<p><span style="color: #000000;"><strong>(ប៉េកាំង)៖</strong> រដ្ឋាភិបាលចិន បានបញ្ជាក់ថា ប្រទេសខ្លួនបានរកឃើញអ្នកជំងឺទីពីរ ដែលផ្ទុកវីរ៉ុស Zika បន្ទាប់ពីជនរងគ្រោះដំបូង ដែលផ្ទុកវីរ៉ុសនេះ ត្រូវបានបញ្ជូនចេញពីមន្ទីរពេទ្យ នេះបើតាមទីភ្នាក់ងារព័ត៌មានចិនស៊ិនហួ ចេញផ្សាយនៅថ្ងៃទី១៥ ខែកុម្ភៈ ឆ្នាំ២០១៦នេះ។</span></p>
<p><span style="color: #000000;">មានជាច្រើនករណីនៃជំងឺ ដែលកើតចេញពីសត្វមូសនេះ ត្រូវបានរាយការណ៍ថា បានកើតឡើងនៅក្នុងតំបន់អាស៊ី ប៉ុន្តែអង្គការសុខភាពពិភពលោក បានប្រកាសជាគ្រោះអាសន្នសុខភាពពិភពលោក ខណៈករណីនេះបានរីករាលដាលស្ទើរគ្រប់កន្លែង។</span></p>
<p><span style="color: #000000;">ទីក្រុងប៉េកាំង បានអះអាងថា ខ្លួនបានទទួលរងករណីវីរ៉ុស Zika ជាលើកដំបូង កាលពីថ្ងៃទី០៩ ខែកុម្ភៈ។ ក្រុមមន្ត្រីសុខាភិបាល បានឲ្យដឹងថា បុរសម្នាក់វ័យ៣៤ឆ្នាំ ត្រូវបានធ្វើរោគវិនិច្ឆ័យ រកឃើញវីរ៉ុស Zika បន្ទាប់ពីលោកបានត្រឡប់មកពីប្រទេសវេណេស៊ុយអេឡា កាលពីថ្ងៃទី២៨ ខែមករា ដោយមានជំងឺផ្តាសាយ, ឈឺក្បាល និងវិលមុខ ហើយត្រូវបានបញ្ជូនទៅព្យាបាលនៅមន្ទីរពេទ្យមួយ ក្នុងខេត្ត Jiangxi ដោយបានជាសះស្បើយវិញយ៉ាងពេញលេញ កាលពីថ្ងៃអាទិត្យ។</span></p>
<p><span style="color: #000000;">ប្រភពខាងលើបានបញ្ជាក់ថា មានករណីទីពីរនៃវីរ៉ុសនេះ ប៉ុន្តែមិនបានផ្តល់ព័ត៌មានលម្អិតនៅឡើយទេ។ សូមជម្រាបថា ប្រេស៊ីល ជាប្រទេសមួយ ដែលរងការប៉ះពាល់ច្រើនជាងគេបំផុត ដែរវាបានរីករាលដាលយ៉ាងខ្លាំង នៅទូទាំងតំបន់អាមេរិកឡាទីន និងការ៉ាប៊ីន ជាមួយនឹងមនុស្ស ១,៥លាននាក់ បានរងផលប៉ះពាល់នៅក្នុងប្រទេសនេះ ចាប់តាំងពីដើមឆ្នាំ២០១៥៕</span></p>
<p><span style="color: #000000;"><a class="thickbox" title="" href="/FileManager/Commons/2016/2/16/14-16-02-2016--14-11-00.jpg"><img src="/FileManager/Articles/mce/2016/2/16/14-16-02-2016--14-11-00.jpg" alt="" /></a></span></p>
<p style="text-align: right;"><span style="color: #000000;">ប្រភព ៖</span><span style="color: #000000;"> CNA និង ស៊ីនហួរ<br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>