពីសំណាក់យុវវ័យ។</span></p>
<p><span style="color: #000000;">ជាមួយគ្នានេះផងដែរ លោក អ៊ូច សំបូរ ក៏បានលើកទឹកចិត្តដល់ប្រជាពលរដ្ឋខ្មែរ ឲ្យងាកមកប្រកបរបរដាំដំណាំ Strawberry ព្រោះថា ជាប្រភេទដំណាំដ៏កម្រ មួយនឹងអាចរកម្រៃបានច្រើន រួមទាំង អាចកាត់បន្ថយការនាំចូលពីក្រៅប្រទេសទៀតផង៕</span></p>
<p><span style="color: #000000;"><img src="http://image.freshnewsasia.com/2017/010/fn-2017-01-16-09-11-10-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-16-09-11-10-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-16-09-11-10-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-16-09-11-10-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-16-09-11-10-4.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>