<p><span style="color: #000000;"><strong>(ខាឌីប)៖</strong> ប្រពន្ធ-កូន មិត្តស្រី និងសមាជិកគ្រួសារ ត្រូវបានគេហាមឃាត់ក្នុងព្រឹត្តិការណ៍បាល់ទាត់ជើងឯកប្រចាំទ្វីប អឺរ៉ុប UEFA Euro 2016 នៅប្រទេសបារាំងនាពេលខាងមុខនេះ សម្រាប់ក្រុមជម្រើសជាតិវ៉េល នេះបើតាមការបញ្ជាក់ឲ្យដឹងពីលោក Chris Coleman ថ្លែងប្រាប់សារព័ត៌មាន BBC ។</span></p>
<p><span style="color: #000000;">លោក Coleman បានបញ្ជាក់ថា “យើងលេង៣ប្រកួតក្នុងរយៈពេល១០ថ្ងៃនៅទីនោះ ដូច្នេះវាគ្មានពេលដើម្បីធ្វើរឿងផ្សេងនោះឡើយ សូម្បីមកកាន់សណ្ឋាគារ ក៏ស្ទើរតែគ្មានពេលដែរ ព្រោះថានេះជាលើកទី១ ក្នុងដែលជម្រើសជាតិវ៉េល បានលេងក្នុងព្រឹត្តិការណ៍នេះ ចាប់តាំងពីឆ្នាំ១៩៥៨មក ក្នុង World Cup” ។</span></p>
<p><span style="color: #000000;">ទន្ទឹមនឹងនោះដែរ ពិធីការិនីទូរទស្សន៍ Sky Sports នាង Charlotte Coleman ក៏មិនបានអនុញ្ញាតឲ្យទៅយកព័ត៌មានក្នុងយុទ្ធនាការដែលមានរយៈពេល៤ឆ្នាំម្តង ផងដែរ គ្រាដែលកីឡាករគ្រប់រូបមានរយៈពេល៦ថ្ងៃ ដើម្បីជួបជុំគ្រួសារ ក្រោយពេលបញ្ចប់ការប្រកួតជម្រុះក្នុងពូលទល់នឹងក្រុមជម្រើសជាតិអង់គ្លេស រុស្ស៊ី និងស្លូវ៉ាគី ។</span></p>
<p><span style="color: #000000;">ការសម្រេចមិនឲ្យកីឡាករពាក់ព័ន្ធពាក់ព័ន្ធនឹងគ្រួសារ ច្បាស់ជាប៉ះពាល់សម្រាប់កីឡាករខ្សែប្រយុទ្ធ Gareth Bale ដែលនឹងប្រសូត្របុត្រដំបូងរបស់គេជាមួយ នឹងភរិយា Emma Rhys-Jones ក្នុងពេលអំឡុងប្រកួត តែលោក Coleman ក៏មានគម្រោងលុបចោលពិធីខួបកំណើតគម្រប់ខួប៤៦ឆ្នាំរបស់គាត់ផងដែរ ដែលជម្រើសជាតិវ៉េល ត្រូវជួបប្រកួតទល់នឹងស្លូវ៉ាគី នារាត្រីថ្ងៃទី១១ ខែមិថុនា ឆ្នាំ២០១៦ ។</span></p>
<p><span style="color: #000000;">មុនចាប់ផ្តើមលេង Euro 2016 នៅប្រទេសនាថ្ងៃទី១០ មិថុនា ដល់ថ្ងៃទី១០ ខែកក្កដា ឆ្នាំ២០១៦ ខាងមុខ វ៉េល ក៏ត្រូវប្រកួតមិត្តភាពអន្តរជាតិទល់នឹងជម្រើស ជាតិស្លូវ៉ាគី ថ្ងៃទី២៤ ខែមីនា មុនធ្វើដំណើរទៅជួបម្ចាស់ផ្ទះអ៊ុយក្រែន នៅ៤ថ្ងៃបន្ទាប់ ៕</span></p>
<p><span style="color: #000000;"><img src="http://aitonline.tv/pix/NewsImages/11261.jpg" alt="" width="730" /></span></p>
<p><span style="color: #000000;"><img src="http://ichef.bbci.co.uk/onesport/cps/800/cpsprodpb/12DDE/production/_88887277_rexfeatures_4610521ak.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2015/07/09/10/221E2B5600000578-3154582-image-a-11_1436432854710.jpg" alt="" width="730" /></span></p>
<p><span style="color: #000000;"><img src="http://a.fssta.com/content/dam/fsdigital/fscom/Soccer/images/2014/10/10/101014-SOCCER-wales-gareth-bale-miralem-pjanic-LN-PI.vresize.1200.675.high.60.jpg" alt="" width="730" /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>