<p><strong>ភ្នំពេញៈ</strong> បន្ទាប់ពីតារាសម្ដែង មានឈ្មោះបោះសំឡេងគួរសម អ្នកនាង បូនីតា ដាដេណា បាន<br />បង្ហាញសកម្មភាព យ៉ាងផុសផុល នៅក្នុងព្រឹត្តិការបាតុកម្ម អហិង្សា របស់គណបក្សសង្គ្រោះជាតិ<br /> ដោយគេសង្កេតឃើញ តារាសម្ដែងរូបនេះ បានប្រឹងប្រែង យ៉ាងញាប់ដៃញាប់ ជើងជួយគណបក្ស <br />អស់ពីកំលាំងកាយ កំលាំងចិត្ត ។ ប៉ុន្តែថ្មីនេះ បូនីតា ដាដេណា បានក្លាយជាមុខសញ្ញា ត្រូវគេតាម<br /> ប្រម៉ាញ់អាយុជីវិត របស់នាង ហើយគេមិនដឹងទេថា ការតាមយាយីគំរាបដល់ជីវិតនាង នៅពេល<br />នេះ ព្រោះតែដើមចមនៃ រឿងនយោបាយ ឬជារឿងគំនុំ ផ្ទាល់ខ្លួននោះទេ។</p>
<p>តារាសម្តែង បូនីតា ដាដេណា បានសរសេរសារជា ភាសាខ្មែរ នៅលើFacebook របស់នាង កាលពី<br />ថ្ងៃទី២៧ ខែតុលា ឆ្នាំ២០១៣ កន្លងទៅនេះថា "ហេតុអីឲ្យតែខ្មែរ ការពារខ្មែរ តែងតែទទួលលទ្ធិផល<br />បែបនេះ ? ដូចជាខ្ញុំ មិនទាន់ធ្វើអ្វីឲ្យមានប្រយោជន៍ ដល់សង្គមផង មានការជេរប្រមាថ មើលងាយ<br /> គំរាមសម្លាប់ មានគេតាម ស្ទើរតែរាល់ថ្ងៃ .. តើបងប្អូនរួមឈាមអាចពន្យល់ខ្ញុំបានទេ ?????” ។</p>
<p>តាមរយៈសម្តីនេះ បានស្តែងឲ្យឃើញយ៉ាងច្បាស់ថា តារាសម្តែង បូនីតា ដាដេណា កំពុងតែមានភាព<br />ខ្លាចរអា ក្រោយទទួល បានការសម្លុតគំរាម រហូតដល់ត្រូវអាយុជីវិត បន្ទាប់ពីនាងត្រូវ បានបុរសប្លែក<br /> មុខព្យាយាមតាមដាន នាងគ្រប់ ពេលវេលាគ្រប់ទីកន្លែង មិនថានាងនៅផ្ទះ ឬនៅកន្លែងណាទេ តែង<br />តែមានគេចាំ តាមដាន និងឃ្លាំមើលនាងជានិច្ច។</p>
<p>ជាស្ដែងថ្មីៗនេះទៀតសោត ក៏មានមនុស្សប្លែកមុខពីរនាក់ តាមដាននាងពីក្រោយ ពេលចេញពីផ្ទះ ។<br /> បូនីតា ដាដេណា បានសរសេរសារ នៅលើFacebook របស់នាងបន្ថែមថា "យប់មិញពេលខ្ញុំ ចេញទៅ<br />ញុំាបាយ នៅខាងក្រៅ. មានគេតាមរហូតដល់ហាង .. គឺរង់ចាំខ្ញុំ តាំងពីមុខផ្ទះរហូត ក្នុងនោះមនុស្ស<br />ប្រុសពីរនាក់ ជិះម៉តូ viva..." ។</p>
<p>ចាប់តាំងពីគណបក្សសង្គ្រោះជាតិ ប្រកាសធ្វើមហាបាតុលើកទី១ រហូតដល់ពេលបច្ចុប្បន្ន គេសង្កេត<br />ឃើញមានវត្តមាន តារាសម្តែងមួយរូបគឺ អ្នកនាង បូនីតា ដាដេណា បានប្រកាសខ្លួន ធ្វើជាមនុស្សម្នាក់<br /> ដែលគាំទ្រគណបក្សសង្គ្រោះជាតិ ។ជានិច្ចកាលតារាស្រីរូបនេះ តែងតែបង្ហាញវត្តមានស្ទើគ្រប់សកម្ម<br />ភាព នៅក្នុងគណបក្ស ហើយរហូត មកដល់ពេលថ្មីៗនេះ ក៏មាន ព័ត៌មានលេចឮ ពីម្ចាស់សាម៉ីខ្លួនអ្នក<br />នាង ដាដេណា ទម្លាយឲ្យដឹងថា ពេលនេះជីវិតឯកជនរបស់នាង កំពុងតែរស់នៅ ជាមួយភាពភ័យខ្លាច<br /> ក្រោយពីនាងត្រូវគេ គំរាមសម្លាប់រួចមក ។</p>
<p>គេហទំព័រ LookingTODAY មិនទាន់អាចទាក់ទងសាកសួរព័ត៌មាន លម្អិតនឹងច្បាស់ការ ពីម្ចាស់សាម៉ី<br />ខ្លួន អ្នកនាង បូនីតា ដាដេណា បានទេ នៅថ្ងៃទី២៨ ខែតុលា ឆ្នាំ២០១៣ នេះ ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/September/id-099/v_1242.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/October/id-098/S_0508.jpg" alt="" width="600" /></p>
<p style="text-align: right;">ដោយ៖ LookingTODAY<br />ផ្តល់សិទ្ធិដោយ៖ ដើមអំពិល</p>