<div class="article-content">
<p><strong>ភ្នំពេញ ៖</strong> អនុប្រធានទីស្នាក់ការអាវុធ ហត្ថ ពាក់ស័ក្ដិ៣ម្នាក់ បានដាច់ចិត្ដបាញ់ សម្លាប់ខ្លួនឯង បញ្ចប់ជីវិត ក្នុងវ័យ ៣៥ឆ្នាំ មុខស្រីស្នេហ៍របស់ខ្លួន ក្រោយពីមន្ដ្រីអាវុធ ហត្ថរូបនេះ មានវិបត្ដិក្នុងគ្រួសាររហូតដល់ ចង់លែងលះជាមួយប្រពន្ធទៀតផង ។</p>
<p>ជនរងគ្រោះបានបាញ់ សម្លាប់បំបែកក្បាល ខ្លួនឯងពីឆ្វេងទៅស្ដាំ បានបង្កឱ្យមានការ ភ្ញាក់ផ្អើលនិងតក់ ស្លុត បំផុត កាលពីវេលា ម៉ោង១និង១៥នាទី យប់រំលងអាធ្រាត្រឈាន ចូលថ្ងៃទី២៣ ខែមិថុនា ឆ្នាំ២០១៤ ស្ថិតនៅ ក្នុងផ្ទះសំណាក់ហេងមហាសាល តាមបណ្ដោយ ផ្លូវជាតិលេខ៦អា ភូមិកៀនឃ្លាំង សង្កាត់ ព្រែកលៀប ខណ្ឌជ្រោយចង្វារ ក្រោយពីជន រងគ្រោះបានដឹកនារីម្នាក់ ដែលគេអះអាង ថា ជាស្រីស្នេហ៍ របស់ ខ្លួនចូលទៅដេកនៅក្នុង ផ្ទះសំណាក់មួយនេះ ។</p>
<p>ជនរងគ្រោះ ត្រូវបានសមត្ថកិច្ចមូលដ្ឋាន អះអាងថា ជាមន្ដ្រីអាវុធហត្ថពាក់ស័ក្ដិ៣ មានតួនាទីជាអនុប្រធាន ទីស្នាក់ការអាវុធ ហត្ថប៉ុស្ដិ៍ព្រែកចាក នៅខេត្ដកំពត ហើយ បច្ចុប្បន្នស្នាក់នៅក្នុងស្រុកកំពង់ត្រាច ខេត្ដ កំពត ដើម្បីបម្រើការងារនៅទីនោះ ។</p>
<p>ប្រភពព័ត៌មានពីមន្ដ្រីនគរបាលមួយរូប ដែលចូលរួមធ្វើកោសល្យវិច័យ និងពិនិត្យ សពជនរងគ្រោះនៅ កន្លែងកើតហេតុនោះ បាននិយាយថា ជនរងគ្រោះឈ្មោះហៀម ភាព អាយុ៣៥ឆ្នាំ ហើយមានប្រពន្ធនិងកូន រួចទៅហើយ ប៉ុន្ដែលួចមានស្រីស្នេហ៍នៅខាង ក្រៅរឿងនេះហើយ អាចជាមូលហេតុដែល នាំឱ្យរូបគេ និងប្រពន្ធមានជម្លោះរហូតដល់ ចង់លែងលះគ្នាទៀតផង ។</p>
<p>ប្រភពព័ត៌មានពីមន្ដ្រីនគរបាលបានដក ស្រង់សំដីបងស្រីជនរងគ្រោះថា ជនរងគ្រោះ មានវិបត្ដិក្នុងគ្រួសារ ពោលបានឈ្លោះទាស់ ទែងជាមួយប្រពន្ធ រហូតចង់លែងលះគ្នា ទៀតផង ជាហេតុធ្វើឱ្យជនរងគ្រោះ បានដើរ លេងផឹកស៊ីនៅក្នុងហាង និងលួចមានស្រី ស្នេហ៍នៅខាងក្រៅផ្ទះ ។</p>
<p>សាច់ញាតិជនរងគ្រោះបានប្រាប់សមត្ថ កិច្ចថា ទំនងជាមានវិបត្ដិយ៉ាងធ្ងន់ធ្ងរមិនអាច ដោះស្រាយចេញ ជាមួយប្រពន្ធរបស់ខ្លួន យ៉ាងដូច្នេះហើយ ទើបជនរងគ្រោះបានដាច់ ចិត្ដបញ្ចប់ជីវិតខ្លួនឯងត្រឹមវ័យ ៣៥ឆ្នាំតែ ម្ដងទៅ ដែលធ្វើឱ្យក្រុមគ្រួសារទាំងមូលមាន ការអាលោះអាល័យយ៉ាងខ្លាំង ។</p>
<p>ប្រភពព័ត៌មានពីសមត្ថកិច្ចដែលបានសួរ នាំនៅកន្លែងកើតហេតុ ជាពិសេសស្ដ្រីម្នាក់ ដែលអះអាងថា ជាស្រីស្នេហ៍របស់ជនរង គ្រោះឈ្មោះថាវី អាយុជិត៣០ឆ្នាំ ជាអាជីវ ករលក់ដូរនៅក្នុងផ្សារអូរឫស្សី បានអះអាង ពីការធ្វើអត្ដឃាតរបស់ជនរងគ្រោះតាមរយៈ ការបាញ់សម្លាប់ខ្លួនឯងចំក្បាលពីឆ្វេងទៅ ស្ដាំ ស្លាប់ភ្លាមៗនៅក្នុងបន្ទប់ផ្ទះសំណាក់តែ ម្ដងទៅ ។</p>
