CamNews

ប្រធានាធិបតីហ្វីលីពីន៖ យើងត្រូវការពេល ៦ខែទៀត, សង្គ្រាមគ្រឿងញៀននឹងបន្តរហូតដល់នៅសល់



<p><span style="color: #000000;"><strong>(ម៉ានីល)៖</strong>&nbsp;សង្គ្រាមគ្រឿងញៀននៅប្រទេសហ្វីលីពីន នៅមិនទាន់បង្ហាញសញ្ញាថា ចុះត្រជាក់នោះឡើយ បើទោះបីជាជនសង្ស័យ ៣,៥០០នាក់ត្រូវបានបាញ់សម្លាប់ ដោយកងកម្លាំងមានសមត្ថកិច្ច និង កងកម្លាំង មហាជនក៏ដោយ ក្នុងរយៈពេលជិត ៣ខែមកនេះ។ នេះបើតាមការចេញផ្សាយនៅមុននេះបន្តិច ដោយ Channel News Asia នាព្រឹកថ្ងៃចន្ទ ទី១៩ ខែកញ្ញា ឆ្នាំ២០១៦។</span></p> <p><br /><a class="thickbox" title="" href="/FileManager/Commons/2016/9/19/12-19-09-2016--10-46-18.jpg"><img src="/FileManager/Articles/mce/2016/9/19/12-19-09-2016--10-46-18.jpg" alt="" /></a></p> <p><span style="color: #000000;">នៅក្នុងសេចក្តីថ្លែងការណ៍មួយរបស់លោក Rodrigo Duterte ប្រធានាធិបតីហ្វីលីពីន នៅថ្ងៃអាទិត្យ លោកហាក់បានបង្ហាញការភ្ញាក់ផ្អើល និងទទួលស្គាល់ថា បញ្ហាគ្រឿងញៀនដែលកំពុងចរាចរណ៍នៅក្នុង ប្រទេសដីកោះមួយនេះ ពិតជាអាក្រក់លើសពីការរំពឹងទុករបស់លោកទៅទៀត ហើយលោកទើបដឹង រឿងនេះកាន់តែច្បាស់នៅពេលឡើងកាន់តំណែង ជាមេដឹកនាំប្រទេសជាតិមួយនេះតែម្តង។</span></p> <p><span style="color: #000000;">បុរសខ្លាំងដែលកំពុងទាក់ទាញការចាប់អារម្មណ៍បំផុត ពីក្រសែភ្នែកអន្តរជាតិទាំងមូលរូបនេះ និងក៏ធ្លាប់ជា អ្នកសាងជោគជ័យជាក់ស្តែង​ ក្នុងការបង្ក្រាបឧក្រិដ្ឋកម្មគ្រឿងញៀន នៅក្នុងស្រុកកំណើតរបស់ខ្លួនផ្ទាល់ គឺទីក្រុង Davao នោះបានលើកឡើងដូច្នេះថា &laquo;ខ្ញុំមិនដែលនឹកស្មានដល់សោះ ថាបញ្ហាគ្រឿងញៀនក្នុង សាធារណរដ្ឋមួយនេះ វាធ្ងន់ធ្ងរ និងអាក្រក់ដល់កម្រិតនេះ រហូតដល់ខ្ញុំបានក្លាយជាប្រធានាធិបតី។&raquo;</span></p> <p><span style="color: #000000;">លោក Duterte បានលើកឡើងថែមទៀត ដោយមិនរវល់នឹងការរិះគន់ ឬថ្កោលទោសពីស្ថាប័នសិទ្ធិ មនុស្ស UN ឬ សូម្បីសហរដ្ឋអាមេរិក ដូច្នេះថា&nbsp;<strong>&laquo;យើងត្រូវការអនុវត្តន៍អ្វីៗឲ្យទៅតាមលំដាប់។ សូមផ្តល់ឲ្យខ្ញុំនូវការពន្យាពេលបន្ថែមទៀត ប្រហែលជា ៦ខែទៀតប៉ុណ្ណោះ។ មនុស្សបន្ថែមទៀត នឹងត្រូវសម្លាប់ រហូតដល់នៅសល់តែឧក្រិដ្ឋជនចុងក្រោយមួយ ត្រូវបានសម្អាតចេញពីដងផ្លូវ&raquo;</strong>។</span></p> <p><span style="color: #000000;">គួរបញ្ជាក់ថា អ្វីដែលជារឿងធំជាងគេក្នុងចំណោមបញ្ហាគ្រឿងញៀន នៅហ្វីលីពីននោះ គឺការផលិត សារធាតុញៀន មេតំហ្វេតាមីន ដោយក្រុមឈ្មួញនៅក្នុងស្រុក ដែលវាជារឿងស្មុគស្មាញ និងពិបាកនៅក្នុង ការជីកឬសគល់ណាស់។ សម្រាប់សង្គ្រាមប្រឆាំងគ្រឿងញៀន និងឧក្រិដ្ឋកម្ម រយៈពេល ១០សប្តាហ៍មក នេះ បើគិតជាថ្ងៃវិញ គឺមួយថ្ងៃមានមនុស្សយ៉ាងហោចណាស់ ៤៧នាក់ត្រូវបានបាញ់សម្លាប់៕</span></p> <p>&nbsp;</p> <p style="text-align: right;"><span style="color: #000000;">ប្រភព ៖ CNA</span></p>