<p><span style="color: #000000;"><strong>ភ្នំពេញ៖</strong> តារាសម្តែង និងជាពិធីករ ក្នុងកម្មវិធី «ស្នេហ៍អាថ៌កំបាំង»លោក វីជេ រតនា កាលពីថ្ងៃម្សិលមិញ នេះ បានសម្ងំរៀបចំកម្មវិធីចូលស្តីដណ្តឹង គូស្នេហ៍រូបស្អាត នាង លឹម លីហ្សា តាមប្រពៃណីខ្មែរ ដើម្បីបង្ហាញពីទំហំទឹកចិត្តស្រឡាញ់គូស្នេហ៍ មិនប្រែចិត្ត និងគន់គូរកថ្ងៃចូលរោងការ សាងសុភមង្គល ទៅថ្ងៃអនាគត។</span></p>
<p><span style="color: #000000;">បន្ទាប់ពីតារាសម្តែងប្រុស វីជេ រតនា បានជួបស្នេហ៍ប្រះស្រាំ ជាមួយអតីតគូស្នេហ៍រួចមក លោកក៏បានស្រវ៉ាយកនារីរូបស្អាត នាង លឹម លីហ្សា ជាគូស្នេហ៍ព្យាបាលដំបៅបេះដូង ដោយមួយរយៈ ដែលពួកគេទាក់ទងគ្នា គេឃើញមានទាំងភាពផ្អែមល្ហែម មានទាំងការរិះគន់ ដោយមានអ្នកខ្លះគិតថា ចំណងស្នេហ៍មួយនេះ មិនអាចនៅឋិតថេរបាន យូរអង្វែងថែមទៀតផង ។ ប៉ុន្តែនៅទីបំផុត តារាប្រុសរូបសង្ហាម្នាក់នេះ បានធ្វើឲ្យអ្នករិះគន់ និងអ្នកគាំទ្រ លោកបានភ្លឺភ្នែក និងភ្ញាក់ផ្អើលយ៉ាងខ្លាំង នៅពេលដែលនៅសុខៗលោក និងគូស្នេហ៍ បានរំលេចរូបថតអង្គុយ សំពះផ្ទឹម ក្នុងថ្ងៃចូលស្តីដណ្តឹង (ភ្ជាប់ពាក្យ) តាមប្រពៃណី ដោយមានវត្តមានចាស់ទុំទាំងសង និងជំនូន មាននំមានផ្លែឈើផងដែរ ។</span></p>
<p><span style="color: #000000;">នៅក្នុងនោះ ក្រោយពីគូស្នេហ៍មួយគូនេះ បានភ្ជាប់ពាក្យជាមួយគ្នាហើយ ក៏ដោយតារាប្រុសដែលកំពុងតែឈោងចាប់ប្រជាប្រិយភាព វីជេ រតនា ក៏បានទម្លាយប្រាប់ថា «បន្ទាប់ពីខ្ញុំទាំងពីរនាក់ បានភ្ជាប់ហើយ នៅក្នុងពេលឆាប់ៗដ៏ខ្លីខាងមុខនេះ ខ្ញុំទាំងពីរនាក់នេះនឹងចូលរោងការហើយ…»។</span></p>
<p><span style="color: #000000;">សូមជម្រាបផងដែរថា មុនពេលដែល វីជេ រតនា មកបង្កាត់ភ្លើងស្នេហ៍ ជាមួយគូដណ្តឹង គឺលោកធ្លាប់បានជួបស្នេហាព្រាត់ប្រាស ជាមួយអតីតគូស្នេហ៍វ័យក្មេង តារាចម្រៀង នាង សន នាងផល្លីកា ម្តងមកហើយ ក្រោយពីលោកនិងអតីតគូស្នេហ៍ បានសាងស្នេហ៍ផ្អែមល្ហែម រស់នៅក្រោមដំបូលផ្ទះតែមួយ ជាមួយគ្នាអស់ពេលច្រើនឆ្នាំមក។ តែស្នេហាមួយនេះបានបែកបាក់ទៅវិញ ដោយសារតែមានអ្នកទី៣ ចូលជ្រៀតជ្រែកស្នេហ៍ ទើបចែកផ្លូវគ្នាដើររៀងខ្លួន៕</span></p>
<p><span style="color: #000000;"><a class="thickbox" title="" href="/FileManager/Commons/2015/8/10/50-10-08-2015--16-51-35.jpg"><img src="/FileManager/Articles/mce/2015/8/10/50-10-08-2015--16-51-35.jpg" alt="" /></a></span></p>
<p><a class="thickbox" title="" href="/FileManager/Commons/2015/8/10/51-10-08-2015--16-51-42.jpg"><img src="/FileManager/Articles/mce/2015/8/10/51-10-08-2015--16-51-42.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/8/10/50-10-08-2015--16-51-35.jpg"></a></span></p>
<p><a class="thickbox" title="" href="/FileManager/Commons/2015/8/10/52-10-08-2015--16-51-50.jpg"><img src="/FileManager/Articles/mce/2015/8/10/52-10-08-2015--16-51-50.jpg" alt="" /></a></p>
<p><a class="thickbox" title="" href="/FileManager/Commons/2015/8/10/53-10-08-2015--16-51-58.jpg"><img src="/FileManager/Articles/mce/2015/8/10/53-10-08-2015--16-51-58.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>