<div class="article-content">
<p><span style="color: #000000;"><strong>ភ្នំពេញ៖</strong> ឆ្លើយតបនឹងការលើកឡើងអំពីថវិការបស់ កញ្ញា ស៊ន សៀវម៉ី បែងចែកទៅមន្ទីរពេទ្យគន្ធបុប្ផា ២០% និង កាកបាទក្រហមកម្ពុជា ២០%នោះ ត្រូវបានមន្រ្តីជាន់ខ្ពស់ គណៈកម្មាធិការជាតិអូឡាំពិកកម្ពុជា បញ្ជាក់ឡើងវិញថា ថវិកា បែងចែកទៅមន្ទីរពេទ្យគន្ធបុប្ផា ២០% និង កាកបាទក្រហមកម្ពុជា ២០% នោះ គឺជាថវិកាកើតចេញមូលនិធិរបស់នាង ដែលនឹងបង្កើតឡើងនៅពេលខាងមុខឆាប់ៗនេះ។</span></p>
<p><span style="color: #000000;">មន្រ្តីដដែលរូបនោះ បានបញ្ជាក់បន្តថា បន្ទាប់ពីទទួលបានថវិកា ពីសប្បុរសជនឧបត្ថម្ភចូលមូលនិធិ កីឡាការិនីតៃក្វាន់ដូ ស៊ន សៀវម៉ី នឹងយកទៅបែងចែកជូនដល់ មន្ទីរពេទ្យគន្ធបុប្ផា ២០% និង កាកបាទក្រហមកម្ពុជា ២០% មិនមែនថវិការបស់នាង ដែលទទួលបានពីរដ្ឋាភិបាល និងសម្តេច ហ៊ុន សែន ព្រមទាំងបណ្តាក្រុមហ៊ុនជាច្រើនទៀតនោះទេ។</span></p>
<p><span style="color: #000000;">គួរបញ្ជាក់ថា ម្ចាស់មេដាយមាសនៅ Asian Games របស់កម្ពុជាកញ្ញា ស៊ន សៀវម៉ី បានទទួលប្រាក់រង្វាន់ជាបន្តបន្ទាប់ ពីក្រុមហ៊ុននានា ក្រោយពីទទួលបានទឹកប្រាក់រង្វាន់ ប្រមាណជិត ៤ម៉ឺនដុល្លារពីរាជរដ្ឋាភិបាលរួចមក។</span></p>
<p><span style="color: #000000;">នៅព្រឹកថ្ងៃទី០៦ ខែតុលាម្សិលមិញ ក្រុមហ៊ុន និងសប្បុរសជនជាច្រើន បានប្រគល់រង្វាន់ដល់កីឡាការិនីខាងលើ ក្នុងនោះរួមមាន ក្រុមហ៊ុនស្រាបៀរ Angkor សម្រេចប្រគល់ទឹកប្រាក់ចំនួន ១ម៉ឺនដុល្លារដល់កីឡាការិនី ស៊ន សៀវម៉ី និង ពេទ្យធ្មេញ Master Care ៥ពាន់ដុល្លារ និងប្រធានក្លឹបបាល់ទាត់ស្វាយរៀង ផ្តល់ទូរស័ព្ទ iPhone 6 មួយគ្រឿង អភិបាលរងខេត្តប៉ៃលិន អៀ វុធ ផ្តល់ ១ម៉ឺនបាត និង ឧកញ៉ា លឹម ប៉ុណ្ណា (ខេត្តកំពង់ចាម) ៥ពាន់ដុល្លារ ក្រុមហ៊ុន Naga World នឹងរៀបចំប្រគល់នៅពេលក្រោយ ៕</span></p>
<p><a class="thickbox" title="" href="/FileManager/Commons/2014/10/8/piseth-002-08-10-2014--11-50-18.jpg"><img src="/FileManager/Articles/mce/2014/10/8/piseth-002-08-10-2014--11-50-18.jpg" alt="" /></a></p>
<p><a class="thickbox" title="" href="/FileManager/Commons/2014/10/8/piseth-002-08-10-2014--11-50-18.jpg"></a><br /><a class="thickbox" title="" href="/FileManager/Commons/2014/10/8/hong-0095-08-10-2014--11-50-29.jpg"><img src="/FileManager/Articles/mce/2014/10/8/hong-0095-08-10-2014--11-50-29.jpg" alt="" /></a></p>
<p><a class="thickbox" title="" href="/FileManager/Commons/2014/10/8/hong-0095-08-10-2014--11-50-29.jpg"></a><br /><a class="thickbox" title="" href="/FileManager/Commons/2014/10/8/that-0035-08-10-2014--11-50-54.jpg"><img src="/FileManager/Articles/mce/2014/10/8/that-0035-08-10-2014--11-50-54.jpg" alt="" /></a></p>
<p> </p>
<p> </p>
</div>
<p style="text-align: right;"><span class="article_separator" style="color: #000000;"> ផ្ដល់សិទ្ធិដោយ៖ ដើមអម្ពិល</span></p>