<p>ស្ទើរតែមិនគួរអោយជឿ ៖ ក្មេងប្រុសតូចវ័យទើបតែ ៦ ឆ្នាំ ត្រូវ បាន រកអោយឃើញថា គេពិតជាមាន សំណាងខ្ពស់ជាខ្លាំង ពោល បានរួចផុតពីការស្លាប់បាត់បង់ជីវិត ដ៏អច្ឆរិយៈបំផុត ដោយ រស់រាន មាន ជីវិតដដែល បើទោះជាត្រូវឡាន បើកកិន ពីលើក៏ដោយចុះ កាលពីថ្ងៃពុធ កន្លង ទៅនេះ នៅឯទីក្រុង Jining នាខេត្ត Shandong ភាគខាងកើតប្រទេសចិន ។</p>
<p>របាយការណ៍ បញ្ជាក់បានថា ហេតុការណ៍គ្រោះថ្នាក់ រថយន្តពណ៌ក្រហម បើកកិនក្មេងប្រុសតូចវ័យ ទើបតែ ៦ ឆ្នាំ ស្រស់ៗយ៉ាងដូច្នេះ បានកើតឡើង នៅវេលាម៉ោង ១០ និង ៥១ នាទីព្រឹក ម៉ោងនៅក្នុង ប្រទេសចិន នៅឯទីធ្លាមុខផ្ទះ ផ្នែកម្ខាងនៃចំណីផ្លូវ ខណៈក្មេងប្រុសតូច កំពុងតែអង្គុយលេង Lego។</p>
<p>អ្វីដែលមិននឹកស្មានដល់នោះគឺថា ក្រោយពីកើតមាន ឡើង នូវគ្រោះថ្នាក់ ក្មេងប្រុសតូច បានងើបរត់ ធ្វើព្រងើយ ជាជាង ការស្លាប់បាត់បង់ជីវិតនៅកន្លែង ។ សេចក្តីរាយការណ៍ បញ្ជា ក់ថា ភ្លាមៗនោះ ក្មេងប្រុសដែលជាជនរងគ្រោះ ត្រូវបានក្រុមគ្រួសារ ចាប់បញ្ជូនទៅមន្ទីរពេទ្យខណៈគេទទួលរងរបួស ស្រាលតែប៉ុណ្ណោះ ។</p>
<p>សម្តីជីតា ជនរងគ្រោះ ក៏ដូចជា សមាជិក ក្រុមគ្រួសារ ក្រោយពីបានមើលខ្សែ អាថ៍វីដេអូ ពួកគេ ពិត ជាមានភាពភ័យរន្ធត់ជាខ្លាំង ខណៈលាន់មាត់អោយដឹងថា គេពិតជាសំណាងជាខ្លាំង ។ ដោយឡែក មន្រ្តីប៉ូលីសចរាចរណ៍ ក៏បានពន្យល់ ពីមូលហេតុ ដែលនាំអោយគេ នៅមានជីវិត ក៏ដោយសារតែ រថ យន្តមិនមានសភាព ទាបខ្លាំង ខណៈពេលដែល ក្មេងប្រុស គេនៅមានមាឌតូច នៅ ឡើយ និងម្យ៉ាង វិញទៀត គេត្រូវកិនពីក្រោមឡានចន្លោះ កង់ទាំងពីរ ទាំងអស់នេះហើយ ដែល ជា កត្តា នាំអោយគេ នៅរស់រានមានជីវិត ស្ទើរតែមិនគួរអោយជឿ យ៉ាងដូច្នេះ ៕</p>
<p><object width="493" height="422" data="http://www.youtube.com/v/RT9YDBShzZs&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/RT9YDBShzZs&rel=1" /></object></p>
<p style="text-align: right;"><br />ប្រែសម្រួល ៖ កុសល<br />ប្រភព ៖ ឥណ្ឌាធីវីញូវ</p>