<div class="article-content">
<p><strong>កណ្តាល ៖</strong> យុវជនម្នាក់ ជាអ្នកអូសរទេះស៊ីម៉ងត៍លាយរួច យកមកចាក់ធ្នឹម ធ្វើអគារអូសរទេះ <br />ប៉ះខ្សែភ្លើង ដែល រលាតនៅក្នុងការដ្ឋាន ឆក់ស្លាប់ភ្លាមៗនៅនឹងកន្លែង ។ ហេតុការណ៍នេះ កើត<br />ឡើង កាលពីវេលាម៉ោង ៨ និង ៣០នាទី ថ្ងៃទី១៥ ខែមិថុនា ឆ្នាំ២០១៣ ស្ថិតនៅក្នុងការដ្ឋាន<br />សំណង់ ភូមិត្រពាំងក្រសាំង ឃុំបែកចាន ស្រុកអង្គ ស្នួល ខេត្តកណ្តាល ។</p>
<p>នគរបាលបានឲ្យដឹងថា ជនរងគ្រោះមានឈ្មោះ ហឿន ហម ភេទប្រុស អាយុ ១៧ ឆ្នាំ រស់នៅ<br />ភូមិត្រពាំងឈូក ស្រុកឈូក ខេត្តកំពត ស្នាក់នៅក្នុងកម្មករសំណង់ ខាងលើ ។</p>
<p>លោក មាន សំណាង អធិការនគរបាល ស្រុកអង្គស្នួលបានឲ្យដឹងថា មុនពេលកើតហេតុ ជនរង<br />គ្រោះ បានអូស រទេះជញ្ជូនស៊ីម៉ងត៍ លាយរួចជាស្រេច ដើម្បីយកឲ្យ អ្នកចាក់បេតុងធ្នឹម ពេល<br />ដែលយកទៅរួចត្រឡប់មកវិញ មក ដល់កន្លែងខ្សែភ្លើងរលាត ជនរងគ្រោះបានបំបះរទេះឡើង<br />លើ ក៏ជ្រុលទៅប៉ះដល់ខ្សែភ្លើង បណ្តាលឲ្យ ឆ្លង ចរន្តឆក់ ស្លាប់តែម្តងទៅ ភ្លាមៗនោះ លោកបាន<br />បញ្ជាឲ្យកម្លាំងក្រោមឱវាទ របស់លោកចុះទៅធ្វើកោសល្យវិច្ឆ័យ រួចហើយ ប្រគល់សពទៅឲ្យក្រុម<br />គ្រួសារ យកទៅធ្វើបុណ្យ តាមប្រពៃណី ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-015/T-0361.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>