<div class="article-content">
<p><strong>ភ្នំពេញ ៖</strong> នារីវ័យក្មេងសាច់សខ្ចីម្នាក់ សង្ស័យកើតជំងឺ វិកលចរិត បានលោតពីលើផ្ទះជាន់ទី៣ ស្ថិតនៅ លើ គ្លីនិកធ្មេញឯកទេស តាមបណ្តោយផ្លូវលេខ៣១០ សង្កាត់ទួលស្វាយព្រៃទី១ ខណ្ឌចំការមន បណ្តាលឲ្យរងរបួសធ្ងន់ នាវេលាម៉ោង ៩ព្រឹក ថ្ងៃទី២៣ ខែមិថុនា ឆ្នាំ២០១៤នេះ ។</p>
<p>នារីរងគ្រោះ ឈ្មោះ ហៀង អាយុជាង ២០ឆ្នាំ មុខមាត់ស្អាតបាត និងមានសម្បុរសថែមទៀតនោះ ត្រូវ បានក្រុមគ្រួសារ ដឹកបញ្ជូនតាមម៉ូតូកង់បី ទៅសង្រ្គោះភ្លាមៗ នៅមន្ទីរពេទ្យ តែគេមិនទាន់ដឹងស្ថានភាព រងគ្រោះធ្ងន់ធ្ងរកម្រិតណានោះទេ ។</p>
<p>សាក្សីនៅកន្លែងកើតហេតុ បានឲ្យដឹងថា ការលោតពីលើផ្ទះនេះ របស់នារីរងគ្រោះ សង្ស័យបណ្តាល មកពី អាការៈជំងឺវិកលចរិតប្រចាំកាយរបស់នាង ។</p>
<p>នារីរងគ្រោះបានកើតជំងឺវិកលចរិតជាច្រើនឆ្នាំមកហើយ ពេលខ្លះនារីរងគ្រោះ បានរត់ចេញពីផ្ទះ ដូចជា មានសភាពភ័យខ្លាចហ្នឹងអ្វីមួយ ហើយគ្រួសារក៏នាំគ្នារត់ទៅចាប់។ ជាមួយអាការៈបែបនេះ ក្រុមគ្រួសារ តែងតែងមានការប្រុងប្រយ័ត្នជាខ្លាំង ក្នុងការរស់នៅប្រចាំថ្ងៃរបស់នាង ព្រោះពេលជំងឺធ្វើទុក្ខម្តងៗ នារី រងគ្រោះ តែងតែធ្វើអ្វីប្លែកៗ មិនអាចស្មានទុកជាមុនបាន ៕</p>
<p style="text-align: center;"><img src="http://image.dap-news.com:81/dap-news/dap-images/2014/June/id-015/T-0579.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2014/June/id-015/T-0580.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/June/id-015/T-0581.jpg" alt="" width="500" /></p>
</div>
<p style="text-align: right;"><a href="http://www.dap-news.com/2011-06-14-02-39-55/89068-2014-06-23-02-28-52.html" target="_blank">ផ្តល់សិទ្ធដោយ ៖ ដើមអម្ពិល</a></p>