<p>ប្រភពព័ត៌មានពីសមត្ថកិច្ច មុនពេលមាន ករណីនេះកើតឡើង ជនរងគ្រោះ បានបើក រថយន្ដរបស់ខ្លួន ម៉ាកកូរ៉ូឡា ពណ៌ស ពាក់ស្លាក លេខ ភ្នំពេញ 2Y-5408 ដោយដឹកស្រីស្នេហ៍ របស់ខ្លួន ដើរលេងចូលផឹក ស៊ី រួចហើយនៅ យប់រំលងអាធ្រាត្រនោះ ក៏ចូលទៅដេកនៅ ផ្ទះសំណាក់ហេងមហាសាល សង្កាត់ព្រែក លៀប ខណ្ឌជ្រោយចង្វារ បន្ទប់លេខ អា១០២ ជាន់ទី១ ។</p>
<p>ប្រភពព័ត៌មានបានបន្ដទៀតថា នៅពេល ដែលចូលទៅក្នុងបន្ទប់ជនរងគ្រោះ បានប្រាប់ ស្រីស្នេហ៍ របស់ខ្លួនថា មានវិបត្ដិកើតឡើង នៅក្នុងគ្រួសារនិងកន្លែងធ្វើការ ហើយរូបគេ ចង់បាញ់សម្លាប់ ខ្លួនឯងណាស់ ។</p>
<p>ក្រោយពីនិយាយចប់ជាមួយស្រីស្នេហ៍របស់ ខ្លួន រួចមក ជនរងគ្រោះបានយកដៃស្ដាំកៀក ស្មាស្រីស្នេហ៍ ហើយយកដៃឆ្វេងភ្ជង់ក្បាល រួចក៏កេះកៃកាំភ្លើងឮសូរផូងដួលដេកទៅលើ កម្រាលឥដ្ឋ បែកក្បាល ហូរឈាមស្លាប់ភ្លាមៗ តែម្ដងទៅ បើទោះបីស្រីស្នេហ៍ ដែលមិន មានរងរបួសនោះចង់ដឹកបញ្ជូន ទៅកាន់មន្ទីរ ពេទ្យក៏ដោយ ។</p>
<p>ក្រោយមានអំពើឃាតកម្មបាញ់សម្លាប់ ខ្លួនឯងយ៉ាងដូច្នេះ បង្កឱ្យមានការភ្ញាក់ផ្អើល យ៉ាងខ្លាំងនៅផ្ទះ សំណាក់ ហេងមហាសាល រហូតដល់មានក្រុមសមត្ថកិច្ចទាំងនគរបាល អាវុធហត្ថ និងអាជ្ញាធរមូលដ្ឋាន ចុះមក កន្លែងកើតហេតុ ដើម្បីសួរនាំនិងធ្វើកោសល្យ វិច័យលើសពជនរងគ្រោះ ។ ក្រោយពីសួរនាំ ពីមូលហេតុនិងដំណើររឿងរួចមក ការស្លាប់ របស់ជនរងគ្រោះ ដែលជា នាយអាវុធហត្ថ រូបនេះ គឺបណ្ដាលមកធ្វើអត្ដ ឃាតបាញ់ បំបែកក្បាលខ្លួន ព្រោះតែវិបត្ដិនៅក្នុងក្រុម គ្រួសារនិងកន្លែងធ្វើការ ។</p>
<p>ក្រោយធ្វើការពិនិត្យកោសល្យវិច័យរួច ហើយ កម្លាំងសមត្ថកិច្ច បានយកសពជនរង គ្រោះប្រគល់ទៅ ឱ្យក្រុមគ្រួសារយកទៅធ្វើ បុណ្យតាមប្រពៃណី ៕</p>
<p style="text-align: center;"><img src="http://image.dap-news.com:81/dap-news/dap-images/2014/June/id-067/CH-01168.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/June/id-067/CH-01169.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/June/id-067/CH-01170.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/June/id-067/CH-01171.jpg" alt="" width="500" /></p>
</div>
<p style="text-align: right;"><a href="http://www.dap-news.com/2011-06-14-02-39-55/89102-2014-06-23-05-49-38.html" target="_blank">ផ្តល់សិទ្ធដោយ ៖ ដើមអម្ពិល</a></p>